بدر سعود الجعفري 🇸🇦

#شعر #بدر_سعود_الجعفري الشعر ما بتلاع صيده عوايق برّا مناطق (كل مطرود ملحوق) الله يزيد منسّقين الحدايق الارض ناقصها زبيدي و رقروق لو شفت تحت القاف منجم وثايق اشرفت في قمّة مباديه منْ فوق الشعر ما بتلاع صيده عوايق برّا مناطق كل مطرود ملحوق نوادر الفكرة تجيني حقايق و إلهامها كنّه مع العين مخلوق القول ماهو معجزة كل سايق شوارع الكلمة بها ناس و تْسوق الشعر ماهو معركة كل ضايق السقْط بالتعبير حاله من العوق و اللي عليه ارزاق كل الخلايق الناس بالدنيا مريزق و مرزوق اشفق على اللي صار شاقي و شايق من حيرة الماضي و من حرّة الشوق من فيض ضيقاته عيونه غرايق ما باقي الاّ يذكرونه بزملوق من كثر مابه خوف كنّه يوايق على الزحول اللي لهم سلْم و حقوق انْ قلت من غيبوبه الشك فايق تلقاه يشرح حالته تقل مخنوق حتى العلوم اللي صنعها لفايق ماضخّ في شريانها دم و عروق على صحون الناس خادم و ذايق لو يفقد التوقير ما يفقد الذوق باقي على محروق دمّه دقايق و يحارب اللي يحرق الطيب بالسوق و الغانم اللي في ضميره حرايق يعطيك فوق المبخرة عود محروق وعود السبَط ماهو على النّار لآيق ودّك يمضّيها من الوسم للنّوق كنّ السنين اللي بها الطيب عايق صارت تشوف الطيب نيبان و حلوق ياليل دونك نور سبْع الطرايق وانا عن اخر ليل غنّيت طاروق من يوم شفت الروح منّي تهايق بانت على تاليك جنحان غرنوق و اقفيت ياليل السحّر و انت رايق كنّك توادعني على راس شاهوق و الاّ صناديق الصدور الغلايق تقفّلت من دون مفتاح صندوق

#حائل #حايل #الخميس_الونيس #امطار_المدينه #الشملي #امطار_حايل_المدينة يا غيمةٍ قامت غزارتها تزيد تدهن صحاري برّها من يمّها ساقت من الغربي و منزلها بعيد و اقوى من البحر الجليدي لمّها عن سقفها سطح الهمايل مد بيد تثقل سماكتها و يردم كمّها مدري سوايلها من اطنان الحديد و الاّ من الغيث السحابي جمّها ما عاد حتّى للهوى ينبض وريد كن الهبايب جفّ فيها دمّها سبحان ربي تسبق الموجه رعيد واشّر لها برْق السلام و ضمّها وتجمعوا كل العسوس من الشديد واللي بدا في شغلته ما تمّها حرام كن قنوفها هضبة و حيد اللي معلّق غترته ما خمّها انْ خفّت الديمه تسمّي من جديد همّالها دك النفود و عمّها والله يا لولا رحمة الله بالعبيد يمكن سفينة نوح تركض يمّها ناس ٍ بغت تغرق من الغيث المديد والله حملها فوق و اغرق همّها ياليت بندقهم ليا ثارت تصيد مار الهوى شاف الوجيه و زمّها ما سمّها الاّ الزود بالعيش الرغيد و لو قللّت حلو العسل ما سمّها #بدر_سعود_الجعفري