المشهد اللي قدامك ده بيثبتلك ان الشعب الياباني شعب راقي جدا !
اليابان امبارح ودعت مدربها " هاجيمي مورياسو " بعد 8 سنين متواصله قدر يبني خلالها واحد من اقوي منتخبات العالم حاليا ، الجميل بقي ان وداع هاجيمي كان عبارة عن احتفال ، ممر شرفي و لافتات و بوكيه ورد و مصورين بالكوم ، اتعامل معامله النجم السينمائي !
المبهر بقي ان هاجيمي درب اليابان من 2018 و كان بيدرب منتخبات تحت 21 و 22 و 23 في نفس الوقت ، لعب 113 مباراة و نجح يفوز في 77 مباراة منهم مكاسب امام كبار القوم ، البرازيل و اسبانيا و المانيا و انجلترا و اليابان في عهده زاد عدد محترفينها من 4 الي 22 محترف !
المبهر اكتر بقي ان هاجيمي راح يعمل معايشه في مانشيستر يونايتد من 36 سنة سمع ب ودانه التقليل من اليابان بسؤال بيقول " هو اليابانيين بيعرفوا يلعبوا كرة قدم " ، عشان هاجيمي يترك منتخب اليابان النهاردة في التصنيف ال 17 عالميا !
و عشان اليابان عندها مشروع اسمه " حلم التتويج ب كاس العالم 2050 " ف قرروا يعينوا المدرب " جوي اويوا " حامل لقب كاس اسيا مع المنتخب الاوليمبي ، التخطيط كما يجب ان يكون من كوكب اليابان 👏❤️
للوقاحة عنوان وهو بيني مكارثي مدرب منتخب كينيا
الجنوب افريقي بعد ما خسر 4 مباريات متتالية خرج بتصريحات اقل ما يُقال عنها حقيرة لأبعد الحدود
الجمهور الكيني كان انتقده بشدة فكان رده انه لما بيروح بيته بينام زي الطفل لانه شايف حياته مكتملة ومش محتاج يقلق ان عنده مية سخنة زي ناس !
وقاحة ليفيل الوحش ! مكتفاش بكده
ده قال كمان ان الشخص اللي بينتقده على السوشيال ميديا ده ممكن يكون مأكلش من اسبوعين ! طبعاً كينيا فيها ناس كتير عيشتهم بدائية وفقيرة
حقيقي تصنف واحدة من احقر التصريحات في عالم الكورة وشخصية زي دي المفروض من بكرة مفيش مكان يقبل يشغله
جواهر مدريد 💎
حتى ماستانتونو متألق ! ماستانتونو وصل لهدفه الدولي الثالث في 8 مباريات دولية فقط ، ومع فيورنتينا سجل 4 اهداف في 13 مباراة
ريال مدريد عنده لاعيبة مواهب ممكن يرجعها من بكرةً ، نيكو باز اولهم طبعاً بالأداء الخارق والإستثنائي بتاعه لحد دلوقتي مع كومو والأرچنتين
ده غير ان في مدافع محدش بيتكلم عنه خالص وهو الاسباني چاكوبو رامون مدافع كومو ، استوى على الاخر مع فابريجاس خلاص وريال مدريد هيرجعه
ده غير ان النادي هيطلع اندريك لإعارة جديدة تمتد لسنتين في نادي كبير ، ده غير الموهبة جي جي جابرييل ذو الـ16 عام اللي هينضم للريال خلاص
13
1,600
في عزّ خناقة الهداف التاريخي في مصر ، بيظهر الشمشون النرويجي آخر من تبقى من سلالة قوم عاد ايرلينج هالاند وبيوصل لـ68 هدف دولي
النقطة هنا انه وصلها في كام ماتش ؟ في 61 ماتش ! رقم مرعب دولياً خصوصاً ان هالاند مهاجم للنرويج مش المانيا مثلاً او انجلترا او اسبانيا وحواليه اعلى كواليتي يخدم عليه
النقطة ان حتى كيليان امبابي حقق 67 هدف بس في 108 مباراة ، محمد صلاح برضو 68 هدف دولي في 121 مباراة ، وفي روايات اخرى 70 هدف في 122 مباراة دولية
هالاند محقق رقم مرعب ، وهو ان معدله التهديفي اعلى اصلاً من معدل مبارياته الدولية بمعدل 1.1 هدف في المباراة الواحدة ودي مفيش في العالم حد حققها
في وسط زحمه تصفيات امم افريقيا امبارح ، كان في مدرب مغربي بيحاول يعمل معجزه مع منتخب ليبريا !
اللي قدامك ده هو المدرب المغربي " محمد عادل الراضي " اللي تولي تدريب منتخب ليبريا من 6 شهور بالظبط و يدوب اتجمع مع لاعبيه مرتين فقط قبل ما يلعب 4 مباريات في التصفيات !
اللي حصل امبارح بقي ان ليبريا بقياده الراضي حققوا مفاجأه و فازوا علي الراس الاخضر بنتيجة 2 / 0 عشان يوصلوا الي المركز التالت و يبقي عندهم امل بسيط في الصعود الي امم افريقيا لاول مرة من 25 سنة !
و لو قدر الراضي يصعد ب ليبريا الي امم افريقيا هتبقي معجزه فعلا لان تخيل ليبريا علي مدار تاريخهم صعدوا الي امم افريقيا مرتين فقط اخرهم في 2002 ، ده غير انهم حاليا في التصنيف 143 عالميا و قيمتهم التسويقيه 8 مليون يورو فقط !
مساعد في الرجاء ، مدير رياضي في اتحاد طنجه ، مدير فني للكوكب المراكشي ، بطل الدوري الرواندي 3 مرات علي التوالي ، و اليوم يؤمن بمعجزه التأهل مع ليبريا ، محمد عادل الراضي 👏🇲🇦
منتخب تونس مكنتش فاكر ان ممكن يبقى في اسوأ من اللي قدمه في المونديال ، كده كده كنت لنساه وبتفاجئ بيه حاضر في امم افريقيا وكأس العالم عادي اللي هو العادي بتاعه يكون موجود
لكن الحقيقة ان نسور قرطاچ بيواجه كارثة حقيقية ! تونس ممكن متتأهلش لأمم افريقيا 2027 ! بعد 4 جولات تونس لم يحقق اي انتصار ، 3 تعادلات وهزيمة امام ليبيا وتذيل ترتيب المجموعة
تونس بسبب نتايجها تآخرت كتير في التصنيف وبقت في المركز الـ61 وبقت المصنف الـ11 أفريقياً وتراجعت خلف الكونغو الديمقراطية وجنوب أفريقيا، تونس بتواجه كارثة على مستوى الجودة ومبقاش في اسماء زي الاجيال الماضية
تونس محتاج تكسب المباراتين القادمتين مع بعض الهدايا من المنافسين عشان يقدر يوصل
3
17
4,210
احلى خبر في مدريد انهاردة♥️
ريال مدريد بيشتري المستقبل وبيأمن اهم موهبة عنده لمدة 6 سنوات قادمة بالتجديد لأردا جولر
فرصة بالمرة نقفل باب الشائعات السخيفة اللي ربطته بباريس سان جيرمان
ريال مدريد عارف كويس قيمة الجوهرة اللي معاه والحفاظ عليها كان شئ بديهي وحتمي
جولر الموسم ده 10 مساهمات مع ريال مدريد في 14 ماتش بجانب مساهمتين في 5 مباريات مع تركيا
لا يقدر بثمن♥️💎
11
499
هي الكورة ريسك في الاول والآخر ، وكورة حمزة اللي مطلعاه تريند دي لو كانت ملت وش رجله وراحت المقص كان اتقال أشعار في الفينيش بتاعه ، فهو خد الريسك حسب الموقف لكن لم يوفق الموضوع بسيط
انا عموماً في مباراة مصر ومالاوي محستش ان لينا عمق هجومي وحد بيناطح مدافعيهم في الصراعات غير لما هو نزل ، جايز حمزة بالكورة قليل لانه ستايل كلاسيكي جداً وبالكتير تجيله الكورة في المنطقة ويخلص
لكن حمزة لا يستحق التريند المبالغ فيه واللي حاسس فيه قدر غريب من التشفي ، لو بفرضية حتى اننا في مصر بننفخ بلالين ، فخليك عارف انهم في اوروبا مبيتضحكش عليهم بالكلام ده من الاساس
وحمزة لو خامة مضروبة ، لا كان برشلونة تعاقد معاه ولا كان أمن عقده كمان ، احنا كل القصة عاوزين اللاعب او ما يظهر يمشي على الحيط ويدينا أمارت ، حمزة محتاج وقت ومشاركات كتير
ارجوكم خرجوا الولد برا اي حسابات
الصورة اللي قدامك دي بتقولك ان منتخب مصر محظوظ جدا ، تعالي اقولك ليه !
منتخب مصر امبارح بعد التعادل مع ملاوي اتخصم منه 8.98 نقطه و نزل مركز في تصنيف الفيفا لكن الميزه هنا ان كل المنتخبات الافريقيه اللي تحت مصر برضه اتخصم منها نقاط !
كوت ديفوار اتخصم منه 8.01 بعد التعادل مع جامبيا ، الجزائر اتخصم منها 20.97 نقطه بعد الخساره امام توجو ، نيجيريا اتخصم منها 8.21 بعد التعادل مع تنزانيا ، و ده معناه ان منتخب مصر لحد دلوقتي موجود في التصنيف الاول في قرعه امم افريقيا !
و ده لان التصنيف الاول بيتواجد فيه 6 منتخبات ، الثلاثي كينيا و تنزانيا و اوغندا اصحاب الارض ، و معاهم المغرب و السنغال و مصر ، بالتالي مصر مبدأيا هتتفادي مواجهه السنغال او المغرب في دور المجموعات !
يعني من الاخر هي اتسترت معانا لكن ضروري جدا نكسب انجولا و جنوب السودان في شهر مارس الجاي عشان نضمن التصنيف الاول رسميا في قرعه امم افريقيا 🇪🇬❤️
من الواضح كدة ان ميسي لسة معتزلش مع منتخب الارجنتين !
الارجنتين النهاردة اكتسحت كوستاريكا بنتيجة 7 / 0 في مباراة وديه منهم هدف اسطوري سجله نيكولاس باز فكر الجمهور الارجنتيني كله ب ليونيل ميسي !
باز استلم الكرة بين الخطوط بقدمه البعيده و ضهره للمدافع و لف بيه لبره ، دوران خيالي اول مرة اشوفوا ، بعدها جري بالكرة و دخل وسط اتنين راح دخل التحام مع واحد وقعوا في الارض و لم التاني لبرة !
لحد ما وصلنا للمشهد ده ، تخيل بس ان باز سدد الكرة من المكان ده و بقدمه الضعيفه و الكرة رشقت في المقص لدرجه ان الحارس مشافهاش ، هدف كله جبروت حرفيا و مفيش لاعب يقدر يسجله غير ميسي فقط !
المرعب بقي ان باز ساهم الموسم ده ب 20 هدف في 20 مباراة ، ريال مدريد هيندم حقيقي لو مرجعش باز من كومو الموسم الجاي ، دي جوهره مينفعش يتفرط فيها ابدا 💙
اللاعب المغربي الجميل اللي قدامك ده دخل التاريخ النهاردة من اوسع ابوابه !
اللي قدامك ده هو " عبد الله وزان " صاحب ال 17 سنة فقط و اللي لعب النهاردة اول مباراة دوليه ك اساسي مع منتخب المغرب الاول و كمان سجل هدف الفوز علي النيجر عشان يبقي اصغر لاعب في التاريخ يسجل بقميص المغرب !
المبهر بقي هي الطريقه اللي سجل بيها وزان ، استلم الكرة علي الخط ، عمل ربط مثالي مع براهيم دياز ، هاجم المساحه و لف الكرة في البعيده ، ده غير انه صنع فرصه محققه للتسجيل ل ياسر الزابيري و كسب 6 التحامات من اصل 9 !
موهبه قدرت تشد كل العيون ، في 2016 شد عيون كشافين اياكس عشان ينضم ليهم و هو 7 سنين ، بعدها شد عيون كشافين ريال مدريد و لولا خلافات الكشف الطبي كان انضم ليهم ، ده غير انه كان السبب في فوز المغرب ب امم افريقيا للناشئين و كان افضل لاعب في البطولة !
محمد وهبي مكنش بيبالغ ابدا لما قال ان عبد الله وزان هو مستقبل كرة القدم المغربيه 👏🇲🇦❤️
منتخب المغرب خرج النهاردة من مباراة النيجر بمكاسب كبيره جدا !
اول مكسب هو فوز المغرب علي النيجر بهدف نظيف عشان المغرب يبقي تاسع منتخب يصعد رسميا الي امم افريقيا و ده بعد ما حققه العلامه الكامله في التصفيات ، 4 مباريات ب 4 فوز !
تاني مكسب بقي و ده الاهم هو معدل الاعمار النهاردة اللي كان 24 سنة فقط ، تخيل بس ان في 9 لاعبين من المغرب شاركوا النهاردة و اعمارهم اقل من 25 سنة ، ايت بودلال ، رضا بلحيان ، ايوب بوعدي ، بلال خنوس ، عبد الله وزان ، ياسر الزابيري ، ايوب اوفقير ، سمير المرابط ، ياسين جاسيم !
المكسب الاخير بقي ان منتخب المغرب كسب نقطتين زياده في تصنيف الفيفا و انهي التوقف الدولي الحالي في التصنيف الخامس عالميا بفارق 8 نقاط عن البرتغال و 9 نقاط عن البرازيل ، سابقه لم تحدث في افريقيا من 32 سنة !
مبدأ محمد وهبي كان واضح منذ تعيينه في منتخب المغرب ، مرحبا بجميع اللاعبين سواء كانوا 17 سنة او 34 سنة ، المعيار الاول هو الكفاءه فقط 👏🇲🇦❤️
المشهد اللي قدامك ده هو المعني الحرفي ل كلمه سلكان !
المشهد ده حصل النهاردة في مباراة النرويج و الدنمارك في دوري الامم الاوروبيه ، الدقيقه 36 و النتيجة 2 / 0 للدنمارك و النرويج خلاص بتفقد الامل لان لازم يكسبوا عشان يصعدوا الي ربع النهائي ، يعني عايزين 3 اهداف !
المبهر بقي ان اوديجارد هنا ضغط علي الحارس و قطع الكرة و بدل ما يسدد و الهدف يتحسب له راح ساب الكرة ل هالاند اللي جاي مندفع عشان يسجل اسهل هدف في مسيرته ، كميه صفاء نفسي عند اوديجارد غير طبيعيه !
المبهر اكتر بقي ان اوديجارد سجل التعادل في الدقيقه 83 و كمان عمل عرضيه في الدقيقه 93 كسب من خلالها ركله جزاء عشان النرويج تقلب النتيجة الي 3 / 2 بفضل لاعب عظيم اسمه اوديجارد ساهم في ال 3 اهداف بالكامل !
اوديجارد مش بس صعد منتخبه بعد ما كان فاقد الامل ، لا ده كمان خلي هالاند يسجل هدفين و يوصل الي 68 هدف دولي في 61 مباراة ، اوديجارد يستاهل تعظيم سلام حرفيا 👏❤️
انا مش عارف اجيبهالك ازاي بس منتخب نيجيريا ممكن جدا ميتأهلش الي امم افريقيا !
منتخب نيجيريا تعادل النهاردة مع منتخب تنزانيا بدون اهداف و حاليا هما في المركز التاني ب 7 نقاط ، في المقابل غينيا بيساو فازوا علي مدغشقر بنتيجة 2 / 0 و تصدروا المجموعه ب 10 نقاط !
المفاجأه بقي ان المجموعه دي هيتأهل منها منتخب واحد بس لان منتخب تنزانيا كدة كدة متأهل لانه صاحب الارض ، لو حصل بقي و نيجيريا كسبت مدغشقر الجوله الجايه مع فوز غينيا بيساو علي تنزانيا !
وقتها نيجيريا لازم تكسب غينيا بيساو علي الاقل بنتيجة 4 / 0 لان غينيا بيساو فازوا عليهم في مباراة الذهاب بثلاثيه نظيفه و القانون بيقول عند التساوي في النقاط هيتم حسم المتأهل عن طريق المواجهات المباشره ثم فارق الاهداف في المواجهات المباشره !
فكرة ان منتخب بحجم نيجيريا ممكن ميتأهلش الي امم افريقيا دي صدمه بكل المقاييس !
















