𝖜𝖆𝖙𝖊𝖊𝖓~

أنا أحب ولد عمي من يوم حنا صغار، وضفته ببجي عن طريق أخته، وصرت أسولف معه وألعب معه، من غير ما أعلمه إني بنت عمه. حاولت أكثر من مرة أخليه يضيفني سناب أو واتساب، لكنه كان يرفض ويقول: آسف، ما أضيف بنات. وبعد فترة واجهني وقال: «أنتِ مين مرسلك علي؟ تراني عارف إنك فلانة، فكيني شرك، وش تبين مني؟» أول شيء انصدمت إنه يعرفني من البداية وساكت له 6 شهور، وبعدها صارحته إني معجبة فيه. قال لي إنه موافق ومستعد يخطبني ويتزوجني، لكن عنده شروط: أولًا: ما فيه سواقة. ثانيًا: أسكن مع أمه وأبوه، لأنه أصغر إخوانه ومستحيل يتركهم لحالهم. ثالثًا: ما فيه شغالة، لأن راتبه ما يسمح، فهو موظف بشركة. وافقت على كل شروطه، لكن الصدمة إنه صوّر المحادثة وأرسلها لأبوي! وجاء أبوي وقال لي: «بعبايتك تنقلعين لبيت عمك، أملك لك ولا أشوف وجهك!» سألته وش سويت؟ قال: «تحبين وتتمعشقين وتخطبين ولد عمك عيني عينك؟» ومن يومها وأنا أعيش معاملة سيئة من أبوي، وإخواني يقولون لي: سواد الله وجهك! والحين عرفت إنه بيحط لي مهر 30 ألف بس، وقلت سلامات؟ أنا بنت وأول مرة أتزوج، ليش أقبل بهالمهر؟ لكن أهلي يقولون: أنتِ تبينه، المفروض حتى ما يعطيك مهر! والله إني محتارة، شروطه ما استوعبتها إلا اليوم، وفوق هذا انضربت من أبوي وأمي، وحاسة إني نكبت نفسي. ما أدري أهرب ولا أكمل وأجلس عند أبوي وأتحمل الكلام اللي أسمعه كل يوم؟ وحتى بعد ما صوّر المحادثة وأرسلها لأبوي، باقي أحبه وزعلانة منه، وأقول يمكن سوّى كذا عشان أبوي يوافق. وش رأيكم؟ أكمل معه ولا أنهي الموضوع؟ .. صاحبة القصة من الخاص...