Jojo

عندي مشكلة بالكلام اللي عم شوفه مؤخراً بتايم Daha17، وهو للأسف سلوك موجود من زمان ورح ضل أعتبره قلة تربية قبل أي شي تاني 🫷🏻 فكرة التنمر على أشكال الممثلين وإعطائهن ألقاب مثل: "أم تم معوج، أم عيون حولة، القزمة، أم ترهلات" وللرجال "أنثوي، دلوع" ، وطبعاً في مصطلح آخر لكن ما بدي أكتبه، و"وجهه قبيح" إلى آخره. وأسخف شي الرد ، لما حدا بينتقد هاد السلوك بيكون الرد: "هي فنانة وعم تعرض حالها" بالله؟ يعني هاد بيعطي الحق ينحكى عنها بهالطريقة؟ عذر أقبح من ذنب 😅 .. في فرق كبير بين إنك تكون متلقي لعمل فني وبين إنك تعتبر حالك مخوّل تتعدى على كرامة صاحبه بإمكانك ما يعجبك تمثيل الفنان/ة، أو ما يوصلك أداؤه، أو تنتقد اختياراته الفنية، بس قلة الأدب والتعليق على أشكال الناس والتنمر عليها مو من حق أي حدا. (وكلامي مو لفئة وحدة من الفانز بس لنكون واضحين). بس هيك دمتم سالمين 🌸