كنت قاعد مع واحد صيدلي صاحبي في صيدليته. جه شاب لابس كاجوال إداله روشتة فيها 6 أصناف. الصيدلي جاب له خمس أصناف وقال له الصنف السادس ناقص وفيه بديل؟ فاشاب سأله طيب ممكن ألاقيه فين الصيدلي وصف له صيدلية وقال له بس هي بعيدة شوية فالشاب أخد الروشتة وساب الأدوية الخمس أصناف عند الصيدلي وقال له هروح أجيب الصنف ده وأجيلك أخد باقي الأدوية ومشي اللي هو لما تكون حاجة وماتقتنعش وتقول للبياع هاخد لفة أتفرج وأجيلك تاني وإنت غالبا مقرر إنك مش هترجع. بعد نص ساعة لقينا الشاب داخل علينا ومعاه شنطة أجزخانة فيها الصنف السادس وطلب باقي الأصناف بصراحة أنا انبهرت وقلت له طيب ليه ماجبتش باقي الأصناف من هنا وخلاص لقيت الشاب وشه احمر وحسيني إني غلطت وقال لي دكتور بحك إني لابس نضارة وقاعد علي مكتب الصيدلي يعني المؤمنون عند أقوالهم وأنا قلت هرجع يبقي لازم أرجع وعلي فكرة يادكتور الصيدلية التانية جنب موقف العربيات بتاعت بلدنا بس ولو برده مادام قلت هرجع يبقي أرجع قمت طبطبت عليه وقلت له ربنا يبارك فيك ويكتر من أمثالك.