عِرب

إن ضايقك إني على بابك أمرّ في ليلة ألم—وإني على دربك مشيت عمري وأنا قلبي القدم. أبعتذر، أبعتذر، كلي ندم!

الواحد يحرّص يذكرونه بالخير بعد ما يمشي أنا وهم للحين يدورون حذيان ولدها وبساطير زوجها 😞

الحمد لله إن أختي الصغيرة أطول منّي وما ألبس عباياتها. مؤخرًا دريت إنها تغسلها من تحت -بس- عشان ما يبهت لونها. أنا وأمي وكل من يعز علينا، براء من هالبنت وتصرفاتها ليوم الدين

أخذت جرعة مضاعفة من حبوب التنحيف ووصلت للموت، وسجّلوها بملفي محاولة انتحار كل من فتحه يشوفني غبية، دبة، وبائسة

حزاب اللي ملابسه بالشتاء هي ملابس الصيف بس يحط جكيت فوقهم

مصممات العبايات، ممكن تشرحون لنا فكرة تقصير الأكمام؟ يمكن عندكم وجهة نظر تقنعني أمشي بالشارع وأنا مجمّعة كتوفي عشان ما يوصل الكم لكوعي

اليوم وأنا أسلّم على وحدة من زميلات الدوام القديمات، جاني فلاش باك لما توفى أبو مديرنا، وراحوا البنات لبيته ونادوه من عند الرجال عشان يعزونه فيس تو فيس كنت ناوية أغفر ما مضى، ليش تذكرت؟ ليش؟

المفارقة إن الاحتجاج بالموت يقوّي حجة اللي مستعجل يعيش. كان صفقتيه

كنت أدور بذاكرتي عمل صالح خالص لوجه الله أدعي به بالوتر، وقطع خشوعي يوم تذكرت أمي لما كنا صغيرات سحّبت غوايشنا وباعت ذهبها كله عشان تفك دين ولد أختي من أبوي ويطلع من السجن قبل عرسه وما خلت إلا فردة حلق عشان تبيعها بعدين وتعطي عانية. طلع وتزوج وما عزمونا يع عليهم. الله يكتب أجر فطومتي

أرتب شنطتي لبكرة، أول دوام بعد النقل وأبوي -اللي أكثر شي سعودي بالحياة- يهاوشني لا أقفل الغرفة شهر ما يدخلها الضو. يبه المفتاح عندك والشمس ماهي ناقله معاي، بس أبشر دام الغرفة ما تتحمل ماني مطولة عليها

أبحث عن عالم جينات يؤكد إن السمنة تاخذ من الطول، لأني حاليًا سالب اثنين سانتي، وأرفض رفض قاطع أني أكون قاعدة أهبط على بعضي

كنت آخذ قهوة الخط يوم دخلت حرمة كبيرة تصوّر الكافيه وتقول ما شاء الله من قلبها. أقسم بالله حسبتها تذكر الله عليّ. ومع هالمطر وأبواب السماء مفتوحة اسأل الله أن يشفيني شفاء تام لا يعقبه وهم

اللي طلعت به من هواجيس الخط إنه: -جاء وهو غالي عليّا، واستدار وراح غالي-