هُوجاس

الشوق عذااااب الروح

من الأيام أخذت الضيق كله يا نهار السبت حسافة / ليه ما خلّيت ضيق لبكرة أضيقه؟ جعل فيك الله من الريب و من الحزن و من الكبت ما لا ربي جعل في وجه غيرك من مخاليقه ياعنك إنّي ليا من وايقت شمسك علي ارتبت ما كنّي غير من يدرا الخناجر عن معاليقه يصبرني على وجعاك سجّاتي فـ بطن الخبت و غروٍ جعلني ما اعتاض في صافي عسل ريقه أبو عودٍ لو يتوب الهوى عن الهوى / ما تبت من مجاذب ثماريه المراديم و مواريقه ياكثر الرزق في وجهه وكثر الما و كثر النبت ويا كثر القلوب المرجهنّة في صناديقه صدفته في دروب العابرين و رحت له ما هبت واخذته من عشاشيق الزمان و من مطاليقه تعللنا بدايات الصبابة لين شاب و شبت على الحب العفيف اللي تشوف النفس توفيقه أنا لولاه ما غنّيت ما أغنّيه و لا جبت من طروق المحبة طرق يالولا طواريقه خذاني لين صار إن غاب عنّي / عن حياتي غبت عسى لا غاب / همّي تقدر الأيام تفريقه يكفيني من الضيقات ضيقي في نهار السبت حسافة ليت خلّا ضيق لا جا بكرة أضيقه