العين ميدان السهر و الصدر ميدان النزاع
وأحلامنا هوج الرياح العاتيات تهبها
وش ذا الحياة اللي للياليها صراعاً في صراع
وش ذا الزمن اللي صواديفه ما يطحن حبها
حالي مثل حال المعيف اللي طرد حلمه وضاع
وأغضى عيونه عن ملذات الليال و كبها
العله الي ف الصدر لو هي على العالم تذاع
تعجز دكاترة البشر والله ما تلقى طبها
وكلتها اللي في سجودي له معزه ورتفاع
عالم بما يجري على سطح البحور وغبها
يا آخر محطات ألقى عيني على باب الوداع
وانا وسط راسي علوم كثار لكن لبها
تدور الأرض و تمرّ السنين وتكثر الأحزان
وأنا للحين واقف عند حزنك مِعلن حدادي
ولا غرّتني الدنيا و مرّ الذاكره نسيان
وأنا أذكر يوم موتك زين و أنسى يوم ميلادي.
اعزائي المتابعين كفيلكم شيبان يقضي وقت مستقطع تحت نور القمر بمصطلحنا ( قمراء تشقق ) وتحت تأثير نسائم عذبه وبارده وعليله ومع ان هذه الأجواء تكون دواء لنفس ولكن تردني لذكريات غير مرحب بها ابداً