روقي .

يسولف معي على انه صديق مايدري اني بالخفى قد عشقته

ياحبيبي لانعكاسك ضي .. فـ وجيه المـرايا من ملامح وجهك الي تفهق السبع العجايب نظرة عيونك عظيمه .. وابتساماتك هدايا واعذب من النود لاهبت نسانيس الهبايب فيك وصفٍ من خيال وفيك ياكثر المزايا وفيك من ريح المطر لاهلت قنوف السحابب من رهافة خصرك المحروم صفيت النوايا جيت اتوبك واكتشفت انك طهارة كل تايب صار لظنوني سجيه فيك ، ياعذب السجايا وظني ان دروبك تعود على راسي نصايب وش بقى غير الشعور الي تفاصيله بقايا مابقى غير الظروف الي ترد الراس شايب عاد انا موتي معك مضمون من كل الزوايا دام وصلك ياحبيبي يترك الخفاق هايب - مقرن بن حربي

حنا ندل الحق .. و نعارض العيب و نفوسنا ما تقبل الزور و النصب الحاجه إللي عيّت تصير بـ الطيب نحلّها بـ عناد و تصير بـ الغصب ! - تركي بن جويعد

انا كنت عايش في متاهه قبلَ لا أجيك مُبعثر شعوري والمشاعر تبي لمّة    خذيني انا ودي أعيش العمر في ايديك لو  أنك  تضحين  بحياتي  بلا   رحمة - رجف

جابك الله ولا انا , ما عاد اميز ويني ضعت في دوامت الفرقا تقول مسيّب جعلني ما ابكي عليك وجعل ما تبكيني انت حاجه ودي انها , لا بغيت قريب لاجل منسوب الغلا من بينك ومن بيني لا تخليني اقفي عنك , مره طيب ؟ شاب راسي وانحرق قلبي وفاضت عيني ما بقى الا رموش عيني فـ الوداع تشيّب !! - سعد بن لويبه

يجي عندك الصيّاد و يروح منك صيد اباعرف و شلون الغزاله تصيد فهود ؟ - سعد السبوق

ناد للجنه وكبّر يابلال ابن رباح ودي اجنب ضجيج الكون واسعى للقدا وسط صدري ضيقتً(ن) ماهيب تطلع بالصياح فالسجود علاجها واللي يصلي ماغدا كن همي يوم طاح الدمع فالمحراب طاح دمعتً(ن) من دونها ماقلت ياعيني بدا كل ماسقت الخطا للمسجد اشوف النجاح قصة(ن) يجهل بها اللي ما يلبون الندا مانفعني فالحياه الفانيه كثر الكفاح كثر ماشفت الصلاه اصل السعاده والهدا لذةً(ن) يفرح بها اللي ذاق من حلو الصلاح ومامضا من عمري الفاني لها جعله فدا من ترك مرضات ربه ما عرف معنا القراح لو شرب يشرب هماج ولو سعا يسعى سدا ومن يصد من الفلاح اليا دعي به للفلاح عزتي له ماخذا من دنيته غير الردا - مشيهِيبّ.

مرت وشبيّت القصايد لها شموع وغنيّت فيها ما يليق ... بحلاهاا! اللّٰه خلقها مالها اشباه وجموع تفرق عن جموع البشر واتباها تاخذ من اريام الفلا شكل وطبوع ومن الخيول الشقر زين معداها - شعّام

لأصار مالك في العتبان - احباب - عزي لك ما عرفت المحبه

« ما بقى من ذكرياتك سوى يوم الربوع النهار أقرا رسايلك .. والليل أسهره »

« الهوى والشوق يدفعني على الشرقيه بين تيّار الغرام .. وبين شيً ثاني »

سند همومك يا راسي على الضلع المنيف لا توارى لا غدى الجو عجّه و دخنه ⠀ لو تمشيني ( ظروفي ) على الحد الرهيف ما رجيت الا اللي في يده سيّه و حسنه واضح و نفسي عزيزه .. و منهاجي نضيف ولا ذخرت اللي لا جت حزته يومه سنه محتزم فاللي مخلي الضعافه لـ الضعيف الله إنه يلعن الضعف سبعين لعنه - عبدالرحمن بن جزاء

ام العيون الناعسه والعنق والخصر النحيف وجدي عليها وجد من قفو بذوده وغنمه سبحان خالقها من الغره ليا الوجه اللطيف الواحد اللي علّم الانسان ما لا يعلمه في زينها والله مدري ويش اقول ويش اضيف بس الاكيد انها على عرش الجمال مقدمه بنت بدويٍ مالها فالغيد شكل ولا وصيف من صغرها لين كبرت في ظل ابوها مكرمه لا شافها الرجل الثقيل يعود الرجل الخفيف تقول متلفةٍ خليه من خلايا الجمجمه تبختري يا ام الحلا والزين والنهج النضيف من شاف زينك مصخيٍ قلبه ودمه ولحمه ولا تعشقين الا الشجاع اللي مثل حد الرهيف راس اصوكٍ لا من تقدم له على فعل حسمه

الهنوف إللي تجرت على قلب الشجاع تلته يوم أقبلت له يباريها الكبر لو أنا درب المحبين معطيّه أمتناع قبلها قلبي عن الدرب ما يمغط شبر ضيعتني في هواها مع السود الوساع يالله أرزقني على حدة الرمش الصبر جامعه زين الملامح مع زين الطباع من بنات أدام وحواء على هيئة جبر عودها كنه يحرض على شن النزاع مير أنا داري ما عقب النزاع الا القبر مثلها ماشافت العين في شتى البقاع كان يوجد مثلها زين ؟ ماجاني خبر في هواها بايع العمر لو هو ما يباع والله أني صرت عبره لمن لا يعتبر ترفةٍ من غطرستها تحب الأنقطاع تترك الأرض الوسيعة وفالبّال تعبر - عبد الرحمن بن خالد

ملكني غرامك مادرى أني سليل أحرار يا جعلي فداك وفدوة الضحكه العذرا أنا أهملت لأجلك ساحة الشعر والشعار ترا الشعر ما يشرى لكن خاطرك يشرا من إللي يقول أن القصايد بنات أفكار عساهن فداا ، بنتِ تبين مع القمرا تعالي تراني دون وصلك غريب أطوار اذا تاه قلبي في مساريك ما يدرا رغم غيبتك مهما تقولين ، مهما صار أنا عيشتي من دونك العيشه القشرا حروف الهجاء من فمك تغني عن الاعذار ياحلو الكلام أن داعب شفاهك الحمرا تفرّد جمالك عن هل الارض وأهل الدار ما يشبهك غير البدر فالليلة الغدرا عيون الغزال إللي تلافت لها الأنظار لها رمشٍ ليا من جرح جرح ما يبرا - عبد الرحمن بن خالد

افا يا حفيدة من يعز القنا .. و الطاس فـ قلبك بديت أشك .. في كبر منزلتي لو إنك تشوفيني بحبك عديم إحساس اشوفك على استنزاف .. قلبي تطاولتي انا اليوم مشكلتي من مواصلك الإفلاس اخاف الوفا في تالي الوقت .. مشكلتي بعد مابديت احس ماني معك حساس تخيلت صدك فوق مانتي تخيلتي لاطال الزعل ولا قصر عادي ولا باس من يقول طولتي ؟ لاوالله ماطولتي متى طلتك تفصل مابين الأمل و الياس وافصّل لك ابياتي .. على ماتفضلتي جمالك يرجعني على الحبر و القرطاس ويقلل إجاباتي .. لو يكثّر اسئلتي تهادي مع القمرا و ميلي مع النسناس على كل ميله بيت بيتين وش قلتي ؟ من الياس اعلق حلمي بعودك المياس على شان احس بـ قيمته .. لا تمايلتي لو إني اشوفك دون شامه و عقد الماس اقول الله العالم من الغيم !.. حولتي ماعمر الدلال بـ عمرك المفترض ينقاس كبرتي !.. وإلى منك كبرتي تدلّلتي تقولين قربي نشوته .. نشوة النوماس على كثر ماقلتي !.. معي قلتي وطلتي عليّ من كلامك وش عليّ من كلام الناس ماكنتي " اهم الناس " كنتي ولا زلتي ! - عتيم

اثر الحياه بكبرها .. كبري عبور تمشي ،، عقاربها ،، مثل عقاربي ماقد ندمت الا على بعض الامور لا اقفت قبل منها لا ادسم شاربي ياكثر ( ما كررت ) عادي ومعذور لين الحمل ماعاد شلّه !! غاربي حتى الرفيق اللي ما احسب انه يبور طلع هو اول من زهمت ، وبار بي - محمد ظافر

مانسيته رغم مدة غيبته لاكني اتناسى ولا أنا! لا ناسي ولا داله ماتوقعته يجي يوم ايتخلى عني ماخطر في بالي انها خاطره في باله ليته بيرجع ولو انه مخيب ضني ودي اضمه واحبه فوق حبة خاله دمعتي ماهيب من خوفي وضعفً مني يعني الرجال مايبكي؟ من الي قاله - سيف ابن جرمان

على كل حال ان كان عادك تبين تجين ترا خاطري للحين ماهوب متشالي وبعدين وعيوني تطالع متى بعدين ثمن غيبة الغالي ليا طولت "غالي" اذا اخر لقاء بسمه حزينه ودمعة عين اجل كيف "باقي العمر" لاعشته لحالي انا داري ان غيبتك عني! ليوم الدين ولاكن ترا طاريك، ماغاب عن بالي سكنتي ف قلبي ماسكنتي بيوت الطين مكانك مابين الناس عالي ومتعالي متا اعيش مثل الناس راضي ووضعي زين اببعد عن الي ( كل ليله ) يورا لي من يشوف حالي قبل ويشوفني ذالحين بيسمع "همومي" قبل لا يسمع اقوالي ياطول الغياب الي مثل طول خط الرين قضاء العمر لاكن ما قضاء منه ترحالي عن الناس اصد تقول كني مطالب دين مثل صدة الي يهتوي لـ الخلا الخالي ماعذبني الا قولت انك من الحيين لونك من "الحيين" مازاد غربالي - سيف ابن جرمان

إن عذرت الغلا ماينعذر الاشتياق ياحبيبي .. حبيبك راح قلبه هبا من سمح ماترده غير .. لهفة عناق في صباحٍ نسيمه مثل هدهد سبا عذري إليا طردت اللي رحل من سياق ما لعب فـ الذيابه .. غير طرد الظبا انت ( صوتك ) يطمني وحكيك رقاق كيف صارت حروفك مثل حد الشبا امدحك .. لاحصل بيني وبينك وفاق كان عالجت جرحي : قلت طيب نبا لاتقول ( المحبه ) حاجةٍ لاتطاق وانت بد الصبا .. رجع ليال الصبا يوم خليتني بين الوصل .. والفراق كنك البندق اللي " ثورت فالخبا " - عتيم

أنا دخيل الرموش !.. وعينك الزرقا أصبر علي لين أصير لصدتك والم من شافني كل ما آسمع نايح الورقا شن الحرابه على المظلوم و الظالم العبرة اللي تويق .. و تنزل .. و ترقا بـ أسبابها عشت لا منهك ولا سالم من ذاق حر الوداع .. و لوعة الفرقا ياخذ له أيام ( مايدري عن العالم ) - ناصر بن مفلح