ظِل

﴿ قُمِ اللَّيْلَ إِلَّا قَلِيلًا ﴾ - الوتر

عن هواك العذب , لا ناسي ولا متغاضي وعن هوى غيرك عيوف ولا طرا لي نيه @sd280 | سعد بن لوبيه

نقني خْيار مقوّسات العرانين فـ الجو ولا فوق ظهر البسيطه لامن حديناهن من يسار ويمين نقدر نغيّر مجريات الخريطه @i8i3l | محمد بن فضاء

متناقض بطبعي بحلوه وفي مره ومتناقض بصحوتي وبلذة نعاسي الين من الغصن لامن الهوا مره واقسى من اقسى حجر في قمة الراسي صدقت وعد البحر..والقاع والدره وافنيت عمر الشجر لين انكسر فاسي جاهل بعصري..وضعت فـ بحره وبره ضيعة (معري) يدور (عصر عباسي) - نواف الشمري| @NAWWAF9024

يطول الوقت بـ غيابك بدون قياس يا ليت الوقت يقصر مثل تقصيرك على درب المحبه .. معلن الأفلاس و آخاف إن قل وصلك قل تقديرك تركت القلب عايش بين هم و ياس ولا تقدر !.. تبرّر لي ( معاذيرك ) ؟ لاتجبرني آشوفك مثل : كل الناس و أنا ماودي آشوفك .. مثل غيرك @tf_ajmi | تركي بن جويعد

بعض الشعور أكبر من بيوت القصيد يمكن لو تْشيله على البيت كْسره أحلا لي أخليه في صدري وحيد ولا أكتبه و اخسر قصيدي و اخسره - سطان الحوالي | @sultan_alhawali

يا رفيقي كل خطوه لـ العلا وثقها دام لك نفسً على كسب المعالي تطمح ما يدوّر لـ اصعب الاحلام و يحققها غير عزمً ما يطيح و خاطرً ما يسمح - فهد بن خشمان | @f_5shman

أناجيه بسمه .. و استعيذه من الخذلان وانا الضايق .. اللي ضيقته ضيقت ثوبه أنا انسان !.. و الإنسان في عالم النسيان مايقدر على حاجات ماهيب ( مكتوبه ) عسى عمري اللي راح في رغبة الشيطان ؟ فدى عمري اللي عشته أطرد ورى التوبه - ناصر بن مفلح | @nassre_

سلام الله على اللي كلمته لا عدّت الحنجور كسب فيها قلوب الناس واستعبد مجامعها فصيح لسان وحروفه تنبّت بالصدور زهور ما يظهر كلمته للناس لين انّه يلمّعها على كثر الكلام اللي يقوله مستحيل يبور فطينً لو يحسّ ان كلمته بتثور يقمعها - راكان الحويل |@RAKANALHUWAIL

الادمي لو يعيش العمر كله غريب دامه مع الله يصير الله دايم معاه عّود لسانك يكون بذكر ربك رطيب حتى لو ذنوبك اثقل من جبال السراه لازال لك عمر لك توبه ودعوه تصيب لانسان خطّاي والخّير يكّفر خطاه - بندر الشيّب | @b_bin_naaji

حتى لو اني تصنعت الهدوء و السلام يفضحني ابداعي الي في القصيد انثره - ضاوي ابن فجّعه | @dhawiali9

سمحت من الدروب اللي توديني على المعتاد وانا عقلي معي ، و ذنوبي تسجل على لوحي بغيت اطيح .. في بير النبي يوسف ولا الله راد نجيت و طاحت صروح الهوى و اشتدت صروحي يجوب الحُب صدري .. كن ماله فالقلوب بلاد ما يسمح من ضلوعي لين يسجع فوقها دوحي - فهد بن بجاد | @ifhd4

ادور عن دروب النوم بـ اول ساعتين نعاس واثر كف الأرق ينثر على دروبي مصابيحه وانا حساس والدنيا ما ترحم خاطر الحساس على اقفال الامل تكسر بقسوتها مفاتيحه يا رب الناس يا واحد ، انا واحد يشوف الناس لها دور بعناه وحزنه ودمعه وتجريحه - جزاء الغيداني | @j94iii

أنا خويّ المكان الساكن الهادي ذاتي على زحمة العالم .. مبدّيها ما يفهم اللي يقول المنعزل غادي العزلة أحيان .. تشفي صدر راعيها لمى | @LamasFeelings

الدريك اللي يقصّ الدرب ويطارد سرابه ايتساءل ما يصب الغيث ! ولاّ الارض صَبه ؟ مستعدّ انه يضحي لجلك بزهرة شبابه لو تقول اشرب من السم السقطري قال صِبه - حمود بن خلف | @1hha_

أحب الحب و أحب الغصون الوارفة و الورد لو أني من سلالة بدو نزالة و شدادة ملاذي ، كل ماجاب الحنين أشواق قلبي سرد ديار اللي عليه العين و النيران وقاده جفولٍ ما تحلوى صيدة بـ أم خمس ولا فرد ما ودك غير تبراله خلي و تلاعب عناده عليه من القوام اللي ماهو ليّن ولا هو عرد هقاوي مبطيّة خابت ، ما بين حزام و قلادة و أنا رجال ما أعرف المحبه طيب حظ و قرد أعرف إن الهوى غلاب و الأرواح منقادة عشان عيونه النجلا حذفت أيام عمري نرد ولا فكرت أراجع خطوتي من طيش و إيراده ديارٍ ما هي دياره " تهاتيه و صحاري جرد " و ليلٍ ما ينير بطلّة محياه لا عاده - عبيد فهيد | @alml3be

سقى الله ضحكةٍ لا من لفتني رتبت فوضاي وسقى الله ليلةٍ فيها يديني … تحتضن يدّه عرفت أحبّه من أدنى ضلوع الصدر لين اقصاي الين اني جعلت من الحشى منزل على قدّه احنّه عدّ ما حنّت تنهات الشعور .. حكاي لو انّه مايحنّ شعوري من البعد والصدّة يقابله الجناب السمح قبل ،تودّعه دعواي ويذكره الحشى دايم ،ماهو من مدّة لمدّة مابي تاخذه من دربي مقادير الزمان الجاي لو انّي مؤمنة بان الفراق المرّ .. لابدّه معاه من الشعور اللي يخفّف لوعتي وبكاي ومعاي اللي يخلّي ضحكته بالوجه ممتدّة ): - نوران |@Nu__3w

نديم الحشا / يامسلّي البال لا مريت مازلت اتهيّا زولك اليا تورّالي ازور "أمكنتنا الماضيه" كل ما حنيت واشوف الأماكن كنها فاقده غالي علامك تشوف الجرح ينزف ولا داويت على اني هقيتك ما تمادى بـ غربالي على كثر ما احبك على كثر ما ضحيت واذا رحت عني منهو اللي بيبقى لي لو اني اعَرف نْهاية الحب ماحبيت ولا عشت متجرّد عن الواقع / الحالي - حمود بن مبارك | @_l5l8

مرحبا ترحيب يهدم و يبني له بيوت يابعد عمرً قضيته بـ حبك مهتوي كل يوم يجيب طيفك من كبار البخوت صار طيفك وسط بالي مثل عدً روي اتذرّى به لو ان ماهو بـ مشرب و قوت مثل لا من ضدني وقت دوّرت الخوي لا متى والحب يهدم مبانيه السكوت ؟ اقبلي مثل المغاتير في عين بدوي وش يرد الشاعر ان صاغ جزلات البيوت ؟ و انتي الهام القصيده و انا شاعر قوي -مالك الاسلمي | @jy6p1

كل دمعٍ سال منْك وكل غصّة عبره مستعد اخذ قضاها من رحيب ايامي كيف بنسى نبرتك وقت الحزن والنبره فلمي الي ما توقعته يكون درامي راسمٍ فـ مواصلك على سبيل الخبره حلمٍ يخليني اسمح من جميع احلامي بس الايام رهنتني ( للعضه والعِبره ) و جاني الي ما تمنيته يجي لاخصامي - حمود بن فارس | @bn_mq7s

تقول انا عندي بصيص من الأمل واقول انا هذا الأمل روح الحياة مازلت متفائل عسى، ليت ، ولعل عيني تشوف النور في كل اتجاه قبل الكلام ارتب حروف الجُمل يمكنّي القى كلمةٍ توصف غلاه ماتدري انّ منْ المحبة ما قتل مافي دروب الحب سِلّم للنجاة -سامي المسعودي | @Alssami11