مزهـاف

هاج البحر يا ضلع جدّي هاج هيّا قبل تلعب بنا الأمواج مانيب قاصرها على رجليّه يا بعد خطو الضايق السجّاج عجّل بنا فوق أهوجٍ متزمّت ما تنشده لا فز وش يحتاج خلّه يباري كل ذيبٍ عاوي يقطع بنا سرديّة المنهاج لين الكفر يزلق مع الردميّه ويهز بطن اللكزس البطناج وصوت البدي ينزل بصوت الرادي وتضيع من جوالي الأبراج منصاك من بيت الدويش مظفّر يمطر عليه من السما ثجّاج أمير في ربعه وأنا في ربعي مثل المنار البارز الوهّاج لين آخذ علومه وياخذ علمي وأشرح له أوضاعي بدون إحراج يمكن بعدها تضبط النفسيّة حيث ان وصل الغانمين عْلاج وانصى عمر من لابة الودعاني تحمى جدوده حرمة الأفلاج والمرشدي حيثه عزيز وغالي لو ينشدوني عنه ما يحتاج وانصى من أصحابك سبيع الغلبا أهل القنا نطّاحة الأفواج تكفيك منهم زومة ابن ناهي صقر الفعول اللي بطيبه راج ثمَّ إيتني شعلة سراجي، ولّا أخذت من نور النجوم سراج سْليم يكفيها فخرها بنفسها قبل الدُّوَل والغطرسة والتّاج عندي قصيدة ودي أغنّيها ينقل خبرها ناصر المجماج سمعت لي هرجة غشيمٍ غادي هرّاج وأنا أعرف دوا الهرّاج خذها وذقها واعترف بالخيبه مالك عن صقور السما مخراج حنّا ترى يا جاهلٍ من حنّا للخصم سم وللخوي هدّاج يطمع بنا لا من جهل ورع امّه ويروح بأنياب السِّباع عْلاج حد السعوديّة ما نرخص حدّه من دونه اللي ما يباج يباج يا نجد يا نجد المسمّى وارضك ممنوعةٍ ما داجها دوّاج دونك مهيبٍ كلّنا تحت أمره ملجى الدخيل ومزبن المحتاج ابن سعود ابن سعود محمّد اللي يقضّ السور بالأبراج أشرس على عدوانه من الوايل وأسطى بعد من سطوة الحجّاج ينسى عطاه اللي ما يذكر ربّه ويذكر عطاه المُعتمر والحاج