محمد بن عديس

ياعايف اللذه فـ دار الملذات شعورنا في ذا المكان مّتقارب اجسادنا حيه لو ارواحنا اموات والوقت كنه مايدف العقارب تتقت العبره ورا ذيك الاصوات ماحولت وان حولت .. لاتغّارب المغترب عنده تصادم مع الذات اغلب حياته بين سدد وقارب في حالةً ماهيب عنده سلامات من تحتها لحيه ومن فوق شارب يحارب اشواق المحبين لا جات ولاجل الهدف واسمى المعالي يحارب لا راحت الفرصه على حين غّرات وقف ! ورد الروس على الغوارب ماتاقف الدنيا على فايتً فـات لازال فيها من عّذي المشارب مايدفع الواحد قّدم عشر مرات الا التعلم من جميع التجارب

البارحه مرتني الفرحه بعد طول الغياب " واثاري الفرحه تعدت لين خلتني ممر " مرت ذهاب ولا دريت انها ذهاب بلا اياب راحت وخلتني مع الحزن العميق المستمر بعد الفراق اللي ما عقبه لاسؤال ولا جواب وقبل الشعور اللي ما بعده شي يهدم ويْعمر راحت من تجيب السرور وتعمي عيون العتاب لا جات منها زله [ الزله طبيعي تنطمر ] ماقالت السنة الرّواه وجابت حروف الكتاب مثل الوصوف اللي تحاليها لا بيض ولا سمر تمر واليا مرت الشارع .. تّلف الها الرّقاب تقول كنها ! كل مامرت يجي للناس أمر 'تَلفت عيون العباد وتّعقل يدين الركاب ' [ وتغني الدنيا وتّبعد شمس وتطلع قمر ] يبين شي من الخيال وشي من بنت السحاب ويبين حسن الوصف والزين الحقيقي ينهمر معها يذوب اللي ما عمره من هوا الخفرات ذاب تقدر تسوي بالعقول ! اللي يسويه الخمر راحت ! وانا من يوم راحت داري انها ماتّجاب عشانها فرصة عمر ناظرت قانع بالامر ناظرتها مثل المحيم اللي يناظر للسراب ووادعتها هاك الوداع اللي يمر ولا يمر ! يّحفظ مثل مايّحفظ المعروف من سمح الجناب ويحرق مثل ما يحرق اللاهب واحر مْن الجمر [ قدام عيني لو يحط الوقت ما لذا وطاب ] ضحيت فيها لاجل ليلة وصل تّشرا بالعمر

ياملاذي يامنى الروح ياصعب المنال " يابهي الوصف والزين يا ريم الفلا " كل حاجه فيك تصبح من اجمل ما يقال وكل حاجه دونك .. يصير ما فيها حلا لا تغرك فكرة السوء .. وتعين مجال ! [ خلها لا جات عندك تّعرض للخلا ] دام هجرك قل طّربه وقربك راس مال اقرب وقرب لي الوصل كله من الى ياحبيبي طَول البعد ... والموضوع طال ( دلني للدرب ... وابشر بتجديد الولا ) لا تخليني !! ضحيه لغارات الليال خلني من بين ايّاديك جعلي ماخلا جز عنق البعد واعتق من السيف الوصال وضمني من دافع شعور واحساس وغلا !

بيت لـ التكمله اطربووووونا : ودي ان الهم طرقي ليا من حل راح بس اشوفه فالحنايا غدا راعي محل