دامك نويت البعد لاترجع الحين
كمل غيابك روح لاتطري أعتاب
بقول لك شي أبي تفهمه زين
لاعاد ترجع لي ترى خاطري طاب
لو كنت تعشقني مثل عشقي الزين
ما كان تزرع في خفوقي لك أغياب
سويت لي من جرح الايام جرحين
جرح الغرام وجرح بعدك بلا أسباب
أفا والله ويا كبر الحسوفه ..
تشوف الحال وما كانك تشوفه
إذا ما رفت فيني وانت خلي ..
أجل من بانتظر منه المروفة
ترا .. ترا من حب شخص يشيل همه
ويتعب لا تعب ويبان خوفه
ما علمك صمتي وش كثر فيني كلام
ولا انا بس اللي احسك واسمعك
ما ذكرك مر الجفا بحلو الغرام؟
ولا انت بالثنتين ما تفرق معك ؟
لا يخدعك هالبعد لو مر بسلام
ترا اول ايامه يا حبيبي تخدعك
بكره بتجيك ايام ما تقدر تنام
يجيك الوله وذكراي حيل بتوجعك
- يقول محمد المقحم -
أنا لي أيام وأنا أوجس براسي صداع
والعالم اللّٰه من الخيبه وقل الوثوق
اللّٰه من شين الجميل لابذرته وضاع
والله من شين الثقه فالخاين والسروق
تحس بأنك غبي وإنك سريع انخداع
ينتك صدرك من الغبنه تقول مخنوق
- محمد بن فطيس -
شفتك بتهزمني بصدك وسلمت
وذل المحبه.. ذل ما هو يعيب
تدري من المخطي ولو ما تكلمت
ياللي لضني ضنّتي ما تخيب
اضحك و اسولف وان لحقني سهر
نمت .. لكن قسم بالله مانيب طيب
ياخيبة ظنوني وياكبر القهر
ودّي أقول لدورة الأرض أوقفي
لا تبدي أعذارك أنا اللي بعتذر
واستسمحك باقي سنيني واختفي
قلبك قدر يجرح وقلبي ماقدر
سكت وسكوتي علامة للنفي
من عادة الدنيا ومن طبع البشر
ضريبة الخذلان يدفعها الوفي
- مساعد الرشيدي -
وليل ضوى بك عذى ياعلني ما ابكيه
يازين شمسك ويا محلا تختالها
عشقك سوالف مطر جاب وسم طاريه
لا جابتك ليلة الفرقا على بالها
تبغى ندلك ندل تبغى نتيه نتيه
الناس ماشي غير رضاك يحلالها
ما دمت ناعس هدب تسهر عيونك
ليه خل السهر لي وأهدابك على فالها
يكفيني اغيب وخافقي ماجاك منه قصور
ويكفيك اتذكر كل ليلة لهفة عناقي
تذكر يوم اخليك اتباهى كبرياه وغرور
يهم اني اتحدى بك وأخيب هقوة الهاقي
وتذكريوم اعذرك وانت لا صادق ولا معذور
أدور لك عر وأصدقه اكذب احداقي
وتذكر يوم جيت من الحزن متضايق ومكسور
فرشت لك الضلوع وقلت لك يا سيد عشاقي