الأستاذ / دوبنز (@j78qtr) profile picture

لاعب سابق في الريان، مشجع لميلان والنصر السعودي منذ الصغر، وعاشق للمنتخب الإسباني

الريان, دولة قطر
Joined December 2025
Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)Photo by الأستاذ / دوبنز (@j78qtr)
أتفق معاك، الوصول للصدارة شي والمحافظة عليها شي ثاني، خصوصاً إن الدوري طويل والمنافسين ما هم سهلين لكن الريان هالموسم غير، والفريق قاعد يقدم كورة جماعية وتنظيم تكتيكي واضح، وبإذن الله الرهيب قدّ المسؤولية صحيح عندنا بعض الهفوات الدفاعية، ونتمنى المدرب يعالجها، لأن المباريات الجاية ما تتحمل أخطاء، خصوصاً إن كل فريق بيحاول يوقف المتصدر لكن المحافظة على الصدارة تبي وقفة الجميع، وأولهم الجمهور ثم الجمهور ثم الجمهور ، يا جماعة، الفريق قاعد يقاتل داخل الملعب، ومحتاج جمهوره يقاتل معاه من المدرجات وأنا متفائل إن الرهيب بإذن الله بيحقق الدوري ومعاه بطولتين بعد، إذا استمر بنفس الروح والتركيز، وسلم من الإصابات الدوري يبي صملة ونَفَس طويل، والريان عنده الإمكانيات، وباقي وقفة الأمة الريانية. لا تخلّون الرهيب بروحه! 🖤❤️🏆 @AlrayyanSC
الحفاظ على الصداره صعب ولاكن الريان باذن الله اصعب ونتمنى من الدفاع مايخذل الجمهور اكثر. اي والله ان تعطيني بلوك وانا عوقك وتدري ان لاطالت دقيتك وكاشفك يامطبل انت بلاك انك تطبل البرنامج والواقع يعني نفسك مايحتاج اوصفها لاكن انا علمتك اعقل نصيحه الي شاريك ماراح ينفعك. #الريان
1
3
386
الأستاذ / دوبنز retweeted
🎙️ محمد الهاجري | أبرز تصريحاته عن الريان 🔴⚫️ • الريان يستحق الصدارة، ومثل هذه المباريات هي التي تجلب لقب الدوري. • فيسينتي صنع الفارق، وبدأت نتائج عمله تظهر بوضوح خلال المباريات الأخيرة. • تطور ملحوظ في مستويات اللاعبين واستمرارية أدائهم الإيجابي. • الريان لم يعد يعتمد على روجر غيديس وحده، وأصبح يمتلك حلولًا هجومية متعددة. • تنوع الأساليب الهجومية بين العرضيات والمرتدات والمهارات الفردية والتحركات الجماعية. • التفاهم وتبادل المراكز بين اللاعبين يعكسان العمل التكتيكي المميز لفيسينتي. • الفوز على الفرق الأقل مستوى وحصد النقاط الثلاث دون تفريط هو مفتاح تحقيق الدوري #منبر_الريان | #الريان
2
3
14
1,953
وهذا أكبر دليل على الشغل الكبير اللي قاعد يسويه فيسنتي مورينو، وكيف قدر يحوّل الريان من فريق يعتمد على النجم الواحد والفرديات إلى فريق يلعب بمنظومة جماعية متكاملة. اليوم تشوف الأهداف والصناعة موزعة بين أكثر من لاعب، وهذا مب صدفة، هذا شغل مدرب وتكتيك وتنظيم داخل الملعب، وكل لاعب صار يعرف دوره وواجباته. المدرب نجح في توظيف إمكانيات اللاعبين لخدمة المجموعة، وصارت قوة الريان في جماعيته وتنوع حلوله الهجومية، مب في الاعتماد على لاعب واحد. وهذا هو الفرق بين فريق عنده نجوم وفريق عنده منظومة تصنع النجوم. 👏🖤❤️ @AlrayyanSC
ماشاء الله احمد علاء 6 اهداف ⚽️ روجر 6 اهداف ⚽️ بيريرا 6 اهداف⚽️ الكسندر ميتروفيتش 3 اهداف ⚽️ روجر 4 اسيست اوتافيو 3 اسيست بيريرا 3 اسيست غريغوري 2 اسيست 6 لعيبه كلهم يساهمون بشكل متقارب من الاخر وفي نادي واحد شي عظيم والله 🖤❤️ الريان يملك سكواد عظيمممم
1
6
399
رسالة اللى جمهور الريان ومع كامل الاحترام للجميع 🖤❤️ يا جماعة الخير، والله إن بعض جمهور الريان أمره عجيب ومحير! كل موسم تصدعون روسنا: نبي بطولات، نبي دوري، نبي فريق ينافس على كل الجبهات، الإدارة فاشلة، المدرب ما يصلح، والمحترفين ما ينفعون، واللاعبين ما عندهم روح! طيب، الحين يوم فريقكم قاعد يقدم واحد من أفضل مستوياته من 30 سنة، ومتصدر الدوري بدون خسارة، ومتصدر آسيا 2، وينافس على البطولات، وينكم يا جماهير الريان؟ وين هالحب والغيرة اللي كل يوم نسمع عنها؟! يعني تبون الإدارة تدفع، والمدرب يشتغل، واللاعبين يقاتلون، والفريق يفوز ويتصدر، وأنتم قاعدين في بيوتكم تنتقدون من خلف الشاشات؟! شلون تطالبون اللاعبين بالروح والقتال وأنتم مب قادرين تحضرون 90 دقيقة وتوقفون معاهم؟! والأغرب من هذا كله، إن بعض الجماهير ما عندها إلا الانتقاد والتشكيك والتقليل من الانتصارات! الفريق يفوز يقولون ما أقنعنا، يتصدر يقولون الفرق الثانية ضعيفة، والمدرب ينجح يقولون محظوظ! يا أخي، متى بترضون؟ شتبون أكثر من جذي؟ تبي الفريق يفوز بكل مباراة بالخمسة عشان تقتنع وتحضر؟! ترى الريان مب ملك للإدارة ولا للمدرب ولا للاعبين، الريان كيان وجمهور وتاريخ، وإذا كنتم تطالبون الجميع بتحمل مسؤولياتهم، فأول ناس لازم يتحملون مسؤوليتهم أنتم يا جمهور الريان! أنا ما أقول لا تنتقدون، انتقدوا وطالبوا بالأفضل، هذا حقكم، لكن مب معقولة الفريق يقدم هالمستويات وينافس على البطولات، والمدرجات ما تعكس حجم وقيمة الأمة الريانية! والله إن جمهور الريان إذا حضر بأعداده الحقيقية، يرهب الخصم قبل لا تبدأ المباراة، ويعطي لاعبيه قوة ودافع ما يحصلونه من أي مكان ثاني. وأقولها بكل صراحة: مثل ما نحاسب الإدارة والمدرب واللاعبين على التقصير، لازم نحاسب أنفسنا كجمهور على تقصيرنا في الحضور والمساندة. والسؤال اللي أبي كل رياني يجاوب عليه: إذا ما حضرت وفريقك متصدر ويقدم هالمستويات، متى بتحضر؟ يوم يطيح للمراكز الأخيرة؟! كفاية أعذار، وكفاية تنظير من خلف الشاشات، وكفاية مطالبات بدون وقفة حقيقية. البطولات ما تجي بالكلام والتغريدات، البطولات تبي رجال داخل الملعب، وجمهور يزلزل المدرجات! يا أمة الريان، أثبتوا إنكم أكبر من مجرد هاشتاق، وإن قوة الرهيب مب بس داخل المستطيل الأخضر، قوته الحقيقية في جماهيره. الريان أدى اللي عليه داخل الملعب، والحين الدور عليكم يا أمة الريان! 🖤❤️#دوري_نجوم_بنك_الدوحة #دوري_ابطال_اسيا_2 @AlrayyanSC
1
1
7
521
شكراً فيسنتي مورينو.. التطور واضح والإنصاف واجب! 🖤❤️ من الأشياء الإيجابية اللي لاحظتها في الريان هذا الموسم التطور الكبير في مستوى بعض اللاعبين، وأبرز مثال أحمد المنهالي، اللي بصراحة تطوّر بشكل ملحوظ، خصوصاً في العرضيات اللي صارت دقيقة وممتازة، غير تحركاته وثقته في نفسه داخل الملعب. ولا ننسى بريرا في الجناح الأيمن، اللي نشوف منه تطور واضح في الأداء الهجومي والتحركات وصناعة الفرص، وكذلك غارسيا في الدفاع، اللي صار أكثر انضباطاً في التمركز والتعامل مع الكرات، وهذي أمثلة على تطور اللاعبين تحت قيادة مورينو. وهني لازم نعطي فيسنتي مورينو حقه، لأن المدرب الناجح مب بس اللي يحقق نتائج، المدرب الناجح هو اللي يطوّر لاعبيه ويعرف شلون يوظف إمكانياتهم ويطلع أفضل ما عندهم. صحيح إن الفريق للحين عنده أخطاء ونواقص، لكن من الظلم نتجاهل التطور اللي حاصل ونركز بس على السلبيات. الإنصاف مطلوب، مثل ما ننتقد المدرب وقت الخطأ، لازم نشكره وقت النجاح. شكراً فيسنتي مورينو، وشكراً للمنهالي وبريرا وغارسيا ولكل لاعب اجتهد وطوّر من مستواه. الاستقرار الفني قاعد يعطي ثماره، وخلونا نوقف مع الفريق ونكمل المشوار، والمحاسبة تكون في نهاية الموسم. وفي النهاية، ألف ألف مبروك للأمة الريانية الفوز بالخماسية والانفراد بصدارة الدوري دون شريك، فوز يفرّح القلب ويعطينا دافع أكبر لمواصلة المشوار. شكراً للاعبين والجهاز الفني والإدارة، وعقبال المزيد من الانتصارات والبطولات بإذن الله. الريان فوق الجميع، والصدارة ريانية، والقادم أجمل يا أمة الرهيب! 🖤❤️🔥 @AlrayyanSC #دوري_نجوم_بنك_الدوحة #دوري_ابطال_اسيا_2
4
10
986
والله إنك جبت الكلام اللي في خاطري، وهذا اللي أنا أقوله من زمان، لكن للأسف كل ما تكلمت عن هالموضوع هاجموني، وكأني أطالبهم يسكتون عن أخطاء الفريق يا جماعة، محد ضد النقد، لكن فيه فرق بين النقد البنّاء وبين التحطيم والتشكيك المستمر. مب معقولة فريقك متصدر بطولتين وبدون خسارة، وعقب كل مباراة نسمع نفس الأسطوانة: المدرب فاشل، والفريق ما يطمن، ولازم يتغير المدرب أنا كنت من أكبر المنتقدين للمدرب، لكن يوم شفت الفريق يتطور ويمشي في الطريق الصحيح، رجعت عن قناعتي ووقفت معاه، لأن مصلحة الريان عندي فوق أي رأي شخصي. وصدقني، بعض هالكلام السلبي له تأثير على الجمهور، بدل ما نحفز الناس تحضر وتساند الفريق، قاعدين ننفّرهم ونصور لهم الريان كأنه في آخر الترتيب! خلونا نختلف في الآراء، لكن نتفق على دعم الريان. اليوم وقت الوقفة والتحفيز، وآخر الموسم لكل حادث حديث. الريان أكبر من الأشخاص، ومصلحته فوق الجميع. 🖤❤️ @AlrayyanSC #دوري_نجوم_بنك_الدوحة #دوري_ابطال_اسيا_2
Replying to @37_rhb @new__salem
انا احمل الفطاير والمعجنات سبب عزوف الجماهير لانهم هم اللي يقللون من فوز الفريق ويقللون من تصدره بدون خساره ويطالبون بعد كل مباراه باقالة المدرب فطبيعي يتأثر الجمهور الجمهور محتاج تحفيز ومحد له حق يقول لاتنتقد بس يقول دام فريقك ماشي صح ومتصدر بطولتين وكل المحللين والكباتنه يثنون عليه وعلى مدربه فاادعم فريقك بحضورك وتحفيزك وحفز الجماهير يحضرون
2
1
3
567
من مدرب سيئ إلى مدرب أسوأ، مع كامل احترامي لوليد الركراكي، لكن ما أشوفه المدرب المناسب للعنابي. منتخبنا محتاج مدرب صاحب فكر تكتيكي متطور، يقدر يبني منتخب قوي ويعيد له هيبته، مب مجرد اسم حقق إنجاز في فترة معينة. إلى متى بنستمر في هالاختيارات؟!
إنفوجراف #الشرق| وليد الركراكي يقترب من تدريب العنابي shrq.me/nbybpd
1
185
جمهور الريان ما يخيب الظن ولا عمره خيّب، والأمة الريانية لا حضرت اهتزّت المدرجات وارتعب الخصم وزادت هيبة الرهيب وقوته 🔥 جمهور الريان مب أي جمهور، هذا جمهور يصنع الفارق ويقلب الموازين، والرهيب قوته من قوة أمته! وحنا وياك في كل كلمة قلتها، وإن شاء الله تشوفون الأمة على قلب واحد والمدرجات تولّع من جديد، وبإذن الله الريان بطل الشتاء، واللي ياي أقوى وأجمل يا أمة الرهيب ❤️🖤🔥 #الصدارة_بيد_الأمة @AlrayyanSC #دوري_نجوم_بنك_الدوحة #دوري_ابطال_اسيا_2
امه الريان الحضور اخر فتره يفشل بكل صراحه ومصداقيه بالرغم ان الفريق متصدر ويعيش مرحله جيده كونوا مع فريقكم مثل ما كنتوا معه في موسم 2015-2016 وكنتوا السبب من بعد الله في حصولنا على الدوري والسيارة من دون بنزين ماتمشي والريان من دون امته ولا شي #الصدارة_بيد_الامة 🖤❤️
1
4
287
المصيبة أنك تتهم المجتمع بالجهل لأنه يربط العلم باللحية، ثم تأتي بكل ثقة وتمارس الجهل نفسه وتربط الفهم بحلقها! من أعطاك الحق في تصنيف عقول الناس على حسب أشكالهم؟ اللحية من هدي النبي ﷺ، وليست علامة نقص حتى تتخذها مدخلاً للاستهزاء بأصحابها. وإذا كنت تملك دليلاً شرعياً فاطرحه وناقش به، أما أن تجعل الحليق أعلم من الملتحي لمجرد مظهره، فهذا يكشف تناقض طرحك وضعف حجتك. والأدهى أنك تدّعي محاربة الأحكام المسبقة، وأنت أول من يمارسها! تذكّر أن العلم يرفع صاحبه بالأدب والتواضع، لا بالتعالي على الناس والانتقاص من أهل اللحى.
الحليق أكثر فهماً من الملتحي .. وهذه المشكلة التي عانى منها مجتمعنا كثيراً، يظنون أن العلم مرتبطٌ باللحية .. يجوز أن يلبس شراباً فوق شرابٍ قد مُسح عليه، بشروط: ١) أن يكون ذلك في مدة المسح المحتسبة للشراب الأول (التحتاني). ٢) أن يكون على طهارة، بمعنى أن يلبس الشراب الثاني وهو على وضوء، أي يكون قد توضأ ومسح على الشراب الأول، فعند ذلك يلبس الشراب الثاني (الفوقاني). ٣) كيف تُحسب المدة ؟ إذا لبس شراباً فوق شراب، فإن المدة هي للشراب الأول (التحتاني)، فإذا انقضت مدة المسح للشراب التحتاني، لم يجز له المسح على الشراب الفوقاني حتى وإن لم يلبسه إلا قبل ساعة .
95
الأستاذ / دوبنز retweeted
سمو الشيخ طحنون بن زايد آل نهيان: نقلت تحيات صاحب السمو الشيخ محمد بن زايد آل نهيان رئيس الدولة, حفظه اللّٰه إلى أخيه صاحب السمو الشيخ تميم بن حمد آل ثاني أمير دولة قطر الشقيقة خلال لقائي بسموه في الدوحة. وبحثنا العلاقات الأخوية الراسخة بين البلدين وسبل تعزيز التعاون المشترك في مختلف المجالات، وتبادلنا وجهات النظر بشأن المستجدات الإقليمية والدولية.
11
64
1
384
105,633
الأستاذ / دوبنز retweeted
أخوي عبدالعزيز التقدم في نظري هو "استمرارية الإنجاز" وتعاقب الأجيال مب الوقوف على جيل واحد. الإنجازات اللي ذكرتها تحققت بجيل تأسس ونضج قبل لا يمسك برافو الاتحاد في 2019، حتى يوم استلم أسباير أواخر 2011 كان عمر أبطال آسيا للشباب 14 سنة "مكتشفين وجاهزين" وحتى سانشيز ولوبيز سبقوه للأكاديمية ومب من اختياره.  الفشل والتراجع هو إن خلال 15 سنة من إدارته ما قدر يطلع جيل جديد يشيل الراية، لدرجة إن المسؤولين اضطروا يتجهون لمشروع "تحت السن" والتجنيس الكروي، وهذا أكبر دليل إن مخرجاته ما عادت تسد الحاجة ولا تبعث على الثقة. معلومة يمكن ماتعرفها فاقوى الأكاديميات في العالم قائمة على مدربين محليين، جميع من حققوا كاس العالم مدربين مواطنين، طبعاً الكفاءات الوطنية اختفت في عهد برافو والسبب تعيين الاسبان في اسباير ومعظم الاندية.
صحيح تراجع بدليل ان خذنا كاس اسيا مرتين متتاليتين وتأهلنا كاس عالم واصحبنا رقم صعب سواء على مستوى الخليج او كاس اسيا ان كان هذا تراجع فما هو التقدم في نظرك ؟
4
4
15
3,078
يا الغالي، من حقك تتساءل، لكن مب من حقك تتهم الريان بالمحاباة من غير دليل وإذا الريان طلب نقل المباراة، وين المشكلة؟ من حق أي نادٍ يقدم طلبه، والقرار في النهاية بيد الجهات المنظمة وبعدين، ليش إقامة النهائي على ملعب السد أمر طبيعي ! لكن نقله إلى ملعب محايد صار تدليل للريان؟ الجهات المنظمة تعرف زين إن أي مباراة نهائية يكون الريان طرف فيها، لا بد من اختيار ملعب كبير يستوعب الحضور الجماهيري المتوقع، لأننا نتكلم عن نادٍ يمتلك أكبر القواعد الجماهيرية في قطر، وجمهوره معروف بحضوره الكبير في المباريات الحاسمة. واختيار ملعب يتناسب مع حجم الحدث والحضور الجماهيري مب مجاملة ولا تدليل، بل قرار تنظيمي يخدم نجاح البطولة ويعطي النهائي قيمته الجماهيرية والإعلامية. الريان نادٍ كبير بتاريخه وبطولاته وجماهيره، وما يحتاج مجاملة من أحد. وإذا تبي تعرف من يستحق الكأس، فالملعب هو الفيصل بين الرهيب والزعيم، مب التغريدات والاتهامات. ❤️🖤
كان من المقرر إقامة نهائي كأس قطر بين السد والريان على ملعب السد، لكن تم تغيير الملعب بناء على رغبة الريان! وهنا يحق لنا أن نتساءل: هل الريان أصبح الابن المدلل والبار للاتحاد القطري؟ هل القرارات تتخذ وفق الأنظمة واللوائح، أم وفق رغبات نادٍ بعينه؟ . #الريان_المدلل
3
944
الرهيب هذا الموسم قاعد يثبت إن عودته للمنافسة مب مجرد طفرة، بل نتيجة عمل فني وتكتيكي واضح واستقرار انعكس على أداء الفريق وشخصيته داخل الملعب. الريان اليوم فريق يعرف شلون يفوز ويتعامل مع ظروف المباريات، والأجمل إن عنده مجال كبير للتطور. كل الشكر للمدرب مورينو واللاعبين والإدارة، وإذا استمر الفريق بهالعقلية والروح، بإذن الله الرهيب بيكون له كلام كبير
الرهيب 🤝 الطوفان فريقان فقط بلا هزيمة حتى الآن في #دوري_نجوم_بنك_الدوحة ⚽
1
5
482
أنعم، الريان اليوم من أقوى المرشحين للدوري، لكن بشرط إنه يتعامل مع كل مباراة كأنها نهائي، وما يستهين بأي فريق مهما كان ترتيبه، لأن الدوري ما فيه فريق سهل، وكل نقطة لها قيمتها. لازم اللعيبة يدخلون كل مباراة بنفس الحماس والجدية والتركيز، ويطبقون تعليمات المدرب والتكتيك المطلوب منهم، ولا يغترون بالصدارة أو الفوز على السد. الريان الحين ماشي في الخط الصحيح، وإذا الله سلّمه من الإصابات، واستمر على هالمستوى، وحضر الجمهور ووقف مع الفريق في الملعب، فأنا متفائل إنه بيحسم الدوري بإذن الله. وأقولها من الحين، عندي تفاؤل كبير إن الرهيب هالموسم بياخذ الدوري، ومعاه كأس الأمير أو كأس قطر، وحتى آسيا 2 بإذن الله. بس أهم شي ما نستعيل، وناخذ كل مباراة بحسابها، لأن الدوري يبي صملة ونفس طويل، وفالنا البطولات يا أمة الريان. 🔴⚫️@AlrayyanSC
سؤال الحلقة : هل أصبح #الريان المرشح الأول لتحقيق لقب الدوري بعد الفوز على #السد و خطف الصدارة ؟ #برنامج_فولورز #كلاسيكو_قطر #دوري_نجوم_بنك_الدوحة
1
1
2
654
طيب يا الغالي، أنا بنفسي مغرّد إني كنت من أكبر المنتقدين للمدرب، ولو ترجع لتغريداتي وتتابعها بتعرف وش توجهي وموقفي من البداية، وبتعرف إني ما عمري كنت ضد النقد، بالعكس، كنت أنتقد المدرب بشدة. لكن يوم شفت الفريق يتطور ويقدم مستويات مميزة ويتصدر الدوري وآسيا 2، رجّحت مصلحة الريان على قناعتي الشخصية، وقررت أدعم المدرب والفريق لنهاية الموسم. المشكلة مب في النقد، المشكلة في توقيته وأسلوبه. فيه فرق بين واحد ينتقد عشان يصلح الأخطاء، وواحد ما يشوف إلا السلبيات حتى والفريق يفوز ويتصدر! وبعدين من قال لك إن دعم الفريق تطبيل؟ يعني إذا انتقدت صرت فاهم كورة، وإذا دعمت صرت مطبّل؟ 😂 أنا ما عندي مشكلة أتراجع عن رأيي إذا شفت الواقع يثبت عكس قناعتي، وهذي مب ازدواجية، هذي مصلحة النادي. الريان عندي أهم من رأيي ورأيك، وأهم من المدرب والإدارة، والنقد له وقته والدعم له وقته، والحساب يكون في نهاية الموسم. ❤️🖤 @AlrayyanSC #دوري_نجوم_بنك_الدوحة
ترى مب كل واحد ينتقد يعني يكره النادي أو يتمنى له الخسارة! فيه جماهير تنتقد لأنها تشوف إن الفريق عنده نواقص وأخطاء، وتتمنى إنها تتصلح عشان الفريق يكون أفضل. وبعدين إنت بنفسك عندك تغريده تنتقد فيها المدرب إذا ما عجبك شغله، يعني إذا إنت انتقدت عادي، والجماهير إذا انتقدت صاروا متشائمين وما يعجبهم العجب؟ شلون يعني، حلال عليك وحرام عليهم؟ 😂 ترى مب كل من يصفق ويطبل يعني فاهم أكثر من غيره، ولا كل من ينتقد يبي للفريق الفشل. حب النادي مب معناه نسكت عن الأخطاء ونغطي على النواقص، بالعكس، نبي نشوف فريقنا بأفضل صورة، والنقد إذا كان بهدف الإصلاح فهو من مصلحة النادي.
1
3
822
الأستاذ / دوبنز retweeted
الاحزاب هذي ماودي بها ودي ان الجمهور كلهم معا الاخر وبقولها ولا علي من اي احد انا انتقد هذي الفئة واتمنى يراجعون ارواحهم لان ماحد حط الريان بورطه الا هم الادارة تعرف تشتغل انتقدها بس مب حلاوة هي انت فايز على السد تجي وتنتقد قبل حتى لاتبارك وقبل لتتكلم بالايجابيات ؟؟؟
1
85
أنا ما عندي مشكلة أعترف إني كنت من أشد المنتقدين للمدرب فيسنتي مورينو، وكنت أنتقده بقوة وما كنت مقتنع بشغله، لكن يوم شفت الريان قاعد يتطور ويقدم مستويات طيبة وينافس على البطولات، قلت بيني وبين نفسي: شحقه أستمر في انتقاد المدرب والفريق قاعد يمشي صح؟ وقتها حطيت مصلحة الريان فوق قناعتي الشخصية، وقررت أوقف مع المدرب وأدعمه لين نهاية الموسم، وعقبها لكل حادث حديث وأنا مب من النوع اللي يدس راسه في الرمل ويكابر على الغلط، إذا غلطت أقول غلطت، وإذا شفت إني كنت غلطان في حكمي على المدرب أتراجع، ولا فيها عيب ولا تنقص مني شي لكن المصيبة في بعض الناس اللي لو الريان يفوز ويتصدر ويحقق بطولات، بعد ما يعجبهم العجب ولا الصيام في رجب! كل همهم يصيدون على المدرب الزلة، ومب مستعدين يعترفون إن الرجال قاعد يشتغل، بس عشان ما يطلعون غلطانين في رأيهم. يا جماعة، ترى الريان مب ملك لي ولا لك، ولا هو ساحة لتصفية الحسابات وإثبات منو كان رأيه صح. الريان نادينا كلنا، ومصلحته فوق قناعاتنا الشخصية انتقد، محد قال لك لا تنتقد، لكن انتقد بعقل وإنصاف، وإذا شفت الزين قول زين، مثل ما تقول عن الشين شين وأنا أقولها وبكل ثقة: مب عيب إنك تغيّر قناعتك عشان مصلحة الريان، العيب إنك تتمنى فشل المدرب عشان يطلع كلامك صح! والله إن بعض الجماهير محتاجة تراجع نفسها، لأن التشجيع مب عناد ومكابرة، التشجيع إنك توقف مع فريقك وتفرح بنجاحه مهما اختلفت مع المدرب أو الإدارة الريان أكبر من الجميع، واللي يحب الرهيب صدق يحط مصلحته فوق كل اعتبار. 🔴⚫️ @AlrayyanSC #دوري_نجوم_بنك_الدوحة
لا توقف ارجوك على منبر الأمم المتحدة ولا حاجه ياخوي، بس فهمنا وش موقفك بالضبط مع المدرب او لا ؟ 😅😂😂 خلك بدال انك تسبب فتنة بين الجماهير وتضرب بينهم فهمنا وش موقفك بالضبط ؟
4
4
807
عودة الريان رجّعت الروح والحماس للدوري القطري 🔴⚫️🔥 والله إن رجعة الريان لمستواه ومنافسته على صدارة الدوري رجّعت للدوري القطري هيبته وحلاوته، ورجّعت الحماس والإثارة اللي فقدناها من زمان وهذا اللي نبيه في كورتنا القطرية، نبي الأندية الجماهيرية ترجع تنافس بقوة، نبي الريان والسد والعربي والغرافة كلهم في عز مستواهم، لأن الدوري ما يحلى إلا بالمنافسة القوية والمدرجات الممتلئة والجماهير اللي تعيش أجواء المباريات الريان مب فريق عادي، الريان تاريخ وبطولات وجماهير، وإذا رجع الرهيب لمستواه، صدقوني الدوري كله يتغيّر، وترجع الإثارة والطقطقة والتحديات بين الجماهير، وهذي حلاوة الكورة وأنا أتمنى من كل قلبي نشوف العربي والغرافة وبقية الأندية الجماهيرية ترجع بقوتها، لأننا ما نبي دوري محسوم من بدري، نبي منافسة وندية وصراع على اللقب لين آخر جولة واللي قاعد نشوفه اليوم يثبت إن رجعة الأندية الجماهيرية للمنافسة مب بس مكسب لجماهيرها، بل مكسب للكورة القطرية كلها والأهم من هذا كله، يا جماهير الريان، فريقكم رجع ينافس ويحتاج وقفتكم، لا تخلّون حضوركم بس في منصة إكس، المدرجات أولى فيكم يا زين دورينا يوم ترجع له الروح، ويا زين المنافسة يوم يكون الرهيب واحد من أطرافها! 🔴⚫️🏆 @AlrayyanSC #دوري_نجوم_بنك_الدوحة
1
7
783
أتمنى للغرافة التوفيق والعودة بقوة إلى مستواه المعهود.
أكثر نتيجة صدمتك هالموسم …….؟
172
الأستاذ / دوبنز retweeted
« جمهورٌ لا ينحني لأحد ، لكنه يرفع التحية لمن يستحقها ❤️🖤🫡» RG10
🤖 Made with AI
9
9
67
6,110