يا كم لك على بالي تخطراه رايح جاي
معيِ وين ما مرت خطاوي مشاويري
تذكرتها أصغر وصوفك و أنا نسّاي
وحبيتها حب القصيد لتعابيري
أنا الحافظ أوصافك و عينك انا القراي
و أنا اللي كتبتك و الشواهد جماهيري
تطرّا بدعوه قلبي و بصْدقة مخباي
و أنا ما نويت اطريك طرّاك تفكيري
من اللي يقول إني هويتك على مشهاي
أنا وين عقلي لجل أنقي مخاسيري ؟
يبيع الوهم طيفك لقلبي وهو شرّاي
و لا فيه خاسر في حساباتهم غيري
يومني فديت الصبح في سمرتي ممساي
وحبيت في روتين شوفك مقاديري
تمنيت أقلطها أحاسيسك بيسراي
و اقهويك عمري قبّل دله مباهيري
و تمنيتك تدور الأراضي على يمناي
وإذا ما وصلتك يوم تزحم مساييري
بعد ما طرب لحن السعاده غُنا ليلاي
بكت لهفة الخاطر على قل تقديري
أيا دائي اللي في سمومه لقيت دواي
عيونك تفسرني وانا صعب تفسيري
تراكيت ضلعي ليت ضلعك طرف مركاي
و غيرّت في نظرة غروري ، معاييري
أكذب على نفسي و اصدق ضلال شفاي
و ارقع جفاك الين جفّت معاذيري
على كثرةْ جروح الندم ما نطقت الآي
سوى عقب ما دورت عالحب تبريري
و إذا مروا العالم على دربك بذكراي
تذكرني ان مريتك فـ يوم في خيري
يا كم لك على بالي تخطراه رايح جاي
معيِ وين ما مرت خطاوي مشاويري
تذكرتها أصغر وصوفك و أنا نسّاي
وحبيتها حب القصيد لتعابيري
أنا الحافظ أوصافك و عينك انا القراي
و أنا اللي كتبتك و الشواهد جماهيري
تطرّا بدعوه قلبي و بصْدقة مخباي
و أنا ما نويت اطريك طرّاك تفكيري
من اللي يقول إني هويتك على مشهاي
أنا وين عقلي لجل أنقي مخاسيري ؟
يبيع الوهم طيفك لقلبي وهو شرّاي
و لا فيه خاسر في حساباتهم غيري
يومني فديت الصبح في سمرتي ممساي
وحبيت في روتين شوفك مقاديري
تمنيت أقلطها أحاسيسك بيسراي
و اقهويك عمري قبّل دله مباهيري
و تمنيتك تدور الأراضي على يمناي
وإذا ما وصلتك يوم تزحم مساييري
بعد ما طرب لحن السعاده غُنا ليلاي
بكت لهفة الخاطر على قل تقديري
أيا دائي اللي في سمومه لقيت دواي
عيونك تفسرني وانا صعب تفسيري
تراكيت ضلعي ليت ضلعك طرف مركاي
و غيرّت في نظرة غروري ، معاييري
أكذب على نفسي و اصدق ضلال شفاي
و ارقع جفاك الين جفّت معاذيري
على كثرةْ جروح الندم ما نطقت الآي
سوى عقب ما دورت عالحب تبريري
و إذا مروا العالم على دربك بذكراي
تذكرني ان مريتك فـ يوم في خيري
حضورك يشبه حضور الغيوم اللي تجر بروق
وغيرك في عيوني له مجي يشبه مراويحه
مثل حب الحضر لـ اللول أو حب البدو للنوق
رسى مثل الجبل يوم الجبل ما حركة ريحه
غلاك اللي بلا سبه بلا معنى بلا منطوق
تمكن بالضلوع الين ما صاحوا مجاريحه
قصيدً من بحور الدمع قافه يوزن الطاروق
تهيض خاطر القراي بالحيره تباريحه
بتبقى ما بقى للشمس من شرق الحياه شروق
" يموت الشاعر ويحيا حبيبه في مواشيحه "
ولك بين العيون اسرار و لك بين الضلوع عروق
متوهه من يحبك بين تصريحه و تلميحه
مشرع لك ضلوعه وجد و معليّ مقامك فوق
و أنا قلبي قليل اللي خذوا نسخه مفاتيحه
انا اللي كثر ما همّل حقوقي كم عطيت حقوق
ولا ابيّح خطاي و من خطا في حقي ابيحه
كأن صدري كثر ما سيرت صوبه ركاب الشوق
مضافه حاتم اللي قلط ضيوفه مساريحه
ولا كني قبل ما اوادعك وادعت لي مخلوق
يا قلبً مال قلبي وين ما مالت تلاويحه

