عندي أخ اكبر مني من ابوي بس مو من امي وما تربينا مع بعض بسبب المشاكل وكراهيه امه لنا. لما كبرنا وصار عندنا وعي بدا يحاول يتقرب مني ويقول إننا بالنهايه إخوان والمفروض نكون قريبين من بعض بالبدايه حسيت إن الموضوع حلو وإنه أخيراً يبغى تكون بيننا علاقه اخوه فصرنا نسولف مع بعض عن طريق احد مواقع التواصل لأنه كان ممنوع يجي بيت امي وما كان يزورنا إلا احيانا بحجه إنه يشوف ابوي. في إحدى محادثاتنا طلب صورتي واستغربت من طلبه لأني مو متعوده ارسل صوري لأحد لكن بالنهايه أرسلت له وقعد يمدحني بطريقه ضايقتني فخففت تواصلي معه وقطعته. وكل ما شافني بالواقع يسألني ليش ما اكلمه وليش اتجاهله وكنت اتحجج له إن جوالي ما فيه مساحه او إني مشغوله بالدراسة. مرت كم سنه وصار يزورنا اكثر ويحاول يقرب مني ويسولف معي ودائما يتكلم عن الأخوه وإنه وده نصير قريبين من بعض ومع الوقت حسيت إن نواياه طيبه وإنه ما يبغى يضرني فرجعت اتواصل معه من فتره لفتره عن طريق الواتساب. وفي يوم كنا نتناقش بمواضيع مختلفه ولما قلت له إني نعسانه مره قال لي إنه وده يقول لي شيء بس ما ينفع بالواتساب لأن الرسائل ما تختفي هنا حسيت إن فيه شيء مو طبيعي وقلت له خلاص مو ضروري لكنه بنهايه المحادثة قال إنه بيقول لي وش كان يقصد وبيحذف الرسالة بعدها. قلت له لا مو ضروري ترسلها لكنه ارسلها فعلا وكانت الصدمه قال لي: