ٍ

اللهم اشفي كل جسد يضج به الوجع وكل روح تعج بها أنفاس الألم اللهم اشفي من شكى ألماً ، وخفف على من بكى وجعاً ، ربي أرح ثم هوّن ثم اشفِ كل نفس لا يعلم بوجعها إلا أنت يارب العالمين

يا اللي على دفتر أيامي كتبت و رسمت أبشرك راحت أيام السهر و الشموع البارحه ، مرّ طيفك بالغلط و أبتسمت ما عادت الذكريات تجيب رأس الدموع

إليا كسرت الغصن لاعاد تسقيه ماعاد ينبت لو ترده . . محله .

تظاهرت ب الراحه وأنا خاطري مكبوت أسولف مع سالم وأهوّن على هادي يا جابر يا شين البكيه إللي ما فيها صوت هذي والله إللي يمكن تطلع فؤادي له العهد في إللي عاد من عمري الموقوت لا أسولف من أسمه لين يرثونه أحفادي

« على جسَّر الضيَاع المنتمي للّخوف والمجهُول أفتَّش في سّطور الموت عن تاريخ ميّلادي»

سمعت بودكاست يتكلم عن الحزن المفاجئ، وقال جملة علقت في بالي... أحيانًا تكون بخير طوال اليوم، وفجأة تحس إن شيئًا بداخلك انكسر من غير ما تعرف السبب تكون تضحك وتتحدث مع الناس، وفجأة يتغير مزاجك ، تحس برغبة في العزلة، أو تجلس ساكنًا، أو حتى تشتاق لأشخاص وأيام ما كنت تفكر فيها تحاول تعرف إيش حصل، لكن ما تلاقي موقفا واضحًا يفسر هذا الشعور يمكن يكون وراء هذا الحزن تعب متراكم، أو ذكرى حركت شيئا قديمًا، أو ضغوط ما أعطيت نفسك فرصة تتعامل معها وأحيانًا فعلاً ما تعرف السبب، وهذا لا يعني إن مشاعرك غير حقيقية لا تجبر نفسك تبتسم كلما حزنت، ولا تكره نفسك لأن مزاجك تغير فجأة.. أعط قلبك فرصة يهدأ وتذكر أن مو كل شعور يحتاج تفسيراً فورياً، وبعض الأيام يكفي إنك تكون لطيفاً مع نفسك حتى تمر ...

ببتعد عنك و عن باقي علومك و أنت عيش الطيش من ذاتك لذاتك لا اسأت الظن فيني ما ألومك كنت أنا الشي النظيف اللي بحياتك

سوال يراودني " وش اللي يخلي الانسان يتمسّك بشخص ، رغم إن وجوده ما عاد يريحه ؟" مُمكن لأن الإنسان أحيانًا يخاف من الفقد أكثر من خوفه من التعب ، فـ يتمسّك بالشخص حتى وهو يعرف إن العلاقة ما عادت مُريحه له يظل يقول لنفسه : مُمكن يتغيّر ، ومُمكن كل هذا التعب يكون مؤقت .. فـ يصير متمسّك بالأمل اكثر من تمسّكه بالشخص نفسه

أحيانًا تتراكم داخل الإنسان مشاعره وأفكاره حتى يشعر بثقلها، فيحتاج أن يبتعد قليلًا ليصفو من الداخل، وهنا أتفهم ما قاله ابن حزم: «وأوَدُّ التَّغَيُّبَ عَن نَفسي أَحيَانًا».

بسبب التغيرات الحياتية وسوء الأحوال النفسيه نذهب وحنا نردد " خابرك لك صدرٍ كما البيدا ولك صبرٍ وثيق / يوم الليالي تنقض الهيّن وتفتل عوقها " ونرجع وحنا مليانين من " أنتهى يومٍ من العمر ماعاد أرتجيه " .

ما يبرّد حرّة الشوق شيء إلا العناق العناق أعظم لغة حب و أفضل ترجمه يا حبيبي طاري البعد شين و لا يطاق كل ما نبعد تكون المشاعر مجرمه الليالي في مواصلك معسولة مذاق كل ليله ذات طابع رومنسي ملهمه وش شعورك و أنت تخفي شعور الأشتياق و يتسلل بين نبرات صوت و سلهمه عطني علومك بـ كل التفاصيل الدقاق الغلا صدقه جهوري و كذبه تمتمه أفتح لـ كل السواليف باب إلا الفراق الفراق أقسى من الموت لا ذقت طعمه

كل مغرب يمرّ، و ما أنت قدّامي تغرب الشمس قبل الشمس من بدري دام ما تقدر تحقّق لي أحلامي ليه أخذت المكان الأعظم بـ صدري؟

مصير الأيام ترضي قلبي و روحي لو ما تعدّيت جرح البعد بالساهل ما فيه داعي ندور حلّ لـ جروحي أنتي كذبتي و أنا صدّقت و أستاهل

عسى البارق الشعّال و الوابل السكّاب على دار ملهوف الحشا تنفطر سكبَه "مداهيل غروٍ في ضميره عليّ عتاب إذا ما صلحنا باـ لمطر ويش نصلح به"

يا صاحبي لا تكسر القلب فيها حاولت أمشّيها سهاله و عيّت المشكله صارت تحنّي يديها إن شمت طبت و لا رضيت أتبيّت لسانك اللي كل زلّه يجيها أشدّ من سمّ السيوف المبيّت كرامة الطيّب نحدّك عليها و الظاهر إنّك فرصةٍ ما تهيّت الموته اللي تحترمني أبيها يا شينها تتركني أعيش ، ميّت

« لا تشرَّع للأماني باب وجه الليل شاحِـب .. و الأمل كــــذاب »

ما فقدت من العيون إلا عيونك يا ربيب الروح و أصوات الطواري كل صبحٍ : فيه من وصلك و لونك و كل ليلٍ : فيه من هجرك مواري!

غابت نجوم المجرّه و أنت وين؟ يا رفيق يعقد الحبل و يحلّ مضطرب بالي من أصوات الأنين و ما بقى لي في ثرا البيدا محل صايبتني عين و حجاج و جبين و لين عود و رسمة أكتاف و نحل كنها ماهيب من صلصال طين ما تحرّم فـ العذاب و لا تحلّ تحترف فيني فنون العشق لين أكتشفت إن الهواء ما له زِحل يخطف القسوه من القاسي بـ لين و يتهقوى فـ العزوم و تضمحل إن بغيت الوصل قالت لي منين و إن بغيت الهجر قامت تكتحل صرت ما بين المفارق و الحنين كثرت أرائي و لا أستنتجت حل الهواوي تجبره مر السنين يغتنم شد الرحال و يرتحل .

عجلة خطاويك يا سنَّ الصبا و العمر نهَّاب يسرقك من عارض الأيام و أطراف الليالي على أثر جرَّتك كم ودَّا الزمن غالي و كم جاب تسقى ربوعك من الخبت النفيه إليا المفالي عقبك و أنا منتحي ولا لي ربوع و ما لي أقراب إن كان ما جدَّ علم من الهوَى؟ ماني بـ سالي ما باقي إلا أنت يا سيِّد بهاء تلعات الأرقاب لا تستفزّ الظنون المرجهنَّـه و أنت غالي نتقابل أغراب و نحبَّ و نذوب و نرجع أغراب! و تسلى مع الوقت بين الناس و أعوَّد لحالي و بكرة ليا دبَّرت عوج السنين و عارضي شاب و أخذت أراجع قديم الذكريات و جيت في بالي ولا أنت؟ ما لي سواك أهل و وطن و ربوع و أحباب "لكن يعزِّيني من الهمَّ طيفك لا ضوى لي" بأعيش في فكرةٍ جاذب ونسها خاطرٍ طاب و أذكرك و أضرب تهاتيه الخلا و أشعب رِحالي ..

هو صحيح إن ما للمحبه طب ولا طبيب لكن مع الليالي والأيام يغدي طبك النسى ودواك التناسي

أشوفك تقرأ قصيدي ولا أدري بأخبارك ولا أدري وش ظروفك ولا وش صار فيك قبل أنا أول من يسأل ويعرف أسرارك وأنا أول من يسمع علومك ويحاكيك غريبٍ تبي وصلي ومرّات تصدّني وأنا ما تغيّر غلاك ولا جفا طاريك تعال قبل يمضي العمر وأموت بانتظارك أبي ليلةٍ أسمع صوتك وأحاكيك لو إنك ما تودّني ترى القلب مشتاق أبيك وأبي أسمعك وأقول اللي جرى فيني ثمانٍ وأربعين ليلة وأنا في غيابك ولا مرّ يومٍ سألت القلب وش فيه تعال قبل تخمد بقايا جمر الأشواق وقبل ينطفي نور المحبة وينمحي طاريك ترى ما أبي عذرك ولا أبي تبرير أبيك أنت وأبي ليلةٍ أقضيها معك.