ده باختصار شديد ملخص الهوس اخر كام سنة، انا بسميه "The sissification of men” الضغط الوهمي اللي حطه المجتمع على الشباب الصغيرين في محاولاتهم لل mating وإيجاد شريكة حياة.. هتلاقي اغلب الشباب insecure من شكله، من طوله، من جسمه.. والموضوع وصل لعمليات كسر تيبيا عشان يزود طوله كام سم، ڤيديوهات ال looksmaxing عشان يبقى عظم وشك وال jawline بتاعك شبه gigachad.. اصل الفحولة هي: - طولك +185 cm - عظم وشك بارز وبتجز عليه وانت بتتصور - جسمك لازم يبقى اقل حاجة جسم pro athelet - شعرك يكون اقرب لشعر توم كروز قدر المستطاع - +1000 ng/dl testosterone - بتتكلم من بطنك ومتخن صوتك علينا بدون سبب -تقعد تقفش على ايدنا وانت بتسلم علينا عشان انت فحل اوي ودي علامات الفحولة - 100K+ monthly income من اول هنا انت بقيت qualified عشان تلاقي شريكة حياتك، اقل من كده ف انت راجل اي كلام و احمد ربنا لو واحدة عبرتك.. متفهمنيش غلط، انا مش ضد انك تبقى رياضي او شكلك حلو او نضيف، بالعكس.. انا ضد ان دي تبقى كل هويتك، انك تتحول من بني ادم ل كلب توقعات وتبدأ ترسم حياتك كلها حوالين توقعات الستات منك.. لأنك في اللحظة دي اتحولت ل منتج توقعات السوق. انت شخص عديم الثقة في نفسك تمامًا لدرجة انك روحت تنتج شخص جديد عشان تقول للناس، ها عجبتكم كده؟ بقيت مومس في جسم راجل. المفروض كل حاجة بتعملها في حياتك تبقى عشان ترضيك انت، عشان انت عاوز تعملها، مش اي حاجة تانية. انا حاسس بالشفقة على الجيل الجديد من الذكور فعلًا لأني بشوف الحاجات دي باستمرار، المجتمع فرتك تمامًا تصورات الذكر الصحيح عن نفسه في محاولة لتدجينه.. تعبير زي toxic masculinity بقى يخليك preoccupied ضد تكوينك اكنه الخطيئة الاساسية وبتحاول تتطهر منه باستمرار.. وبعدين الستات تشتكي هو الديتنج پول ماله؟ فين الرجالة؟ ماهو احنا نسوناهم خلاص يا بنتي، اغلب الرجالة بقو ميفرقوش كتير عن صاحبتك بس في صورة فيزيائية مختلفة.