محمد دخيل القثامي

ليه الزعل ماعاش من هو يزعلك آزَعّل الدنيا على سِبّة رْضاك ومادمت انا دونك وكلّي مَعَك ولْك الابتسامه لاتفارق محيّاك اعرف وش بْخاطرك من قبل لاسألك واقول سمّ وكل ماتطلبه جاك ملكت قلبي بالغلا والوفا ملْك ومدّيت لك روحي على كفّ يمناك يكفي لِيا شِفْتك وقمت اتأمّلك اضيع في بحرك بلاوعي وادراك اعشق تفاصيلك منَ اخرك لاوّلك واقول جعل الكون والعمر يفداك #بس_اقول #رسالة_اليوم

عفا الله عن كلام ٍ في حنايا الصدر ماينقال تركته للزمن لو هو ثقيل وْجمْرته حيّه وعفا الله عن همومٍ ماتخلّي مستريح البال يعيش ايام عُمْره في صفا ذهن وصفا نيّه وعفا الله عن هواجيس ٍ توقّف بي على الاطلال تعيد الذكريات اللي مع الايام منسيّه وعفا الله عن عيونٍ كل ماشافت سراب اللال يعلّقها الامل عقْب الضما بِحْبال وهميّه وعفا الله عن غياب ٍ كل ماليله بعيني طال عَرَفْت انّ الليال السود مافيها محنّيّه وعفا الله عن وليفٍ فارقٍ زوله عن الازوال احنّ لْجيّته وِيْضيق صدري لاحْتجب ضيّه وعفا الله عن حروفٍ نبضها باحلى الشعر يختال تسافر بي من الواقع للاجواء الخياليًه وعفا الله عن شموخٍ في عيوني يذبح العذّال خذاني للسما مابين الافلاك السماويه #نبض_جديد #بس_اقول #فضفضه

#نبض_جديد يقول الارض حول الشمس مع كل الفصول تدور وانا اقول النفوس تْدور مْثْل الارض باكملها تِشوف العاقل احياناً يجيه مع المجنّن دور يسوي حاجةٍ فالوقت ماكانِ يْتقبّلها وتِشوف الناس تتفاوت مابين الحِلّ والمحظور ولا تَعْرِف طباع الناس لين انّك تعاملها احد يزعل بلاسبّه واحد يخطي بغير شْعور واحد لاجاته الغلطه برغبته يْتجاهلها واحد مثل الحصان اللي يجيك من اخر الطابور معه تنسى الخيول مْن اخر الجوله ليا اوّلها واحد مهما حصل فالوقت مايكشف عن المستور صناديق الضلوع الحدب عن غيره مقفّلها واحد دم الحسد يجري بدمه يطبّخ ويفور واحد عايش على الزلّه والاسباب يتخيّلها واحد عينه على غرّات خلق الله كما الناظور واحد نفسه عن الناس وعيوب الناس مشغلها واحد مايشبعه حاجه واحد يشبع من الميسور واحد مايروي الضامي واحد ربعه يجمّلها وعديم المعرفه لامن تقدّا في عديم الشور واخذ رايه بلا منطق على الوجه يْتحصّلها وترى القلب الظلامي مايحبّ انّه يشوف النور يعادي كل حاجه تطعن احلامه وتقتلها وكرام الناس ماعاشت بلا مذهب ولا دستور وضعوف الناس لو تمدح هل الطاله تزعّلها وتموت الحرجه اللي دمّها بين العرب منثور وتلقا اللي بلا وازع يحلّلها وياكلها ويعيش الحر حر ولايمدّ يديه يمّ السور لو انّ الجوع ينهش في ضلوعه ويتختّلها واذا دقّقت في كسْر العظم والخاطر المكسور لقيت انّ الخواطر كسرها اقسى من تحمّلها واذا شفت الصدور امست من الطيبه بلاقع بور وش اللي ترتجي والغيم مقفيةٍ مخايلها وتمعّن في عطايا الشجره اللي تحضن العصفور وهي تدري ليا منّه كبر غادر وبدّلها وترى الرّفعه مهي بالمال والا شامخات الدور بالاخلاق البشر ترفع على القمّه منازلها وترى كثْر العتب يوجع ولو راع العتب معذور ليا شاف الخطا والناس مايعرف يجاملها وقبل تشره على الموج الغزير وعتمة الديجور شف اللي يَخْرق بْجنب السفينه ويتحمّلها #بس_اقول #محمد_القثامي

بنت السّحايب والقصايد والاناقه والشموخ متفرّده باوصافها واخلاقها والقابها غطّت بِشيختها على شِيخة حفيدات الشيوخ ومْن التّرف ماكلّ حاجه تستثير اعجابها #بس_اقول #فضفضه