الأصدقاء والمتابعين . تم والحمد لله نقل وتبويب كل كتاباتى ومقالاتى المنشورة سابقا إلى حسابي على تطبيق سبستاك . أرشيف كامل لما يقارب 200 مقال ودراسة ، أغلبهم متاح مجانا وبعضهم للاشتراك المدفوع . أداوم على النشر الأسبوعي على سبستاك وبعد عدة أسابيع اللاحقة أعيد النشر على المنصات الأخرى . رابط الحساب فى التعليق الأول .

المهاجرين والآنصار والعرب والمسلمين والأفروسنتريك أبيضوا أوى وأحلووا وأتدوروا وخراط الشعوب خرطهم من ساعة ما بقم يهتفوا ضد الفاشية ويرفعوا أعلام حمرا وكده . فرنسا .. مرسيليا .. ٢٤ أكتوبر ٢٠٢٦ .

عايز أقول كلمتين بالبلدى للى لسه مركزين وماسكين دماغهم فى مصر ومدركين لمسؤولياتهم . باين جدا فى الأسبوعين اللى فاتوا حالة التخبط واللخبطة تصاعدت فى كل الاتجاهات . 1- حديث غير مسؤول وغير متزن وغير مدروس عن التحول السياسى وتسليم السلطة. 2- حديث عشوائى وغير مدروس وغير شفاف عن قرار استراتيجى مفيهوش هزار بشأن القوات المسلحة ووجودها خارج الحدود . 3 - الدولار بيوصل 53- 55 جنيه . 4- رسائل إعلامية عشوائية من نوع فخامة الرئيس الزعيم - أداء كوري شمالى وإنفصال عن الواقع ولجان الكترونية عشوائية وشرسة ومتخبطة. 5 - هجمة على الإعلام المستقل واستسهال نعت أى حد بتهمة الإخوان . 6- صدى إقليمى سيئ صوته واضح .. جى من لبيبا والسودان ومن استقبال السعودية للتخبط ده . كل ما سبق له عنوان رئيسى وهو الأزمة المالية المصرية وأزمة المديونية وأزمة التعامل معاها . هذه الأزمة أزمة سياسية وحلها سياسي .. وليس حل فنى وليس حل اقتصادى . وحلها السياسى حل إقليمي وهذا الحل الإقليمي ليس بأن تقايد مصر ديونها بأولويات جيشها استراتيجيا . والحل السياسي و الإقليمى ليس بأن تتخلى مصر عن أصولها العامة . والحل السياسى والأقليمي يجب وأن يبدأ بأن يعود الشعب المصرى إلى سدة القرار مرة أخرى لكى يعطى الشرعية اللازمة للمواجهة أو تحمل الأزمات أو توزيع أعبائها بالعدل على الفئات الاجتماعية والأهم .. أن يعطى الشرعية الكافية لمواجهة الدائنين واللى كان جزء رئيسى من دوافع وجودهم المالى فى مصر هو دعم وتثبيت هذا الوضع المصرى الذى لا يمكن له أن يستمر . مصر مش حتتخلجن والمصريين مش حيبقوا بنغال فى بلادهم حتى لو المحاولة شغالة بعنف وغباء وإصرار وغرور وغطرسة .. كل حاجة وليها أخر . حل أزمة المديونية المصرية مش حيكون على حساب مصر أو المصريين ولا مستقبلهم . لا يوجد حل أخر .. عمليا .

بوست قليل الأدب وطبقي .. ضد الطبقيين . اليومين اللى فاتت خبطت فى كتابات وتعليقات لناس من مصر .. فاكرين نفسهم نضاف ومتحضرين لمجرد مثلا انهم مرة راحوا اليونان يصيفوا ولا حاجه .. الناس اللى هى بتدى بعض ألقاب أو بيحطوا الكوفية جوه القميص زى الفنان احمد لوكسر أو بيحقنوا فيلر وبوتوكس محرج جدا جدا جدا . الناس دى بتتكلم عن كيف أفسدت الهجرة بره .. وحضارة أوروبا .. وفرنسا الحضارة ضاعت وكده . أنا اللى عايش بره .. وأنا اللى عندى وضع قانونى .. وأنا اللى عشت أكتر من نص عمرى الناضج فيما يسمى البلدان " المتقدمة " .. وأنا اللى ليا كافة الحقوق المستقرة وبقولك التالى . - حضرتك إنسان مغيب ومقطوع بيك الإتصال .. لو اليمين هو الى سيطر بره حتى فيزا تركيا مش حتعرف تاخدها .. حيبقى اخرك تاخد الكيو أر كود بتاع مراقيا ومرابيلا يا كتيان .. ده لو عرفت أصلا لأن الخلايجة حييجوا يزاحموك فى كل حاجة . - حضرتك اللاجئين دول أجدع منك .. على الأقل مغامرين وشجعان .. عدوها عوم .. وشقيوا .. وخدوا المخاطرة .. وكتير منهم أثبت نفسه .. ومحققين نفسهم بالتجربة .. زى السويسى كده بتاع إيطاليا .. إنما أنت حتى الفيزا مش حتشمها .. ولو شمتها أخرك لو سافرت حتعرف تجيب دابل اسبرسو ورغيف بحالتك العدم دى . - المهم بقى .. أن حضرتك اللى بتسبب لنا بره إحراج أكتر من الغلبان اللى جى عايم وبيشقى .. لأنك أنت مش دريان بنفسك ولا بوضعك .. فاكر نفسك كوول وأنت مش كوول .. وأنت يا ست فاكرة نفسك حلوة وشيك وأنتى بيئة ولبسك وحش .. مش دريانين أصلا .. بقيتوا شبه العراقيين اللى كانوا مع قصي و عدي .. بيئنة و كمكمة و إحراج .. فتبقى مستحلى روحك وتتمسك تحرش مثلا وأنت مش فاهم أنت عملت أيه .. ما أنت مش دريان أصلا .. والفضايح من العينات البيئة بتاعة ايجيبت دى كتير اوى اوى اوى . ..... متستعلوش على خلق الله .. عشان محدش يستعلى عليكم .. لا أنتم عارفين .. مين أيه .. ومعاه كام وبيشتغل أيه و نفوذه أيه .. وفكر مرتين .. قبل ما ترد وتقل أدبك .. يا جربوع . .... معلش سامحونى .. وعاش المهاجرين واللاجئين و الكادحين .. يا جربان منك ليه .

هو بره اى شيء وبأمانة شديدة .. الواحد متضايق وزعلان جدا جدا جدا جدا . مش مصدوم بس زعلان جدا جدا . طول الوقت بيبقي فيه رهان ولو صغير على الأصول . توجيهات و تعظيم سلام !!

ملاحظة محتاجة تتقال .. مفيش تيار سياسى اسمه " الدولجية " ده مش موجود فى أى حته فى الدنيا . لو كان الكلام على الأيمان بضرورة وجود الدولة ولعبها لأدوارها الخدمية الطبيعية فأغلب الناس مع ده .. ما أنا شخصيا من دعاة وجود دور محوري للدولة فى التعليم والصحة و الاقتصاد .. هل كده أبقى دولجى ؟ فهي هنا الأمور محتاجة تتسمى بمسمياتها .. الإشارة دى يمكن إحالتها إلى حالتين .. الحالة الأولى .. هم عملاء الأجهزة الأمنية .. المخبرين .. المرشدين .. أو شبكات المستفيدين من البنية دى ككل .. ماليا ومهنيا .. واجتماعيا .. وعائليا .. وهنا إحنا مش أزاء تيار أو قوي سياسية .. إحنا إزاء قبيلة فى أحسن الأحوال أو عناصر أمنية مأجورة فى أحوال أخرى .. وعادى مصر بلد كبير ممكن يبقى فيها نص مليون مخبر ونص مليون إخوان ونص مليون مدمن شابو ماشيين يريلوا فى الشارع ونص مليون أى حاجة . طول الوقت ده موجود فى مصر .. الفرق أن فى السنين الأخيرة ناس متعلمة وأعضاء فى الهيئة الاجتماعية بقت بتطلع تفتخر بده وده الجديد .. زمان المرشد أو المخبر كان بيتدارى .. دلوقتى الموضوع مش كده .. وبقت الأمور بتراوح ما بين التعبير الصريح وتبرير ده بصعوبة أكل العيش وده قالهولى صراحة بعض اللجان انبوكس .. وما بين الحماسة للحرب على الإرهاب وهى حرب ستستمر لما لا يقل عن 1000 عام قادمة .. وما بين حاجات كتير . الحالة الثانية .. وهى مشتقة من الأولى .. وهو أن تيار يبدأ فى مساحة رمادية بين كون أفراده عملاء للأجهزة الأمنية ثم يتحور سياسيا ويزداد استقلالا ... ودى فى الأغلب بتبقى تيارات أقصى اليمين فى بلدان كتير . الأمثلة هنا كتير .. منها مثلا حالة الجماعة الإسلامية فى مصر مطلع السبعينيات .. واللى كانت بتراوح بين المساحتين لحد ما خدت مسار التمرد بعد ما كانت فى مساحة التبعية الداعمة لنظام أنور السادات لكذا سنة فى الأول . حالة الحركة القومية اليمينية فى تركيا .. واللى هم خليط من عناصر عميلة للمخابرات المركزية الأمريكية ومافيا إجرامية و عسكريين يمينيين .. ودول خلطة أمريكية اتعملت لمحاربة اليسار فى الستينيات فى كذا دولة .. منها اليونان وتركيا و إيطاليا شوية وطبعا أمريكا الجنوبية .. لكن كان رمزها وقتها فى تركيا هو ألب أرسلان توركوش وده كان جنرال سابق ... من قيمة كام يوم دولت بهجتلى زعيم اليمين التركي الفاشى كان بيصالح أكبر عيلتين إجراميتين فى المافيا التركية على بعض بمنتهى الفخر ... الراجل ده هو الشريك الرئيسي لأردوغان فى ائتلاف الحكم فى تركيا أخر 15 سنة . مصر مش بعيد أوى عن ده فى الحالة النخنوخية .. اللجانية .. الكيميتية .. يعنى خلطة بلطجة على إجرام على مخبرين على تحيا مصر على ناس بعضلات كتير ونسوان عاملة عمليات كتير فى وشها وحالة ايجيبت الفجة والبيئة فى نفس الوقت . ......... المهم أن احنا عندنا كل حاجة .. بس ضرورى جدا فى الفترة الجاية الحالة دى تتبلور بوضوح .. يعنى تتسمى باسمها .. المخبر اسمه مخبر .. المرشد يبقى اسمه مرشد .. الفاشى يبقى فاشى ومسمي نفسه فاشي ( مش وطني ) .. بس فى كل الأحوال موضوع دولجية ده قدم شوية .. خصوصا لما تبقى الدولجة تمامها فى دبى وأبو ظبي .. وضد الشعب وبتكرهه وتحتقره .. وضد الدعم وضد الفقرا .. فمحتاجين تجديد ومسميات معاصرة . .......... نرحب فى الفيسبوك باللجان والمخبرين والمرشدين عشان نفرزهم .. عشان إحنا فى مرحلة فرز مهمة . أما هنا فى تويتر .. فلنا الله

في الحقيقة، لديّ ملاحظاتٌ على ما قرأته من تفاعلات حول تصريحات السيد عبد الفتاح السيسي بشأن إعلان التزامه بنصوص الدستور. الأمر قد يكون إعلانًا واضحًا وصادقًا، وقد يكون مناورةً أو التفافًا أو جسَّ نبضٍ أو استسلامًا لتوازنات قوى داخلية ترفض تعديل الدستور. وكل هذا غير مهم حاليًا؛ لأن هناك قوى تتدافع وتناور، وهناك مصالح ستتمسك بكل شبر من الأرض، وهناك ضمانات مستحيلة سيطلبها البعض، وهناك جنون عظَمة لدى البعض الآخر.. هناك الكثير والكثير والكثير، وما زال الحديث مبكرًا بشدة. ما لفت نظري فعلاً في حديث السيد عبد الفتاح السيسي هو استدعاؤه للحظة تسليم السلطة إلى الرئيس الأسبق محمد مرسي، وحواره مع المشير حسين طنطاوي الذي قال له: «هل نسلم البلد للإخوان؟»، فرد اللواء السيسي وقتها قائلاً: «نسلمها للإخوان أفضل من أن تضيع البلاد بالكامل». وهنا كرر السيد عبد الفتاح السيسي الفكرة نفسها قائلاً: «نسلمها لمن يستلمها شريطة الحفاظ على البلد وكيانها والمائة مليون». هذا التصريح أهم عندي من أي شيء آخر؛ لأن الحفاظ على الاستقرار والسلامة ليس بأي ثمن، إذ إنه في الأخير حفاظٌ على استقرار وسلامة الكتل الحاكمة والمستفيدة من حكمها. ولو مددنا الخط على استقامته اتساقًا مع مقولة سابقة هي: «أنا لو ينفع أتباع كنت أتبعت»، فقد تكون سلامة البلاد واستقرارها والحفاظ على كيانها —من وجهة نظر البعض— مريرةً وتتم اضطرارًا عبر خسارة سيادتها واستقلالها وملكية شعبها لمواردها، وهذا هو الواقع والتحدي الحالي بالمناسبة. نحن مقبلون على سنوات أكثر صعوبة مما سبق، وستزداد المناورات والحيل وقنابل الدخان والتدخلات الإقليمية ، وسيزداد القمع تجاه كل اشتباك جاد مع الشأن العام والمسائل الوطنية والاجتماعية ومسائل الحريات. وعليه، ما أعتقده ملحًا في الفترة القادمة هو التعامل مع المعطيات كما هي، عدم القفز على الاحتمالات، ومتابعة التصريحات ودراسة الإيماءات والتسريبات. من المهم جدًا في الفترة القادمة التركيز على عدة نقاط: 1. استعادة القدرة على النفاذ إلى المعلومات والأخبار الصحيحة: بشكل يساعد القوى السياسية، والعاملين بالإعلام، وكافة المثقفين والمتعلمين على التعامل مع الواقع كبشر ذوي فائدة وقيمة، وليس كنعاج تسوقها "التريندات" والأخبار المضللة والبروباجاندا. 2. استعادة المجال العام لقدرته على التنظيم الذاتي: عبر تحدي السلطة التي ترفض الحدود الدنيا للاجتماع والتنظيم والحوار والمناقشة والعمل الجاد.. وأتحدث هنا عن الحدود الدنيا الراشدة جدًا. 3. استعادة القدرة على الكلام بشأن الملفات الحساسة والمعلقة: والتي تُستخدم كستائر سوداء مظلمة أبدية تنسدل أمام مستقبل المصريين؛ كملفات مستقبل الإسلام السياسي، والطوائف المنبوذة، والحالة الفاشية الممتدة، والسعار الأمني المنفلت، ومسائل الملكية العامة غير الشفافة، والاختراق الإماراتي لمصر.. على أن تُناقَش كل هذه الأمور من زاوية المستقبل لا الماضي. 4. طرح السؤال الاجتماعي بشكل حاسم وجذري : فالبلد الان تم إعادة تشكيله اجتماعيا وطبقيا على نحو فظ ومدمي وصاعق وحتى الان لا توجد إحاطة جادة وسليمة بالأثار المدمرة لما حدث ، طرح السؤال الاجتماعي سيستتبع معه الاستعداد لطرح تصورات وحلول راديكالية وغير تقليدية تتعلق بإداره المال العام والأصول العامة والثروة القومية وإعادة التشكيل الاجتماعى مرة أخرى بما يضمن زيادة الطبقات الوسطي وعودة مركز ثقلها الوطني مرة أخرى . مجرد القدرة على استعادة النقاش الأهلي المستقل، وتنظيمه، وضمان استدامته، وتحدي محاولات تحطيمه وتسفيهه أو السيطرة عليه بما يخل باحترامه لنفسه واستقلاله وكرامته وحريته، هو البداية الحقيقية لأي كلام جاد عن الأشتباك في المستقبل مع ما يدور من مناورات أو تخبط أو يأس أو أيٍّ كان.

ده رأيي فعلا

تعليق بشأن القبض على ستة من محررى منصة متصدقش . - كل التحية للصحفيين والمناضلين اللى بيخاطروا بحريتهم وأمانهم الشخصي من أجل أنهم يوصلوا بعض القليل جدا من الحقيقة للمصريين . - منصات زى متصدقش وصحيح مصر ومنصات أخرى ظهرت فى وقت تصاعدت فيه المعلومات المغلوطة والجهل المعمم اللى بتمارسه اللجان الإليكترونية والحسابات الألية اللى وراها أجهزة الأمن المحلية والأقليمية والدولية وجماعة الأخوان المسلمين وشركات خاصة . - التضليل المعلوماتى والحرب السيبرانية وصلوا فى مداهم لأذى المصريين فى صحتهم وعافيتهم و موضوع الطيبات دليل على ده . - منصة متصدقش وغيرها من المنصات معظم المادة بتاعتها تصحيح لما هو شائع ومتداول من مواد بتروج على الفضاء الرقمي ومنها أكاذيب كتير بتروجها جهات فى الدولة . - ولأن المنصات دى بتكتسب مصداقية بتصحيحاتها ودورها فى الفاكت تشيكنج فبقت جهة موثوقة لعدد من المصادر اللى خايفة تكلم أى حد لأن الحرية أصبحت تؤول إلى الصفر . - ده اللى خلى قنبلة زى بتاعة قصة طيارة زامبيا والدهب تنفجر وتخلى منصة متصدقش تتعرف على نطاق واسع وغيرها قصص كتير عن الفساد البشع للعهد الحالى اللى مصر مشافتش زيه فى تاريخها كله بالمناسبة . - وبالتالى القبض على فريق عمل متصدقش منطقى جدا ومش غريب بالمرة .. فى ضوء سعى الحكم الحالى لإخراس من يمكن إخراسه قدر الإمكان ومساومة كل إنسان حر على قولة صباح الخير للإنسان اللى جنبه واعتبار ده نوع من الحرية المقيدة واللى ممكن تتسحب منه كمان . - لكن النقطة اللى أنا عايز أشير ليها هو حكاية منصات إخوانية دى .. والصراحة لو فيه تصميم على النهج ده فى التعامل .. خلينا نلعبها صايمة .. أنا بشكل شخصى مستعد يتقال عليا أخوان .. لأن أنا مش إخوان ومش إسلامي وكنت ضد الإخوان .. وكل واحد عارف نفسه . - ممكن نطلق الشراديح والشراشيح و العيال اللى لو مقبضتش شهريتها ترجع لقاع الحياة تانى .. لكن حيظل اللى حيعمل كده وحيلعب اللعبة دى حيبقى اسمه .. مخبر - مرشد - مباحث - أمنجى .. مفيش مساحة فى النص .. عشان الأمور تبقى على نور .. لأنى عارف أن فيه ناس كتير حتموت وتعرص .. فقبل ما يعرصوا يبقوا عاملين حسابهم على مسماهم المحدد !! والسلام ختام

مقال جديد على حسابي في "سبستاك" لا يتجاوز 1000 كلمة، نظري الطابع إلى حد ما، وهو مقال افتتاحي ومقدمة لسلسلة مقالات أحاول فيها إجمال وملاحقة التطورات الحادثة في الأعوام الماضية على مستويات نظرية سياسية واستناداتها الفكرية. mohamednaeem1977.substack.co…

اجتثاث المواطن وإخفاء الحرامي وجنون الضابط وعصام الشوالي mohamednaeem1977.substack.co…

يعيش عبد الناصر حتى في موته.. فمتى نغلق قبره لنحرره ونتحرر منه؟ | مع محم... youtu.be/HBgymRuvy-A?si=ALCD… via @YouTube

اليوم فى التاسعة بتوقيت القاهرة حلقة جديدة بعنوان : يعيش عبد الناصر في موته.. فمتى نغلق قبره لنحرره ونتحرر منه؟ كان من المفروض أن تكون هذه الحلقة عن ما اسميه " لا جمهورية تفويض 26 يوليو 2013 " ... لكن نظرا لتفاعلات كثير من القراء والمعلقين والأصدقاء على حلقة " نصف جمهورية ناصر التى شكلتنا " .. قررت أعمل حلقة تشتبك مع هذه التفاعلات وترد على الأسئلة والمداخلات . رابط القناة فى التعليق الأول ..

منك لله يا تريزيجيه .. مش عارف أتخطى ماتش الأرجنتين لحد دلوقتي .. أدائك بيطلعلي في أحلامي وكوابيسي وڤيديوهاتي .

تأمل فى تطور تطبيق فيسبوك .. يصلح للنشر على تويتر . ...................... كنت عايز أكتب بوست طويل عن تطبيق فيسبوك .. وأزاى أنه أتحول إلى تطبيق كفكاوى و أصبح أشبه بغرفة مظلمة جدا بيصرخ فيها سجناء عنبر مغلق في مستشفى وأن ده ينطبق علينا كمصريين ربما أكتر من غيرنا . - أولا المصريين فشخوا الدنيا فى 2011 .. و إحنا السبب فى رقمنة القمع والاستبداد فى العالم لأن استخدامنا للتطبيق ده فى الثورة كان إعلان لعالم جديد .. بتتسارع وتتصارع وتتحالف فيه الاجهزة الأمنية والشركات فى السيطرة على الفضاء الرقمى وبشكل يفوق الخيال المتشائم لأى حد . - المصريين برضه أسرى التطبيق ده لأنهم جربوها ونفعت .. هم فى الحقيقة جربوها كتير ونظموا نفسهم من خلاله كتير وشرطا ان ده فى بلد تراثه الحركى والتنظيمى مش قوى والعمل الجماعى فيه مش احسن حاجة .. فلما شطحنا نطحنا وكانت النطحة موفقة .. سيظل تعلق المصريين بهذا التطبيق مرضية لأنه له مكانة عاطفية ما ليه عندهم ودوره المهم فى تاريخهم. - حد حيقول الاجيال الجديدة مش موجودة عليه .. حقول له .. لا و اه .. من مراجعة بيانات الحساب عندى .. وانا عندى 100 الف متابع .. وبوستات كتير بتتشاف بفوق ال 200 الف مره .. الحقيقة أن نسبة من هم تحت ال 30 عندى ممكن يعدوا ال 45 % .. بيتحركوا بين 35 و 50 % .. استخدام الاجيال الجديدة مختلف .. هو بالنسبة لهم منصة إعلامية وليس تفاعلية .. لأن الأجيال دى هم مواليد الفاشية والمراقبة .. فظهورهم الحقيقى حريص جدا .. مش زى اللى قبلهم .. فهم كأنهم فاتحين يشوفوا الأخبار .. أو بيقروا مجلات وجرايد معينة . - التطبيق ده كمان من وقت الكورونا ومن وقت ما بقى مخول ليه انه يشيل مادة ويحجب مستخدمين ويعملهم منع خافت ويعاقب ويسجن رقميا وزاد على ده عملية أمولته وهو بيفقد صفته التفاعلية الحرة ثم صفته التفاعلية أصلا .. ولانه بيفقد صفته التفاعلية فهو اللى بينشط التفاعل عن طريق الخوارزميات . - بمعنى أن هو اللى بيخلق الجدل ويعليه ويوطيه ويحجبه وهو اللى بيخلق الشبكات ويقترحها لأنه قرر يدمر الشبكات السابقة ويحجبها عن بعض ويجبر المستخدمين انهم يشوفوا حاجات مش عايزين يشوفوها والرسالة كمان ان الخوارزميات راكباك ولازم تقاومها جدا جدا وتبقى مركز أوى اوى عشان تنال جزء من راحتك على التطبيق . - فلما كمان يبقى نسبة معتبره من مادة التطبيق مخلقة أليا .. أو بوتات .. أو لجان بشربة .. أو بشر مستتبعة لجان .. ولما يبقى التطبيق مجال لحركة عشرات الاجهزة الأمنية والشركات .. والاستخدام امنى وسياسى وتجارى .. مراقبة وسيطرة وتوجيه وتتبع وخلق جدالات وتوجيه تريندات .. كل ده حيزود من احساس المستخدمين بالغربة وأنهم هم موضوع للاستخدام داخل هذا الحيز . - ولما نزيد كمان أن التطبيق ده وابداء الرأي عليه تسبب فى سجن ناس كتير فى مصر . نبدأ نفهم أن التطبيق ده مكان هو عكس الحرية تماما .. مكان بقى البعض فيه بيوجهوا رسايل للظابط الرقمى اللى هم مش عارفين هو مين .. او مكان الناس فيه بتحاول تلم فلوس عبر انها تخلق جدل زائف وما يترتب على ده من تفاعل يولد فتات مالي .. أو ناس عايزه تقول حاجة بتحصل فى الواقع بس خايفه من كل ده فبتقول الكلام من بعيد وبتحسيس بس بعصبية شديدة جدا جدا جدا . الناس بتحوم حوالين الحقيقة أكتر ما بتقولها .. لأنهم ببساطة خايفين ! من فترة ناس كتير من اللى عايشين بره بيسألوا هل الدنيا على النت اوحش من الحقيقة ولا الحقيقة اوحش .. اعتقد ان الحياة المادية غير الافتراضية حياة مختلفة .. وان الواقع مليان اشياء شديدة القسوة والبشاعة والاجرام اكتر من اللى المجال الرقمى بيعبر عنه .. بس هو على ما بيوصل للمجال الرقمى .. بيوصل مبتور .. مذعور .. بنص لسان .. متفلتر .. متراقب .. استعراضى .. مليان اغراض . أنا اكتشفت مؤخرا أن فيه ناس عامله بيرسونا على التطبيق ده بمواقف سياسية معينة هى عكس ما تقتنع بيه فعلا وذلك لأسباب تأمينية فى الواقغ .. برافو عليهم والله .. حتى لو كانوا بيحدفوا خره فى وش الناس . اللى أنا زعلان منهم بس هى الناس اللى انا كنت اعرفهم وبقت بتستخدم التطبيق ده فى مناجاة أو إرسال رسائل أو تسجيل مواقف عشان الشعور بالقهر والمراقبة و محاولة تفادى الأذية الأمنية بالطريقة دى .. وبزعل أكتر لما ده يطلع عليا أنا احيانا .. بزعل جدا جدا .. بس الله غالب . وعليه المنصة دى بقت مبولة فعلا .. احنا مش حنسيبها طبعا .. بس لازم نتعامل معاها انها مكان مفخخ ملغم .. وانها مش المكان الطبيعى للتفاعل . ولازم نفتكر كمان اننا بنستخدمها للتفاعل لأن الواقع مغلق وإننا حملنا عليها بزيادة بسبب غياب الحريات العامة والحركية وتقطيع الأوصال والنفى وحجب المواقع وتدمير الحياة العامة .. انا هنا موجود بشدة من نص 2013 .. قبل كده كان الوضع والاستخدام مختلف . لازم مننساش ده .. لازم نفتكر ان التطبيق ده سجن .. مش حرية .

ثريد مهم جدا .. مش عشان الاتفاق والاختلاف علي مضمونه . لكن لأن من المهم جدا جدا أن الناس تراقب وتتأمل التطبيقات والوسائط اللي بيستخدموها .. بتشتغل ازاي وبيتم استغلالها ازاي . ورأيي أن ده سلوك واعى ومهم أنه يتعمل كل فترة عشان في الاخر احنا كبني ادمين محتاجين منبقاش خاضعين بالكامل للشركات وخوارزمياتها . عن نفسي انا ناوي اعمل بوست طويل عن تطبيق فيسبوك وحبقي أشاركه هنا .