Ерөнхийлөгчийн айлчлалыг дагаад MNB-ийнхэн буян дааж Герман оржээ. Тэгснээ бэлдсэн мэдээ нь Германы олон нийтийн телевизийн хураамжийг Засгийн газраас багасгахыг оролдож, бие даасан байдалд нь халджээ, энэ хураамж нь бараг татвар шахуу шинжтэй юм бла бла. Тэгснээ араас нь гудамжинд яваа иргэдээс яриа аваад, MNB-н хураамжийн талаарх сэтгэгдлийг нь асууснаа гаргаж байна. Би нотолж чадахгүй ч, хураамж өндөр байна, дэмий гэсэн сэтгэгдлийг нэвтрүүлээгүй гэж хардаж байгаа. Ярилцлага өгсөн хүмүүс бүгд л хураамж байх ёстой, бараг бид нар юу ч төлөхгүй байгаатай ижил, нэмэх хэрэгтэй гэлцэж. Тэгснээ Цагийн хүрдийн дараа 21:00 цагаас MNB-н хураамжийн талаарх олон нийтийн хэлэлцүүлэгтэй гэж мэгээд нохойтож байна. Цаагуураа бол одоо авч байгаа хураамжаа чамлаад, нэмэх гэсэн л санаа л даа. Хэрэвзээ MNB тунхагладаг шигээ олон нийтийн ТВ байсан бол хамаа алга аа, тэр 2000, эсвэл 3000 төгрөгийг нь угаасаа хүчээр төлөөд л явна. Гэтэл олон нийтийн ТВ нэрийн доор мэдээ, мэдээллийн цагаа компаниудад зарж, улстөрчдийн, ялангуяа эрх баригчдын таалалд нийцүүлж тааруулдгийг нь бодохоор бүр 5 төгрөг ч төлмөөргүй санагдаад байхын. Манайхаас өөр улсад, Prime time буюу мэдээний оргил цагаар ЕС-нх нь дүү, шадар сайдынх нь эхнэр хоёр шууд эфирт суугаад, ахынхаа, нөхрийнхөө тухай мэдээг нэвтрүүлэх байсан уу? Хувийн, арилжааны ТВ бол хамаа алга, олон нийтийн гээд байгаа ТВ шдэ. Хувийн компаниудад 20:15-с хойших 20:35 хүртэлх Цагийн хүрдийн минутаа зардаг чинь нууц биш биз дээ? Бүх л ТББ, хувь компаниуд танай ханшийг мэддэг шдэ @gerelgankhuyag1 дарга аа. Та нар Японы NHK шиг яг утгаараа олон нийтийн ТВ болоод, контент, нэвтрүүлгийн бодлого чинь яг төвийг сахисан, олон нийтэд чиглэсэн шинжтэй ажилладаг бол хамаа алга аа, хураамжаа 2-3 дахин нэмсэн ч болно. Аа тэгэхгүй, эрх баригч намын дуу хоолой хийж, хэдэн зуун хоолны сав тэжээх мөнгөө бид нараас нэмж нэхнэ гэвэл зүгээр л май шүү. Би 1000 төгрөгийг ч хөлсөө дуслуулж олдог хүн.