من المواقع القديمة إلى بداية تويتر 2012 وهم يسبون بالمرأة ويقارنونها بالأجنبية اللي تقود طيارات ويستخدمونها كأنها دليل على نقص المرأة السعودية وتخلفها وهذا غير التهكم على شكلها وسمنتها والتقليل من عقلها وقدراتها وكأن السعودي كان يحاول يثبت تفوقه عليها بكل طريقة ممكنة مع إن النساء كانوا حبيسات ما عندهم أي متنفس ولا يملكون حتى مساحة يعبرون فيها عن أنفسهم ولا يعرفون أي شكل من أشكال النضال أو المطالبة بحقوقهم لأنهم ببساطة تربوا في بيئة تقمعهم وتخوفهم وتخلي أبسط حقوقهم وكأنها جريمة حرفياً تم تجهيلها وبنفس الوقت تم قمعها والسيطرة عليها والتقليل منها ثم يرجع نفس المجتمع يستغرب ليش طلعت نسويات غاضبات وثوريات وليش فيه نساء صاروا يرفضون كل شيء انفرض عليهم وكأنهم هم اللي بدأوا المشكلة من الأساس المشكلة إن كثير من السعوديين يبون المرأة تظل ساكتة ومطيعة ومهمشة وإذا تكلمت عن الظلم اللي تعرضت له قلبوا عليها وبدؤوا يتهمونها بالكراهية والتخريب وكأنهم نسوا كل السنوات اللي كانوا فيها يسخرون منها ويهينونها ويشككون في قدراتها ويحاربون أي محاولة منها إنها تطالب بحقها وبدل ما يعترفون بدورهم في صناعة هذا الخراب يطالبون المرأة تتحمل حتى مسؤولية رد فعلها على القمع اللي عاشته ويبونها تتسامح وتنسى وكأن اللي صار لها شيء عادي والحقيقة اللي لازم تنقال إنك أنت يالسعودي بسبب أفعالك وخطابك واستهزائك وقمعك ومحاولاتك المستمرة لتصغير المرأة أنت ساهمت في خلق هالكراهية بيدك فلا تجي اليوم تستغرب من نساء غاضبات وأنت قضيت سنوات تعطيهم كل الأسباب اللي تخليهم يوصلون لهالمرحلة. #٢٠٣٠_بلا_نقاب26