PK Geopolitics

இதைவிட கோழைத்தனமான செயல் வேறெதுவுமில்லை. தவெக அரசிடம் கொள்கைத்தெளிவும், மாநில நலனும் சார்ந்த பார்வையென எதுவுமில்லை என்பதை இந்த அறிவிப்பு வெளிப்படுத்துகிறது. திராவிடம், தமிழ்த்தேசியம் என்பது எமது கொள்கைகள் எனச் சொன்ன முதல்வர் விஜய், இந்த இரு கொள்கைகளின் அடித்தளத்தை தகர்க்கிறவகையில், ஒன்றிய அரசின் அதிகார அத்துமீறல்களுக்கான காரணங்களை ஆய்வு செய்யும் குழுவை ஏன் ரத்து செய்கிறார்? இதைவிட மேலதிகமாக ஆய்வு செய்யும் குழுவை நியமணம் செய்யப் போகிறாரா அல்லது பாஜக-மோடி அரசு விரும்புகிறதை போல ஒன்றிய அரசுக்கு அடிபணிந்து அடிமையாய் தமிழ்நாடு இருப்பதை விரும்புகிறாரா? எது உங்கள் கட்சியின் இலக்கு? எது உங்கள் ஆட்சியின் நோக்கம்? மாநில-ஒன்றிய உறவுகள் சமமற்றவையாக, மாநிலத்தை வஞ்சிப்பவையாக இருப்பதாலேயே தமிழ்நாட்டின் வளர்ச்சி முடக்கப்படுகிறது. இதுதான் தமிழ்நாடு எதிர்கொள்ளும் நெருக்கடிகளின் அடித்தளம். ஒன்றிய அரசு அராஜகமாக மாநிலங்களின் உரிமைகளை ஆக்கிரமித்துள்ளது. இதனாலேயே கச்சத்தீவு இழப்பு, இந்தி திணிப்பு, கல்வி தலையீடு, கனிம சுரண்டல், வரி சுரண்டல் என பலவற்றை இந்திய ஒன்றியம் தமிழர்களை வஞ்சிக்கிறது. இந்த சிக்கல்களுக்கு முடிவு கட்டவேண்டுமெனில், ஒன்றிய அரசிடம் குவிக்கப்படும் அதிகாரங்களின் பட்டியலை குறித்து ஆய்வு செய்து அம்பலப்படுத்த வேண்டும். இந்த ஆய்வுகளின் அடிப்படையில் பிற மாநிலங்களில் விழிப்புணர்வு ஏற்படுத்தி ஆதரவை திரட்ட வேண்டும். இந்நிலை மாறுவதற்கான அரசியல் சாசன மாற்றங்களை பாராளுமன்றத்தில் கொண்டு வரவேண்டும். இதன் மூலமாக, மாவட்டங்களை போன்ற அதிகாரமற்றவைகளாக மாநிலங்களை மாற்றும் ஆர்.எஸ்.எஸ் திட்டத்தை எதிர்கொள்ள இயலும். திமுக ஆட்சியில் முன்னாள் முதல்வர் கொண்டுவந்த இந்த ஆய்வுக்குழு, இந்தியாவிலேயே முதன்மையனதாக, அனைத்து மாநிலங்களுக்கும் வழிகாட்டுதல் தரக்கூடியதாக அமைக்கப்பட்ட சிந்தனையாளர்களை கொண்ட குழுவே ' மாநில-ஒன்றிய' அரசுகளுக்கிடையேயான உறவு குறித்து ஆய்வு செய்யும் நீதியரசர் 'குரியன் ஜோசப்' ஆய்வுக்குழு. இக்குழுவில் அங்கம் பெற்றுள்ளவர்கள் புகழ்பெற்ற துறைசார்ந்த வல்லுனர்கள் மற்றும் ஆய்வாளர்கள். இதுபோன்ற ஒரு குழுவை இந்தியாவின் எந்த மாநிலமும் உருவாக்கியதில்லை. தனித்துவமான இக்குழுவை பாஜக-ஆர்.எஸ்.எஸ் விருப்பப்படி கலைத்துள்ளதாகவே தவெக அரசின் மீது நாம் குற்றச்சாட்டை வைக்க இயலும். ஏனெனில், இக்குழுவை கடுமையாக எதிர்த்த ஒரே கூட்டம் 'இந்துத்துவ தீவிரவாதிகள்' கூட்டம் மட்டுமே. இக்குழுவை கலைப்பதற்கான எவ்விதமான யோக்கியமான விளக்கத்தையும் தவெக அரசு கொடுத்துவிட இயலாது. 'மாநில உரிமைகள்' குறித்த அரிச்சுவடி அறியாதவர்களே இக்குழுவை கலைக்க ஒத்துக்கொள்வார்கள். தவெக அரசு செய்த மிகப்பெரும் அரசியல் தவறுகளில் இது மிகமோசமானது, ஒட்டுமொத்த தமிழினமும் கண்டிக்க முன்வர வேண்டும். ஏனெனில் இக்குழு என்பது 'தமிழ்நாட்டின் அடையாளம், தமிழர்களின் சுயமரியாதை'. இந்திய சனநாயகத்திற்கு தமிழ்நாடும், திராவிடமும் அளித்த சிந்தனைக் கொடை ' மாநில உரிமை' எனும் முழக்கம். இந்த முழக்கத்தை முடக்கி இருக்கிறது தவெக அரசு. இதை எவ்வகையிலும் நாம் ஏற்க இயலாது. தவெக அரசின் இந்த முடிவை மே பதினேழு இயக்கம் வன்மையாகக் கண்டிக்கிறது. முதல்வர் ஜோசப் விஜய் அவர்கள் இம்முடிவை கைவிட்டு உடனடியாக இக்குழுவை மீண்டும் நியமனம் செய்திடவேண்டும். இல்லையெனில், இம்முடிவு என்பது, ஆர்.எஸ்.எஸ்-பாஜக கும்பலுக்கு அஞ்சி எடுக்கப்பட்ட முடிவாகவே வரலாறு பதிவு செய்யும்.

தீபாவளி செய்திகள்.. மாட்டுக்கறியில் மூளை வளர்ச்சிக்குப் பயன்படும் 'ச்சோலின்' எனும் சத்து இருப்பதால், மாட்டுக்கறியை தொடுவதில்லை எனும் வைராக்கியத்தோடு, ஏற்றுமதி செய்துவிடுகிறார்கள். மூளை வளர்ச்சியைவிட, வியாபரம் முக்கியம் என்பதே சங்கிகளின் கொள்கை. இந்தியாவிலேயே அதிகம் மாட்டிறைச்சி ஏற்றுமதி செய்யும் மாநிலமாக வளர்ந்துள்ள சங்கிகளின் மாநிலத்திற்கு வாழ்த்துகள். ** Choline is an essential water-soluble nutrient (often grouped with the B-complex vitamins) that plays a vital role in brain development, nerve signaling, liver function, and cell membrane structure

மாணவன் அகிலனுக்கு நீதிகேட்டு சென்னையில் மே17 இயக்கத்தின் மறியல் போராட்டம்... தோழமை இயக்கங்கள் பங்கேற்றனர்.. தோழர்கள் பிரவீன்குமார், கொண்டல்சாமி, கீதா இசைமொழி உள்ளிட்ட தோழமைகள் கைது.. @may17iyakkam @kondalthil24091

'மோடிக்கு கருப்பு கொடி' தேர்தல் முறைகேடு, நீட் தேர்வு-இந்தி திணிப்பு, மதுரை-கோவை மெட்ரோ மறுப்பு ஆகியவற்றை கண்டித்து, ஆர்ப்பாட்டம். அக்-11. காலை 10:00. பெரியார் சிலை, தி.நகர், சென்னை. #GoBackModi

அண்ணாமலையினை ப்ரோமோட் செய்ய வேண்டிய தேவை ஜூனியர் விகடனுக்கு எங்கிருந்து வருகிறது? விகடன் குழுமத்தால் தமிழ்நாட்டிற்கும், தமிழக மக்களுக்கும் அண்ணாமலையின் பங்களிப்பு என எதை பட்டியலிட இயலும் ? மைக்கேல்பட்டி மாணவி மரணத்தை மிகக்கேவலமான மதஅரசியலாக மாற்றிய அண்ணாமலையின் கலவர அரசியலை எவ்வாறு ஜூனியர் விகடனால் மறக்க இயலுகிறது? பாஜகவின் தலைவராக அண்ணாமலை வலம் வந்த காலகட்டத்தில் அவரால் தமிழ்நாட்டிற்கு ஏதேனும் உரிமையை பெற்றுத்தர விரும்பியதில்லை. ".. எத்தனை பேர் செத்தாலும் நீட் தேர்வு ரத்தாகாது.." என திமிருடன் பேசியவர் அண்ணாமலை. இன்றுவரை கிட்டதட்ட 25க்கும் அதிகமான மாணவச் செல்வங்களை நீட்டுக்கு பலி கொடுத்துள்ளோம். அண்ணாமலையின் சொந்தப்பகுதியான கொங்கு மண்டலத்தில் பருத்திவிலை, நூல்விலை ஆகியவை பலமடங்கு உயர்வதற்கு பாஜகவின் குஜராத், மராத்திய அரசுகளோடு சேர்ந்து கொண்டு மோடி அரசு இயங்கியதால் பலர் வேலையிழந்தார்கள், பல திருப்பூர் நூலாடை கம்பெனிகள் முடங்கின. அண்ணாமலை அச்சமயத்தில் தமிழ்நாட்டு பாஜகவின் தலைவராக இருந்த போதிலும் வாய் திறக்கவில்லை. ஈரோட்டில் தோல் தொழில்களை தனது வணிக கொள்கைகள் மூலம் பாஜக முடக்கியது. கொங்கு மண்டலத்தில் மஞ்சள் சந்தையை வடநாட்டு வணிகர்கள் கட்டுப்படுத்தியதால் மஞ்சள் விவசாயிகள் பாதிக்கப்பட்டனர். இவையனைத்தும் அண்ணாமலை தலைவராக இருந்த காலகட்டத்தில் நடந்தவை. இவர் பாஜகவின் தலைவராக இருந்த சமயத்தில் இராமேஸ்வரத்தில் இரண்டு மீனவர்கள், கோட்டைப்பட்டிபத்தில் ஒரு மீனவர் இலங்கை அரசால் கொல்லப்பட்டனர். எதற்கும் வாய் திறக்கவில்லை, தனது தலைவனான மோடியை சந்தித்து தமிழக மீனவர் துயரை எடுத்துச் சொல்லி தீர்வு காண எள்முனையளவு முனையவில்லை அண்ணாமலை. அண்ணாமலை மீதான ஊழல் குற்றச்சாட்டுகள், சொத்து சேர்த்த குற்றச்சாட்டுகள் என ஏராளம் பட்டியலிடப்பட்டன. இதை அம்பலப்படுத்தியவர்கள் திராவிட இயக்கத்தவரல்ல, மாறாக, அண்ணாமலையின் ஊழலை வெளிக்கொண்டு வந்தவர்கள் ஆர்.எஸ்.எஸ் காரர்கள். சொந்த கட்சிக்காரனே அண்ணாமலையை அம்பலப்படுத்திய பின்னரும், அண்ணாமலை இதுவரை குற்றச்சாட்டுகளுக்கு மறுப்போ, பதில் அளிக்கவில்லை. பல நூறு கோடி ரூபாய்களுக்கான சொத்துகளை வாரிக்குவித்ததாக ஆர்.எஸ்.எஸ்சின் தீவிர தலைவரான கல்யாணராமன் ட்விட்டரில் பட்டியலை வெளியிட்டது குறித்து இதுவரை எவ்வித பதில், அல்லது குறைந்தபட்ச 'அவதூறு வழக்கோ' கூட அண்ணாமலை தரபு பதியவில்லை.. இதற்கு நடுவில் 2 லட்சம் வழக்குகளை பதிந்தேன், 20,000 புத்தகம் படித்தேன் எனும் அண்ணாமலையின் வாயில் இருந்து வந்த பொய்கணக்குகள் ஏராளம் கார்ப்பரேட் பப்ளிக் ரிலேசன் கம்பெனிகளின் வணிகத்திற்கு விகடன் குழுமம் ஒத்துழைக்க ஆரம்பிகிறதா? ஒரு பக்க கட்டுரை கூட எழுத இயலாத நபர்களின் பெயரில், வாடகைக்கு எழுதித்தரும் கண்டண்ட்-சிண்டிகேட் கம்பெனிகள் ஏராளம் சென்னையில் உள்ளன. இவைகளே ஜக்கி வாசுதேவ், நித்தியானந்தா போன்ற நபர்களின் பெயரில் பக்கம்பக்கமாய் கட்டுரைகளை, கருத்துகளை எழுதித்தருகின்றன. இதுபோன்ற ஒரு நிறுவனத்திடம், ஒப்பந்தம் செய்து எழுதித்தரும் கட்டுரைகளை தொடர்களாக வெளியிடுவதால் யாருக்கு நன்மை விளையப்போகிறது? அண்ணாமலையின் கட்டுரை தொடரும் இதற்கு விதிவிலக்கல்ல... இப்படிப்பட்ட ஒரு ஆர்.எஸ்.எஸ் மதவெறி பித்தலாட்டக்காரரை தமிழ்நாட்டிற்குள்ளாக ' சாமானியனின் அறச்சீற்றம்' என தங்கமூலாம் பூசி ஒரு 'தகரடப்பாவை' எதற்காக ஜூனியர் விகடன் விற்க முயலுகிறது?.