الكاتبة غيوض

احذر؛ فإن الشريف إذا أُريدت إهانته، رفض الذل واشتعل غضباً وأنفة. هدوء الشجاع ليس عجزاً، وسكونه المؤقت لا يمنعه من أن يفتك بك. وختاماً .. أُحذرك من شدة فتك سهامي، إذا أطلقتها لتجلب لك الهلاك. ☢️

#حتى_حين حلو بصوتها ☺️ 👋

محتاجة أغيب بجد هالفترة… هالسنة زاد كل شي عن حدّه. تكتبين كلمة تنفهم بصيغة ثانية، تحطّين مقطع يقولون قلبها عاشق، تمزحين يصنّفونك على مزحة. ومع الوقت تحسين إن حتى أبسط تحرّكاتك صارت تحت المراقبة. حتى الفرحة اللي تصنّعتها حزنت… والنوم يبعد عني ساعات، ويداهمني القلق. وما يدرون إن كثير منّا يجي هنا عشان يسمع ما يسرّه، ويقرأ ما يسرّه، ويضحك شوي. وحتى لو كان هالعالم افتراضي، التعب اللي آخذه معي بعد ما أقفل الجوال أحسّه في ليلتي. وعشان كذا محتاجة أغيب شوي، وأرجع لعالمي الخاص… اللي ما يعرف تفاصيله أحد غيري.

كنت أقول إن المستحيل في الحب… مستحيل يكون مستحيل. لين عرفت وش يعني تكسرين المستحيل وتهوّنين كل صعب عشان شخص، وبعدها تكتشفين إنك خسرِتِ نفسك. ومحدٍ يكسب شي بعد خسارة نفسه… بس تعلّمنا كثير.

كنت أقول إن اللي يحب ما يشوف أحد غير حبيبه، وإنه ما يحسّ بوجوده إلا فيه. وكنت إذا قالوا لي «مستحيل»، أقول في خاطري: مستحيل يكون فيه مستحيل دام القلب يحب. واليوم، أسمع نفس الأغاني وأردّدها من قلبي… بس إذا وصلت عند المستحيل، أخلّيه في مكانه. محدٍ يستاهل أكسره عشانه

صدّقت كثير من الأغاني والقصايد… وصدّقت إن الحب فعلًا موجود، وإن فيه قلوب إذا حبّت، تحب بكل ما فيها.

ما بعد الأب أب بصراحه …. لو تحفرين الأرض حفر

…

بعض المساحات تخلّيك تعيد النظر في أشياء كنت تحسبها محسومة… تسمع آراء تتفق معها وآراء تختلف معها، وتلقى إن حتى اللي تختلف معه ممكن تتفقون على شيء واحد… إن لكل شخص رأيه، وإن الحكم الواحد مكانه في الثوابت، وما سواها فيه سعة للاختلاف. تصبحون على خير 🌙

السكوت غير الصمت… أحيانًا أصمت لأني مرتاحة، وأحيانًا أسكت وأنا سامعة كل كلمة. أتضايق، وأتحمّل، وأقول تعدّي… وتعدّي عندكم، وتبقى فيني. فلا تأمنون سكوت أحد، ترى حتى هو يتعب من نفسه من كثر ما يقول لها: تحمّلي شوي.

حروب نكررها و ماعاد بقى من العمر شي !!

توقفت كل أحلامي عند أبوي وراحت .. ماعاد شفنا بعدها ولا خير … ولا اي إنجاز غير كن كل شي حولك يهدمك بس …

مبروك لشبح بيشه …. بعد ما خلاص فرغت كل للي بقلبي وانفجرت … !!

يا كثر ما ضيّعت من عمري في بكاء وهمّ وتعب، كأن هالسنين انخلقت عشان أقضيها كلّها بالحزن… وكنت أحسب إني إذا سافرت وبَعَدت بحسّ بالحرية. لين فهمت إنّي أقدر أحسّ فيها وأنا في مكاني، يوم أخلّي قلبي حرّ وأسمح له يعيش.

2: pm

👋