محبة البل سابحه فالشراين
عشاقت ياحيها من عشاقه
ليا جيتها والخاطر معومس وشين
والهم في قلبي مضيق خناقه
قامت تلاقاني من يسار ويمين
كنها تقدم لي من الورد باقه
سهف البكار مقوسات العرانين
مرق الغوارب والرقاب الرقاقه
-عبدالعزيز الوذيناني
مدلهم السحاب اللي ( تسبح بروقه)
جعل وبله ما يخطي خد نجد العذيه
ياخذ اسبوع واكثر ما توقف حقوقه
غر مزنه .. حديث النشره العالميه
ما يجنب مطره اديّر ( برقا و روقه )
اوله ف الوشم و اما اخره ف الحويه
العتيبي هماليل الرفايا تشوقه
وده الارض لون الرايه الفيصليه
انا ماعرف اصير زي ابو وجهين
وادس راسي مثل راس النعامه
اذني ماهي صقها ودمي ماهو طين
ولا في لساني ف المواقف طرامه
باروبي اصحاب الرخا المستغلين
مير الوعد معهم نهار القيامه
سعود الشطيطي
مساء الخير اما بعد :
مانحب الكفوف ولا نحب الكتوف
وماسجدنا لغير اللّٰه عزا وجل
لو زمنا علينا قاسي ومايرووف
ما نذل النفوس إلين ياتي الأجل
منهج كرامتنا على العزّ ما مات
نموت لاجل نصونها ما ارتخينا
من طيبنا نرقى بروس الطويلات
ولا ننشد اللي قال وش قال فينا
«دونها شعب يصد الجموع الصايلات »
من نواله بالهزيمة يذل ويهزمي
شعب بيعه قاطع له عهود ماضيات
النصير المنتصّر بالإله الأعظمي
المعادن طيّبه والمذاهب طيّبات
والعوايد ماتحرّف بشخطة مرسميّ
تسجيل دخوووول 😎😎
تكبر طموحاتي بعد كل مشروع
من طيب هقواتي ومن طيب ساسي
المشكلة ماهيب في حبة الكوع
المشكلة ويش لون بحب راسي
- عناد الشيباني.
