نروي الماضي... لنفهم الحاضر... ونستلهم المستقبل
Joined August 2012
- Tweets172K
- Following13.2K
- Followers51.7K
- Likes261K
«اتجوزت وأنا لسه طفلة… وطلقت وأنا ستّة وثلاثين سنة ومش عارفة إيه معنى الحب أصلاً.»
أنا مطلّقة، عمري 38 سنة. اتجوزت وأنا 16 سنة من راجل حوّل حياتي لسجن طويل. ماعرفتش يعني إيه عيد، ولا لمّة رمضان، ولا حتى إجازة يوم جمعة. كل يوم كان إهانة وسب في أهلي، وكل حياته كانت شرّ وبُعد عنّي وعن أولاده. أنا اللي كنت الراجل والست في البيت، وأهله هم اللي كانوا بيصرفوا علينا، وهو عايز حقوقه كاملة ومايعرفش حاجة عن حقوقي.
شبابي كله في الجفاء، لحد ما السنة اللي فاتت مقدرتش أكمل… وصلت لدرجة فكرت فيها في حاجة ربنا لا يكتبها على حد. ربنا أكرمني وطلقت، بس أولادي (19 و15 و5 سنين) رفض أبوهم يسيبهم يعيشوا معايا، ورافض حتى يبعتهم يشوفوني، وبيشتمني قدامهم لحد دلوقتي. أنا معاهم بالتليفون طول الوقت، بس قلبي موجوع على بعدهم.
دلوقتي اتقدّم لي شاب عمره 30 سنة (أصغر مني بـ8 سنين)، كان متجوز ومخلفش، وبيحبني حب حقيقي. أي حد بيشوفني مش بيديني أكتر من 28 سنة، وحاسّة إنه عوض ربنا لي. بس خايفة أوي… خايفة أولادي يقاطعوني، وخايفة أبوهم يستغل الموضوع ويقولهم «أمكم باعتكم واتجوزت».
أنا عمري ما حسيت بالأمان ولا عرفت يعني إيه حب. كل حياتي كانت جفاء. مش عارفة آخد قرار. هل جوازي من الشخص ده فيه ظلم لحد؟ خاصة إن سنه أصغر مني، وهو مش فارق معاه خالص وعايز يكمل حياته معايا؟
قولوا لي رأيكم بصراحة…
السلام عليكم انا صحيت بنتى عشان تروح الجامعه ولبست وهى نازله على السلالم قابلت عمها شدها من هد ومها ومسكها من دراعها وقالها تعالى ومدهاش فرصه تتكلم وخبط على الباب اتخضيت طلعت لقيت بنتى معاه وبتعيط
استنيت لما اتأكدت أنه جه وطلعت قولتله الشقه والبيت مش ملكك انت قاعد فيه زينا وبنتى محترمه ولو ايدك لمستها هعمل فيك محضر تحر..ش ونزلت شقتى المشكله بقي مش في كل ده مشكلتي دلوقتى أنه بعتلى صور لبنتى ورسائل بينها وبين شباب مبعوتاله وده السبب انه عمل كده معاها وانا مش عارفه اعمل ايه
السلام عليكم
ياجماعة انا راجل كنت متزوج ومحصلش نصيب وتم الطلاق من ام ابني وابني معاها وربنا يسهلها
عديت فترة حوالي4سنين وحاليا اتجوزت تاني
اخدت واحده مطلقه ومعاها طفل 5سنين
هي من الصعيد الأرياف وانا شغال مندوب توصيل وشغلي في القاهره للعلم انا عندي 28سنه واتفقت معايا على ...
انا خسرت كل فلوسي ومش عارف اعمل اي او اتصرف ازاي
وهي مفيش اهتمام حتي ل1%
وابنها صبح وليل لازق فيناا ومدلع بزياده ومش بيسمع الكلام
ومش بيحترمني وحتي هي مش بيسمع كلامهاا
وحتي لو حصل علاقة الأزواج ابنها بيكون نايم جنبينا
وسمعتها قبل كده بتقول لامها القرض يخلص وانا هسيبه
من يوم ما لبست الدبلة حسيت إن باب اتقفل ورايا.
أنا شاب 26 سنة، متجوز من 5 شهور بس. أنا ومراتي بنحب بعض، متفاهمين، ومفيش بينا مشاكل تقريبًا. الحمد لله على كده.
بس فيه إحساس بدأ ياكل فيا من جوة:
الجواز خلاني أحس إن حياتي كلها اتقفلت على شخص واحد. قبل الجواز كان عندي صحاب بنات، بنتكلم ونتقابل ونتعامل عادي. بعد ما عرفوا إني اتجوزت،
أغلبهم ...
هل الجواز فعلًا معناه إن الراجل يد فن حياته القديمة ويقطع كل علاقاته بالنساء تمامًا؟ ولا الطبيعي إن يبقى عنده حياة اجتماعية ومعارف عاديين من الجنسين؟
وعلشان الزوجات اللي هتقرأ:
لو عرفتي إن جوزك محتاج يتكلم ويتعامل مع بنات تانيين لمجرد إنه حاسس إن الجواز حبسه في شخص واحد… هتشوفي ده حق طبيعي؟ ولا قلة احترام وخيانه؟