Pétur Jónsson

Má maður senda óumbeðnar matarklámmyndir á vini sína?

❤️

Stundum er bara mjöööög gott að vera ég.

Klukkan 06:10 í morgun var annaðhvort verið að sprengja einhvern grunn í Vesturbænum, eða skipstjóri skemmtiferðaskips lá drukkinn á flautunni. Hvort sem heldur er, bið ég ykkur um a færa mér höfuð hins ábyrga á fati. Ég er of þreyttur til að ná í það sjálfur.

Sumarnámskeið Dale Carnegie eru eflaust frábær, en óbeislaðir fordómar mínir gera það að verkum að ég sé bara fyrir mér einbeitt og snyrtileg börn endurtaka ítrekað nafn allra sem þau ávarpa og halda höndunum fyrir framan sig um leið og þau tala hátt, hægt og skýrt.

Sunnudagur

'Heyriði, svo þurfum við að finna tökustað fyrir Hades. Er einhver með hugmynd af því hvað gæti verið líkast helvíti, helst þar sem eru einhverjar endurgreiðslur í boði?' Christopher Nolan: 'Hold my Kókómjólk....'

Úranauðgun er ekki aaaaalveg nógu gott orð.

Hálfsýnilegt herskip í þokunni á Faxaflóa var að gefa smá svona dystópíska tilfinningu, þangað til að ég frétti að skipið héti Juan Carlos, þá varð það strax miklu vinalegra og hressara.

Það er eitthvað gríðarlega fallegt við að búa í landi hvar harðasti svikahrappurinn svíkur til sín úlpur og samlokugrill.

Þegar veðrið er svona, langar mig að brýna fyrir ykkur að bera á ykkur súldarvörn og drekka alls ekki of mikið af vatni.

Byltingin mun sennilega hefjast á því að við tortímum glaðhlakkalegum spjallmennum sem gera ekkert gagn og espa bara fíntaugakerfi okkar. Grímuklætt fólk mun brjótast inn í gagnaver vopnað saltvatni og litlum skrúfjárnum í skjóli nætur.

PSA: Ghibli aðdáendur gleðjist, því Joe Hisaishi verður í Hörpu með sinfó í apríl. Sjaldan keypt miða eins hratt.

Góóður dagur til að grilla að kóreskum hætti.

Af hljóðunum úr stofunni að dæma leyfi ég mér að álykta að Svíum gangi ekkert sérstaklega vel í baráttunni við Hollendinga.