ياصاح انا قلبي من الحب مجروح
جرح عطيب ما لقى له مداوي
لو ينشرى قربك شريناه بالروح
مير البلا شوفه غدى به هقاوي
اهل دمعٍ فوق الأوجان مسفوح
على الذي ماهوب للغدر ناوي
يارفيقي لا يضيع الحق دوبك دوبك
حاول انك ماتقاطع كلمة المتكلّم
إن بغيت أعلمك وأعدّل من أسلوبك
مايفيد العلم في قلبٍ ماهو متعلّم
الآوادم ذنبها ماهوب مثل ذنوبك
والمواقف ضربها فالناس ضرب معلّم
والسوالف ماهي بصوبي ولا هي صوبك
كيف رديت السلام لواحدٍ ما سلّم
لا صرت بايعني اشوفك على خير
مع السلامه دام ما به سلامه
قلت : انتهينا قلت لك : خير يا طير
ماني باول شخص يخسر غرامه
محذرك من قبلها الف تحذير
لا عفتني بيعيف قلبي هيامه
مانيب ميّت لا ولا احتاج تبرير
صح الله لسانك ووفر كلامه
مخافة الخالق : معزّه ونوماس
ومكارم اخلاق .. ونقاوه .. وملّه
ومخافة العالم : نقيصه ووسواس
ودناءة اخلاق .. وجهاله .. وذلّه
النار والجنه هي ادقّ .. مقياس
على مراحل عمر الانسان .. كلّه
احزن على فئه كثيره من .. الناس :
خافت من الناس وماخافت من الله
تحسب إنا نجهل اللي يجي بين السطوّر
و تحسب إنا مَا نعرف الخباثة و المكر
لانوينا ما نحسّب لعاقبة الأمور
عندنا الجو الرومنسي هو الجوَ العكر
يوّم فينا عنجهية ، و طغيان ، و غرور
و يوم فينا من تواضع عمَر ، و أبو بكر
أيّامنا ماهي بماضي و تذكار
عشان تكفيني معك ذكرياتي
ما شفتها في يوم صوره و إيطار
دعوه وعيّت لا تفارق شفاتي
عليك قلبي عايش بنفس الاصرار
أكثر من اصراره على أُمنياتي
محبّتك تبقى رغم كل ما صار
من أجمل اقدار العُمر في حياتي
هذا أنت ياصيفٍ جذبني سحابه
أغلى الليالي يوم اشوفك مسيّر
لو إنك اول من يعجّل زهابه
ويروح مرواح العجول المطيّر
عذرك معك.. مانيب محتاج إجابه
وإن خيّرك فيني الزمن لا تخيّر
انا اللي آسف واعتذر بالنيابه
عن قلبي اللي مستحيل يتغيّر
لو إني أشكي على الأيام بعض الأمور
تزيد ساعاتها ... ويبان تقصيرها
لكن ربي خلق لي صدر غير الصدور
يقدر على شيلة الارض بحذافيرها
هبو على طايح اللقمة وحب الظهور
وخلولي الصورة الأولى .. وتصويرها
أنا ومن بعدي .. الدنيا تلف وتدور
وفِالناس تقديمها وفِالناس تاخيرها
- سعد علوش