Daamii

@ErNhij80000 @Etsa_eskh7 олж торгох хэрэгтэй

Булгаковын Нохойн зүрх зохиолоор хийсэн киног хуучны хүмүүс санадаг л бх. Харин шинэ үеийнхэн энэ зохиолыг мэдэхгүй. Москвагийн нэгэн бохир гудамжны хоолны газрын үүдээр өлсгөлөн золбин нохой хоол горьдон эргэлдсээр тогооч эзний уурыг барна. Тэрээр хараал урсган тогоонд буцалж буй пургисан халуун усыг золбин нохой руу цацаж, шалзалж хаяна. Түлэгдлийн шархаа даахгүй болсон нохой гудамжны буланд үхлээ хүлээн хэвтэнэ. Гэнэт гудамжаар яваа нэгэн хижээл эр үхэж буй нохойг харж өрөвдөөд гэртээ авчирна. Тэр бол алдарт мэс заслын профессор эмч Филлип Филлипович Преображенский блаа. Профессор өөрийн туслах эмч болон гэрийн үйлчлэгчийн хамт өрөвдөлтэй энэ амьтаныг өдөр шөнөгүй сахин, эмчилсээр амийг нь аварна. Үүнээс хойш золбин нохой алдарт эмчийн гэрийн хүндтэй гишүүн болж Шарик хэмээх нэр авч, эмчийн тансаг 7 өрөө байранд 2 жил хамтдаа амьдарч блаа. Эмч түүнд үг үсэг ялгах зэргээр хүнтэй ярихаас л бусдыг сургаж, тэрээр ч сургуультай сайн нохой болж, хүн бүр энхрийлэн хайрлаж блаа. Профессор хүний эд, эрхтэн шилжүүлэн суулгах, залуужуулах олон жилийн туршлагатай эмч. Гэтэл нэг шөнө түүнд гудамжны архичин Клим Чугункиныг яаралтай авчрав. Тэрээ ээлжит архидалтаараа согтуурч, зодоон нүдээн ороод хүнд шархадсанаас болж үхсэн бв. Профессор түүний хөрөөгүй цогцосонд хайртай нохойныхоо зүрхийг шилжүүлэн суулгажээ. Ингээд урт хугацаанд асран эмчилсээр Чугункин амь орсон ч хүн биетэй нохойн авиртай бүтээл болов. Профессор түүнийг 2 хөл дээрээ явахаас эхлээд, хэлд ортол нь дахин бүгдийг зааж, бодож сэтгэх, унших бичихийг хүртэл сургав. Ингээд шинээр төрсөн түүнд Полиграф Полиграфович Шариков хэмээх алдар хайрлалаа. Харамсалтай нь Полиграф нохой зангаа хаяж чадахааргүй хүн болжээ. Түүнийг хайрлаж босгосон хүмүүст бүдүүлэг харгис, ёс зүйгүй хандаж, яаж ч соёл сургасан хоолоо гахай нохой шиг идэж, хивсэн дээр шүлсээ хаян, өөрийг нь хооллож, асарч бсан гэрийн тогооч, үйлчлэгч авгай нарыг боргон, хүчиндэх гэж оролдоно. Тэр бүү хэл профессортой ч хүндэтгэлгүй, энэ зэрэгцэн харилцаж эхлэв. Профессорын амьдарч бсан элит байрыг хувьсгалч, пролетарчууд эзэлж, нэг давхарыг нь тэр чигт нь хувьсгалын үйл хэрэгт ашиглаж бв. Тус штабын Швондер гэгч, пролетарын үзэл суртлаар өвчилсөн, дөвчигнүүр нэгэн эр өөрийгөө байрны коммендантаар томилж оршин суугчдад суртал ухуулга хийж, хүн бүрийг загнаж зандчин, шалгалт үзлэг, байцаалт, мөрдөлт явуулна. Полиграф тэрхүү Швондер гээчийг шүтнэ. Түүн шиг болохыг мөрөөднө. Савхин хүрэм өмсч, амьтан хүнд зандчиж, эрх мэдэл авахыг хүснэ. Байнга пролетар хувьсгалын магт лоозон уншиж, урвагч дайснуудыг илрүүлж, хатуу цээрлэл оноохыг чангаар сурталдана. Түүний солиорол, эзэрхийлэл хэрээс хэтэрч байрыг нь булаацалдаж, гудамжнаас олж ирсэн шинэ найз хүүхэнтэйгээ хамт амьдрах байр, амьдралын зардал гаргаж өгөхийг шаардах болов. Эцэс сүүлд нь Профессорыг баривчлуулах матаас бичиж, шоронд суулгахыг оролдов. Профессорын эцсийн тэвчээр тэвчээр тасарч Полиграфыг унтуулж бгаад буцаад нохой болгох мэс засалд оруулав. Профессорын гэрт сүүлээ шарвалзуулсан, сургуультай, дуулгавартай нохой эздийнхээ гарыг харан, пийшингийн буланд хэвтэнэ. Энэ зохиол тэр чигтээ манай Яармагийн золбин банхарын тухай зохиол юм. Ардчиллын буянаар хашаанаасаа гарч, эрх чөлөөтэй бизнесс эрхлэлж, бүрэн дүүрэн үнэт зүйлтэй хүн болж болох бсан ч заавал луйвар хулгай, дээрэм тонуулаар явсаар, эцэс сүүлд нь Путины барлаг болж түүнийг хайрласан бүхнийг Орост зарж, түүнтэй тэмцсэн болгоныг Орост матаж, эцэс сүүлд нь эх орон, ард түмнээрээ нохойн амиа арилжиж суугаа хогийн банхар. Түүнд итгэсэн, хайрласан болгоныг эргүүлээд тасар татан сүйтгэнэ. Түүнийг хүлээн авсан намаа нохойн хороо болгоно. Ардчиллын бүх л үр шимийг хүртэж, бүтэн ашиглачаад эцэст нь ардчиллыг боомилж устгахын төлөө энэ насаа зориулна. Оросууд түүнд нэг удаа титэм зүүлгэсэн ч эргүүлээд хатавчиндаа уясан даа. Тэрээр одоо эздийнхээ туу гэсэн рүү дайрч, барь гэснийг зуухаас өөр шидгүй дуулгавартай нохой. Нохойн зүрхтэй бол хааны титэм зүүгээд ч бөгсөө долоосон нохой хэвээр үлддэг @Uyanga_ts