أم بيلو

الليلة هي أول ليلة لي بشقتي لحالي رسمياً و الصراحة يوم جيتها كان الشعور كوول احسني راعية بيت خصوصاً يوم جاء الوالد بس يوم راح جاني شعور غريب أحس متى كبرت لهدرجة ما قد فكرت بيوم اني بسكن لحالي شلون يعني مافيه صوت غير صوتي شلون يعني اذا بتقهوى مع خواتي لازم أسافر لهم بي صيحة

فيه شايب لبناني يقولي نهارك سعيد يا قمر و ابتسم له لأنه شايب العصر دخل قسمنا يبي واحد معين وسألني قلت راح يصلي ورجعت اناظر لشاشة جهازي قال محلا هالعيون نيالو هالقسم اللي انتِ فيه ليتك معانا بالقسم بيكون الدوام أحلى بكتير مئابلك و Have nice weekend يا ئمر من الصدمة قلت امين وياك

مدير الـ HR ينزل حالات بالواتس كلها قصائد بدوية وطناخة وكرم وأثناء المفاوضات قالي انه هو ولد عمي فتخيلته بشكل معين بس يوم قابلته انصدمت كيوت كيوت كأنه بيضة كندر ويتكلم فرنسي والبنات يقولون يتكلم 7 لغات ماشاءالله أول مره أشوف انسان فعلاً شخصيته بالواقع تختلف عن المواقع بشكل جذري

موقف محرج الهندي يبي يعلمني على اختصار واسمعه يقولي D واحطه ولا ضبط معي قالي Bravo Bravo قلت Thanks ☺️☺️ وانا من داخل مستغربة يعني على وشو براڤو وهي ماضبطت وسكت شوي خلاني امبسط بالمدحة بعدين قال B from Baba بعدها استوعبت انه يقصد B from Bravo ليه فكرت انه يمدحني وش هالثققققة

دوامي القديم كلهم سعودين وسعوديات ومتوسط الاعمار ما بين ٢٦-٣٥ و الصبح ما أشم الا ريحة عود وقهوة سعودية دوامي الحالي مافيه الا انا سعودية الباقي اجانب وكلهم شيبان وبالقسم مافيه الا انا ووحدة تونسية بنات فقط الدوام القديم طفشانة الدوام الجديد طفشانة متى بفهم ان الشغل مو وناسة