بدا "ليل الشتا" يرسل مناديبه على الملهوف
هلا بـ أقسى مسايير . . السنة و أغلا مساييري
ٰ
أنا أدري ما وراك الا المتاعب والسهر والخوف
وحنينٍ يشعل أكوام الحطب في وسط تفكيري
ديرتك ماجادها الغيث يا بنت الغمام
جادها اللّه يوم سخّر نصيب أمك لأبوك
السماء قدام ما تعطي الأرض إهتمام
لين عمّت رحمة اللّٰه تعالى و أنجبوك
الجمال أختار مدهلك .. من بدّ الأنام
وأستقر بوجهك الطاهر السمح الضحوك
تهلَي في خطاويك النسايم و السحاب يهلّ
واغني لك بصوتي .. بين برّاقه و رّعاده
قلايد من عقود الياسمين ومن عقود الفلُ
لعنقك وانت عنقك يستحق اكثر من قلاده
شعورك بالزهر فايح و شعرك بالمطر مبتل
و وجهك عادته يفتن وانا مفتون كـ العاده
" من عذلني عنْك قلت الموت عنده جايز لي
وأن بغى قتلي طعنت الروح لين اشفي غليله "
- ناصر مناحي
ومن زاوية أخرى :
"لو قلت لي كان أجرح حالي بحالي
لا عاش قلب جزع وارتاع من جرحك"
- البدر
طويل البال ويدينك ملاذ ورمش عينك ظِلّ
سقى الله ضحكةٍ فيها ضحى عمري وميلادي
على الوادي يمر الغيم ويدين الجفاف تملّ
ياوجه الغيم وين الماء ضمى فغيابك الوادي
بلادي ماهي اللي وسطها عشت بنعيم وظِل
انا اشوف إن عيونك وجهتي .. ويدينك بلادي
نديمك يا نديمي مغريات العمر ما تغريه
سجينٍ يستلذ الموت .. بين أيدين سجانه
لقى فيك الشعور اللي كثر ما يضحكة يبكيه
ولقى فيك الرضا اللي بين .. محرابه وقرآنه
يحبك زاهدٍ من آمن بوجهك .. كفر بـ وجيه
ماتغريه الجواهر من سرق من عنقك الدانه
