أحب العلاقة اللي ما فيها أحد يحسب الحنية ضعف.
هو يدللها،
وهي تدلله.
هو يمدحها،
وهي تمدحه.
هو يحتويها إذا غارت أو زعلت،
وهي تحتويه إذا ضاق صدره.
ما بينهم حساب
مين يحب أكثر؟
لأن الاثنين يعرفون إن الحب
مو منافسة.
الحب إنك تعطي الشخص اللي تحبه
دفء يشبه الدفء اللي يعطيك إياه .
مَ ..
ودي تجيني في لحظة أكون فيها بكامل لهفتي عليك،
ما أبي وعود كثيرة،
بس أبي حنية ورغبة صادقة تخليني أرتاح وانا أتكلم.
أبي اقولك عن كيف انك صرتي جزء من تفكيري،
وعن كيف لما تتغيري نفسيتي ويومي
بمجرد ما أسمع صوتك.
لان فيه زعل وشوق صعب تنهيه الرسائل.
ما ينهيه إلا صوت الشخص اللي تشتاق له وتبيه،
وانا ابي ألقى نفسي بحضنك بين قلبك وصوتك.
ابي الشعور اللي كنت احبه
لما اسمع من صوتك كلمة " أبيك " .
مَ ..
2
19
604
لما ودك تنحب من شخص
ما يشوف بعيونه غيرك، ولا يفتح مكان بقلبه لاحد،
لان قلبه ملكك.
تلقى حنيته في افعاله وكلامه عليك لطيف،
ولهفته وشوقه ما تنتهي، ويحبك كل يوم اكثر من امس.
وإذا تضايقت يلاحظك، وإذا سكت ما يخليك
يحاول يعرف ليش ساكت،
وإذا زعلتم من بعض؟
ما يسمحلك تبعد ولا يسمح لنفسه يبعد عنك،
وينهي الزعل بنفس اللحظة لانه يبيك
وما يرضى على عيونك، لان حتى عيونك يحبها اضعاف،
يضمك بحنيته بكل تعب،
شخص لو صار خلاف بينكم؟
يبيك ويتمسك فيك،
تنحب منه بطريقة تخليك مطمن ان قلبك
عند شخص ما يبي يخسرك .
مَ ..
ابي اشوفك.
الاولى؟ وعد ما احفظها بس ارسلي.
والثانية؟ لو تحبيني وتثقين فيني كان ارسلتي.
ترى لك حق تقولين لا،
حتى للشخص اللي تحبينه أكثر من أي أحد.
واللي يحبك ما يخليك تتنازلين عن خصوصيتك
عشان تثبتين له مشاعرك ولا يضغط عليك إذا رفضتي
ولا يستغل تعلقك فيه ويهددك يبعد لان ما تثقين فيه،
حتى لو كنتي ميتة عليه؟
لا تحسبين حساب اللحظة، بس احسبي حساب
لو انتهت العلاقة وتغيرت مشاعره او صار بينكم زعل،
بتكونين مرتاحة ان عنده صور ومقاطع خاصة لك؟
تضمنين ما يجيك بعدين بوجهه الحقيقي؟
اذا شفتيه زعل عشان ما سويتي اللي يبغاه؟
حطي الطز بين عيونه.
انتي في غنى شخص ما يعلمك عن حبه إلا اذا شافك.
وعشان يعرف وتعرفين إنك شخص مختلف عنده .
مَ ..
2
34
1,103
الرسائل إللي أرسلناها وقلنا عليها بالغلط.
عُمرها ماكانت بالغلط ، كانت جس نبض ،
حتى جملة حبيت أطمن عليك؟
ما كان السؤال منها انه يعرف اخبارك،
كانت كُلها فيها سؤال "وينك عني"
أو مين اللي اخذ وقتك مني،
فيها اشتياق وحنين وزعل ومشاعر ملخبطة.
بس خوفي اني اخرج من محادثتك مكسور.
لما اجيك متلهف وارجع مخذول،
لما اجيك بحماس وارجع متفشل.
لما اشوفك متغير وانت عارف هالشيء و راضي،
لما ردة فعلك تصير باردة،
وبسببك أنجبرت أتعذر بالغلط بكل رسالة أرسلتها.
وكُل رسالة أسترجعتها.
وبكل نقطة حطيتها.
بس رسائلي ما كانت بالغلط
الغلط كان قلبي يوم صدق وعودك إنك بتبقى لي .
مَ. ..
أسوأ شيء تسويه بحق نفسك؟
انك ترخص مشاعرك وقلبك وتهين كرامتك
عشان شخص محدد.
كل اللي يهمك انك تحاول تلفت انتباهه،
وتدور على أي طريقة تخليه يحبك او حتى يميزك،
حتى لو كان على حساب نفسك.
تهون عليك مشاعرك وتتنازل عن أشياء كثيرة،
لدرجة توصل انك ترخص نفسك عشان بس يلاحظك،
وتخدع قلبك ونفسك انه اختارك!
لدرجة ما تنتبه للحب اللي وصلك من شخص
ما رضي عليك بالباطل وما احتجت تطلبه منه.
فلا تخسر نفسك وانت تحاول تكون اختيار شخص
ما عنده مشكلة تكون مشاعرك رخيصة عنده.
وتنسى إن فيه انسان اختارك من قلبه،
وكان مستعد يعطيك كل والحب والحنان
والتضحيات اللي تدور عليها .
مَ ..
أُرِيد أن أعيش معك حبًا لا نخفي فيه مشاعرنا،
فيه يرتبط قلبي بقلبك.
وتزداد لهفتي لقربك.
وتكبر رغبتي بأن تكوني لي.
أن أحتضنك تحت سقف واحد بالحلال
دون خجل ولا خوف،
دون أن تحكمنا المسافات أو يمنعنا الخوف.
ونتبادل الحب والحنان
بكل ما في قلوبنا من شوق ورغبة،
ونعيش حبًا لا ينقصه الدفء ولا ينقصه الاهتمام.
أشاركك صباحي وتشاركينني ليلي،
وأجدك في كل تفاصيل يومي.
وأحبك أمام نفسي والعالم دون خوف .
مَ ..
لا تخذل انسان حتى لو ما تعرف ايش يعني حنية
ولا تهمك مشاعره.
لا تدخل حياة إنسان وتخليه يفتح لك قلبه،
وبعدين تخليه يواجه غيابك من غير تفسير.
لا تخليه يندم على يوم صدقك فيه وانك تخاف عليه،
ولا على لحظة حس فيها إنه مهم عندك.
إذا ما عندك وفاء ومحبه إنك تحافظ عليه؟
على الاقل لا تكسر شي جميل بداخله،
ترى تصرفاتك وقسوتك ما يبررها لا مزاج
ولا ظروف ولا أي عذر منك .
مَ ..
ما يبي يهتم فيك ولا يبي يعطيك حقك العاطفي،
ولا يبي يعطيك حنيته بس بنفس الوقت،
ما يبيك تبعد ولا يبي يشوفك تهتم بغيره،
وكل اللي تعرفه انه يحبك.
واذا قصرت معاه؟
زعل وانت هنا ما تقدر على زعله
لانه يدري انك ميت عليه.
ما سألت نفسك ليه؟
لانك من التوب3 عنده،
بديل جاهز يرجع لك بالوقت اللي يناسبه ،
يبيك موجود، تشتاق له وتهتم فيه وتحبه
وتتغزل وتتمسك فيك،
وتكون متاح متى ما احتاجك، بس إذا جاء دورك؟
تلقاه غايب ومختفي عنك لأيام، واذا رجع قالك ظروف
وانت على نيتك صدقت لانك تحبه.
لين اللي قبلك ينتهي دورهم و هنا يجي دورك
لين يطفش ويعطيك وجهه الثاني .
لآنك ما كنت خياره الأول،
كنت مجرد شخص ضامن إنه يلقاه موجود
إذا ما نفعته خياراته الثانية .
مَ ..
كان ودي أحبك من غير ما أراقب تغيرك،
ومن غير ما أحتاج أفسر سكوتك،
ومن غير ما ادور عن سبب برودك.
كنت أبي علاقة أقدر أرتاح فيها،
وأكون على طبيعتي من غير خوف.
بس صرت أفكر قبل أتكلم وأتردد قبل أطلب قربك،
وأخاف أفرح باهتمامك لأنّي ما أدري كم بيستمر.
ما أتعبني الحب نفسه،
أتعبني إني ما عرفت اطمن قلبي معاك .
مَ ..
ما تعرف قيمة اللي يحبك إلا بعد الخذلان،
لما تعطي قلبك لشخص جديد وتحسبه بيعوضك،
و تكتشف إنك تشرح له أشياء
كانت تجيك من اللي كان يحبك بدون كلام،
وتطلب منه حنية كان يعطيك إياها من نفسه،
وتصير تطلب اهتمام كان يسبق طلبك،
وقتها تبدأ تقارن وتفهم إنك خسرت الشخص اللي
كان حاطك بعيونه و يحبك بطريقة ما عرفت تقدره .
مَ ..
تشتاق له، وتقعد ساعات تفكر تكلمه ولا لا.
تراقبه وش يسوي وتشوفه يعطي مع غيرك في وقت
المفروض تكون انت وتنغبن ويمكن تغار،
تقول بنفسك أبادر؟ وتتردد تخاف يرد عليك ببرود،
ويمكن ما يبي يسمعني، ويمكن أشتاق لحالي.
لين تضغط على نفسك وتكلمه،
وتقول له: اشتقت لك.
ويرد عليك بكل برود:ما تشتاق لغالي.
او تلقاه يحط لك قلب احمر.
طيب أنا وش أسوي بالشوق اللي ذابحني؟
أنا قاعد أقاوم نفسي من ساعات عشان أكلمك،
وكل اللي أبيه، أحس إنك اشتقت لي
مثل ما اشتقت لك .
مَ ..
كان يجيك بقلب مليان حب،
ما كان يحسب كم اعطى
ولا ينتظر منك مقابل،
كان يكفيه إنه يشوفك بخير ويحس إنك تحبه.
بس يوم خذلته، ما نزلت دموعه على موقف وبس،
نزلت على كل مرة اهتم فيها وما لقى منك نفس
الاهتمام والحنية،
وعلى كل مرة صبر فيها وهو يتمنى إنك تحس فيه.
يا خسارة قلب كان يبيك بكل هالصدق
وما لقى منك إلا الخذلان .
مَ ..

