فرَنْك

تفّيا تحت عكش الرموش و زبن نجلاك ظلامً خذا من دامس عْيونك صورّه يا فتّاك لا تستهر بـ حسنك الفتّاك نواعسك أشدّ مْن الهنادي مية مرّه مع أن عودك اللي مايحاليه عود الراك يجرحّه ذعذاع الهبايب لو يْمرّه لو أن فـ القدود المايسه قدّك وشرواك مارحت أتفانى فيك واقص لك جرّه عليك القصيد يْسوق قافه بدون إدراك من أسفل قدمك لـ غرّتك حفل مغترّه مسافة نحرك الترف يالمترف الشكّاك مسيرً يشقّي من مشى فيه ويغرّه ترامى عليه أبيات شعري هنا وهناك هنا طاح لي قلب وهنا طاح لك درّه يـ ذات القوام اللي على المترفات أطغاك دخيلك من اللي يحيي الوصل ويبرّه انا عاشقً مفني حياته عشان رضاك ولا حصّل الا لوعة الوجد والحرّه فـ إذا سال دمه وأنفطر قلبه بـ يمناك ذنوبه على رقبتك ، و لومه على الغرّه

على البياض اللي من الصبح مسروق ولا السواد اللي من الليل ذايب أسوق عمري لك على الطاق مطبوق وأهدي لعينك راس مالي وهايب وإن كان ما كفاك ياسيد الذوق سرقت لك ضحكات غيرك نهايب أقبل علي رعد ومرازيم وبروق و رد الثنين من الثنين العطايب لين أتقهوى خمر ضحكتك وآروق تراي مالي غير وجهك حبايب