انا ماني مع نفسي ولاني مع حشود الناس
انا مدري هنا والاّ مع الدرب و متاهاته
انا بـ افكاري اخاف انعزل لا قامو الجلاّس
حقيقه موجعه زادت على القلب انكساراته
علي كان العمر شرحٍ وصوت الذاكره لاباس
وكنت بعزلتي آهدا واحب اللّيل وآباته
أبي الوضوح ولا لقيت له مسير
كل الدروب اللي مشيتها انفرادي
أسمع صدى قلبي بين حيرة وتخيير
وأدور على لحظة صفاء في مداري
أبني الأمل وسط ليل همومه طوابير
ويا كثر الأفكار اللي مالها طاري
أثبت يقيني لا يتهاوى ويطير
وأحلم بصباحٍ يزيد انبهاري
منتي بحاجة للقصايد والأبيات
وانتِ ملامحك البهيّة قصيدة
عليك من رب الملأ حرز وآيات
يا فتنة الجيل القديم وجديده
عيونك اللي تاخذ القلب بسكات
من شافها ياسم غلاك بْـ وريده
متفرَدة بـ الحسن بين الجميلات
وعذبة سجايا بالوصوف الفريدة