Rafael

Kuna furaha ambazo huwezi kuzielewa mpaka Uwe na masela wa kweli.. Ndiyo maana goli la Doumbia limewagusa masela wengi kuliko unavyoweza kufikiria. Kuna mwanaume anayeangalia mpira huku akijua kesho anatakiwa kutafuta hela ya kodi. Kuna mwingine anawaza ada ya mdogo wake, kuna anayepambana ili mama yake apumzike na maisha ya shida. Kwa watu hawa, mafanikio ya msela mwingine yana maana kubwa. Unapomwona mwanaume akishangilia goli la Doumbia kwa nguvu zote, usihukumu kwa kile unachokiona. Huenda huyo ni mtu ambaye maisha yamemfundisha kwamba furaha ya mwenzake inaweza kumpa nguvu ya kuendelea na safari yake. Maisha ya wanaume yana vita ambazo mara nyingi hazisimuliwi. Tunatoka kutafuta, tunarudi na kile tulichopata, na tukikosa tunajificha na maumivu yetu ili watu wa nyumbani wasikose matumaini. Leo Doumbia amefunga, lakini huenda kuna mwanaume mahali fulani amepata sababu nyingine ya kuamini kwamba mapambano yake bado yana maana. Mwanaume mwenzangu, usiombe mwenzako azame. Dunia tayari ina ugumu wa kutosha tusigeuzane maadui wakati kila mmoja anapambana na maisha yake. Kama umewahi kubeba majukumu ya nyumbani ukiwa mbali na watu wako, basi unaelewa kwa nini hili goli si suala la mpira pekee. Masela wa hustle, leo ni zamu yenu kuongea. Doumbia alipofunga, ni kitu gani kilipita kichwani mwako mwanangu?