عمر الوهيطي

نقض ليل الشتاء قافٍ من .. لحون البطا مفتول وصحى جرحي على صوت الرقيبه يوم مشذوبه على صدك ملامة خافقي .. يا فكري المشغول لو ان عذرك سمين و كلمتك عذبه و محسوبه يمّر الليل .. و يطل النهار .. بـ وجهه المخذول وانا اللي كن عيونه عن شعاع الشمس محجوبه اغامر .. و اتمنى .. و " الاماني سيفها مسلول " واداري دمعةٍ من ضحكة محياي منهوبه .. ياملهوف الحشا مدري مِن القاتل مَن المقتول ما دام ان وصلك عقوبة مثل ما هجرك عقوبة حبيبي والله اني .. بين ضيق .. وبين قِل حلول سوات اللي كلاه الهمّ من .. " راسه لـ عرقوبة " عزاي ان ما بقى لي غير صوتك فـ الضمير يجول وآكابر ، و اجحد جروحي معه ، و امجد عيوبه وكثر ما كنت اماري في عيونك واشقر المجدول اوصيّ، كل عاشق لا يبكي عين .. محبوبه ): يقولون الليالي تطوي الماضي طوي واقول ؟ انا للحين اضيع ان ذعذع النسناس من صوبه تدور أوهام .. وصله كل ليلة .. لين دار الحول ونار الشوق كنها من ضلوع الصدر محطوبة فراغات السطور اللي تهيّب عقلي المذهول تجرّي كل كلمة من شعور الصدق مسلوبه عسى عامٍ تجلى به ثغرك وهرجك المعسول فدا ليلٍ بعده تدور .. الغفران و التوبة انا من علق فـ صدرك قصيده " وزنها من لول " ( كتبها ) والزمان يقول له .. ( ماهيب مكتوبة )

الصفر من دونها اللي يكربون الحزام من يوم نجد العذيْه تستطلي و تغلي يا مدورين الكلام اللي عليه الكلام أغلب غزايز هل الصفرا بنات جملي حنا خذينا من الأمجاد راس السنام ياللي كفاكم عن الطاله لسان الطلي (: نصرّح و ندحم و نكسب نهار الزحام وان جاء نهار الممارى ما يمارى علي صمخ النخب من عصر مشعل وهي كل عام اما " مع واصلي " .. ولا " مع عبدلي "

مابين مرخي سمع ومبيّح سدود توي دريت ان الكلام يتمشى

ماعاد فـ الدعوى تفاصيل يا سعود حتى الشعر لا هوّد الليل عشى كثر ما خذت وعود واعطيته وعود لا الرعد دوى به ولا المزن نشى حتى لو ضيوفه مصادير و ورود ما قد سرى ضيفه وهو ماتعشى أعوذ بالله لا هرج .. كل مقرود من الخطا ومن الكلام المحشى من بيني و بينه تقاليد و قيود أخاف من شرهة بعيد المعشى شرهة عزيزٍ وزنها أثقل من الطود واثمن من اللي بـ الجواهر " موشى " مابين مرخي سمع ومبيّح سدود توي دريت ان الكلام يتمشى

يشرفنا حضوركم يوم الاربعاء 🤍

اركي عليهم يا ديار الاواليد وزيدي عليهم كل ليلة وسوقي اللي مضاربها ليا دكت البيد ماعاد خلت بـ الاراضين لوقي ذوقهم معزّي رصاص البواريد يالين بيّدهم سلووقي سلووقي (: