Xandre

📢 NON COAS NOSAS MANS As traballadoras e traballadores da Corporación de Servizos Audiovisuais de Galicia (#CSAG, a antiga @CRTVG), están fartas da censura, da manipulación informativa e da decadencia sen fin do prestixio e da calidade dos medios públicos galegos. 🗣️ As traballadoras e traballadores da CSAG están fartas de teren que dar a cara cando saen á rúa facer o seu traballo e reciben malas caras ou malas palabras por decisións que se toman en despachos e non se consensúan coa redacción. ⚠️ As traballadoras e traballadores da CSAG están fartas de veren como se promocionan o servilismo e a mediocridade mentres se castigan e marxinan profesionais críticos, inclusive algúns con galardóns pola súa traxectoria e bo facer. 📜 As traballadoras e traballadores da CSAG están fartas de pedir que se cumpra o que marcan tanto a lexislación como o código deontolóxico do xornalismo galego. 📺 As traballadoras e traballadores da CSAG están fartas de ver como se desmantela e externaliza cada fragmento do servizo público para poñelo a disposición dun partido político e dunha axenda cada vez máis ultra. ✊ Por todo isto e máis, hoxe protestaron cunha consigna moi clara: NON COAS NOSAS MANS! 🫂 Desde aquí, todo o noso apoio, solidariedade e comprensión.