أنا ما أعرف ليه انتظاري عليه يزود
مع إنه عنيد وقاسي القلب ومكوبر
يواعد على إنه في أكتوبر علي يعود
يا كذبة أبريل تنافسك كذبة أكتوبر
يستر الله عليّ ويستر الله عليك
ياغرامٍ ذكرته عقب هبّ الهوا
لا يغرّك سكوتي يعلم الله أبيك
بس حظّي وحظّك مايبينا سوا
: سعد بن جدلان
"لا تزعّلني وتحكم علي إني زعول
وأنت تدري مستحيل أزعل إلا من بلا
والعذر في بعض الأحيان ما يلقى قبول
في وسع صدرٍ تحمّل زعل لين امتلى
مشكلة غلطتك ما تقبل أنصاف الحلول
والمصيبة لك معزّة، وتقدير، وغلا"
"فمان الله والعذر السمين أبلغ من التبرير
عفى الله عن خطايا اللي خطايانا على شانه
فمان الله يالغصن اللّيان اللي هَجرك الطير
هذا طيرك يبلغك السلام بروس جنحانه
سمحت من المحبه وسامحني على التقصير
وصلنا آخر حدود العشره.. اللي مالها خانه"
