متذوق

خلوني اضرب تهاتيه الخلا الخالي واسج عن مطلع الشعّار والسّاحه مالي ومال الزعل لاصار من غالي والله والدرس نفسي منه مرتاحه ليت الخبر عنه ،، دل الداله السالي يحذف جوازً ،، (ولولا) عنه لمّاحه بلاغتك واضحه فالمر والحالي وبحور صرفك معي لاجيت شحًاحه أستاذ ف املاء والتعبير طوالي عندك قلم يكتب ولا فيه مسّاحه طلاب واجد بدون ال (ال) من تالي ف أعراب تُنكر، وعنه العُرب نزّاحه مافيه داعي ارد الصوت والالي لله درَي واعْرف النفس طمّاحه خلوني ادله واعسّ المرتع لحالي صمت المرابع وصوت الورق صدّاحه في صحصحً مايدّله سايق الرالي مايسهجه غير عودً همّل ارباحه الله على مطمنه والصيهد العالي والله على النفس لو ماهيب بوّاحه وين انت يالي ليا من جيت في بالي ايدين وصلي على لاماك شوّاحه ليتك تحسّ وتقدر خاطر اْمالي لو اكتم الشوق عين الشوق فضّاحه لاتحسب اني كذا داله ولا اْبالي عليك وجدي يشوف الوصل ذبّاحه مدري اشوفك غلط ولا يورّالي عاشقك حطيت قبره صالة افراحه سلبت منْه الكرى والفكر من تالي ماهو كذا تسلب من الزابن سلاحه شاعرك عقب الولا ماعاد له والي في غيبتك ماتحمل خيط مسباحه فهد قليب الذيب

عن دوافع حب ،، حالت مراديع السنين أنت مالك حل؟! ولاّا حلولك مشكلة ؟..

من ضيقة البارح عجزت اتصرّف والخاطر الي عقبك الله وكيله كنّه كتابً للنصارى محرّف ماهوب يعرف ضايعه من دليله الليل ماني صاحبه لين طرّف والصبح جمره والتراب المليله لو ماسهى قلبي ولا الشوق ذرّف يمدي تشوف العين مثل المخيله الواقع مقصر معي واتشرّف ماقصر الا بالدروب الطويله خليتلك باب المواصل مطرّف لاتقطعين مواصلك ياجميله علمني غيابك شعور التطرّف لو اْن مالي بالجهاد وسبيله ماهو محال اني بعْدك اتعرّف انساك؟ هذي والله المستحيله طيفك ليا مني تناسيت شرّف الشوق يدفع والهبايب كفيله مزاج غيرك لو غصونه تورّف ماهو ب تسنيمً ولا سلسبيله حطيت لك صورة وبرواز في رف وان طاحت الدمعه بحقك قليله فهد قليب الذيب