AHMED

من أبسط حقوقك إنك تستبعد من حياتك إي حد بيشوّة صورتك في غيابك، خصوصاً الناس اللي المفروض يكونوا سندك وقت ما الدنيا تضيق عليك.

فيه ناس بتدخل حياتك بكل النور اللي جواها، تديك حب وإهتمام وصدق، وأنت بدل ما تكون أمان ليهم، تحوّل حياتهم لمعركة نفسية بسبب فوضاك الداخلية.

كل عيلة فيها ست غيّرت في هدوء شكل الحياة اللي الجيل اللي بعدها هيعيشها.

مش لازم تعرف تحلّ مشاكل الناس عشان تبقي سند ليهم، كفاية تقول مش عارف أساعدك إزاي، بس أنا موجود، لأن الحضور وقت الضعف أصدق بكتير من ألف كلمة مواساة.

لغة حبي إني أساعدك تشوف نفسك بوضوح، مش إني أجامل غرورك، هفرح بنقاط قوتك، لكن مش هسكت عن الحاجات اللي محتاج تراجعها، الحب الحقيقي مش إنه يقولك كل اللي نفسك تسمعه، لكنه يقولك الحقيقة بحنية. اللي بيحبك بجد مش بس عايزك مرتاح، عايزك كمان تنضج وتتغير للأحسن.

ممكن تقابل إنسان بيدخن وقلبهُ أنضف من ناس كتير، وممكن تقابل شخص بيظهر التدين وهو أبعد ما يكون عن الرحمة والأخلاق.

وَرِزْقُ رَبِّكَ خَيْرٌ وَأَبْقَىٰ

من الظلم إنك تضطر تبذل مجهود مضاعف عشان تعيش حياة غيرك شايفها عادية، إنك تعتبر السفر حلم، والراحة مكافأة، والإستقرار إنجاز، بينما غيرك بيعيش كل ده من غير ما يحس بقيمتهم، مش كل واحد وصل كان أشطر، ومش كل واحد إتأخر كان مقصر، الفرق كله بيكون في البيئة والظروف اللي كل واحد بدأ منها.

محدش بيتكلم عن الندم اللي بييجي لما تفتكر إنك كنت حاسس بكل حاجة، وإن تصرفات الشخص كانت واضحة قدامك، لكنك إخترت تفسرها بشكل أحسن وتتمسك بأعذارك، ساعات إحنا مش بنندم على اللي حصل، بنندم إننا ممشيناش من أول علامة.