🇵🇸 Ayah

مشكلتك مش إنك مش عارف تتكلم، إنت عارف هتقول إيه وعارف هتسمع إيه، وعارف إنك مهما شرحت هتدخل في نفس الدايرة، نفس التبريرات ونفس الردود ونفس الكلام اللي سمعته قبل كده.. فبتسكت وتعدّي، مش عشان معندكش كلام، ولا عشان اللي حصل عادي، لكن عشان مبقاش عندك طاقة تعيد نفس الخناقة كل مرة، وتشرح نفس إحساسك لنفس الشخص، وكأنك بتتكلم لأول مرة.. بس للأسف محدش بيفهم إن سكوتك ساعات بيبقى وراه كلام كتير أوي.