НҮБ-ын Ерөнхий Ассамблейн 80 дугаар чуулганы 2026 оны 6 дугаар сарын 2-ны өдрийн Бүгд хуралдааны үеэр НҮБ-ын Ерөнхий Ассамблейн 81 дүгээр чуулганы дарга, орлогч дарга, хороодын дарга нар болон Товчоодын гишүүдийн сонгууль тус тус болов. НҮБ-ын Ерөнхий Ассамблейн 81 дүгээр чуулганы даргаар Бүгд Найрамдах Бангладеш Ард Улсын Гадаад хэргийн сайд Др. Халилур Рахман сонгогдсон бөгөөд тэрбээр НҮБ-ын дараагийн Ерөнхий нарийн бичгийн даргыг сонгон шалгаруулах, НҮБ- 80 шинэчлэлийг хэрэгжүүлэх чухал цаг үед ажиллана. Мөн тус хуралдаанаар НҮБ-ын Ерөнхий Ассамблейн 81 дүгээр чуулганы 15 орлогч дарга нарыг сонгосон бөгөөд Монгол Улсаас НҮБ-ын дэргэд суугаа Байнгын төлөөлөгч Н.Анхбаяр нэгээр нь сонгогдов. НҮБ-ын Ерөнхий Ассамблейн орлогч дарга нь Ерөнхий Ассамблейн даргын үйл ажиллагаанд дэмжлэг үзүүлэх, зохих хуралдааныг даргалах, чуулганы ажлын хэвийн, үр дүнтэй үйл явцыг хангахад хувь нэмэр оруулах чиг үүрэгтэй. Монгол Улс Ерөнхий Ассамблейн орлогч даргаар сонгогдсоноор НҮБ-ын үйл ажиллагаанд идэвхтэй оролцож, олон талт хамтын ажиллагаа, олон улсын эрх зүй, энх тайван, тогтвортой хөгжлийг дэмжих, хүний эрхийг хамгаалах чиглэлээр баримталж ирсэн байр сууриа үргэлжлүүлэн ахиулах боломж дээшилж байна.

МОНГОЛ УЛСЫН ЗАСГИЙН ГАЗАР, НҮБ-ЫН АЖ ҮЙЛДВЭР ХӨГЖЛИЙН БАЙГУУЛЛАГА ХАМТРАН 2025-2027 ОНД ХЭРЭГЖҮҮЛЭХ ТҮНШЛЭЛИЙН ХӨТӨЛБӨРИЙН ХЭРЭГЖИЛТИЙГ ХАНГАХ ХАМТАРСАН ХОРООНЫ АНХДУГААР УУЛЗАЛТ БОЛОВ ​“Монгол Улсын Засгийн газар болон Нэгдсэн Үндэстний Байгууллагын Үйлдвэр хөгжлийн байгууллага (ЮНИДО) хамтран 2025–2027 онд хэрэгжүүлэх Түншлэлийн хөтөлбөр”-ийн хэрэгжилтийг хангах зорилготой Хамтарсан хорооны анхдугаар уулзалт 2026 оны 4 дүгээр сарын 30-ны өдөр цахим хэлбэрээр болов. ​Хамтарсан хорооны уулзалтыг манай талаас Гадаад харилцааны яамны Төрийн нарийн бичгийн дарга Л.Мөнхтүшиг, ЮНИДО-ын талаас тус байгууллагын Ерөнхий захирлын орлогч бөгөөд Олон улсын хамтын ажиллагаа, гадаад харилцаа хариуцсан захирал Фатоу Хаидара нар хамтран даргалав. ​Тус уулзалтад Ерөнхийлөгчийн Тамгын газар, Гадаад харилцааны яам, Эдийн засаг, хөгжлийн яам, Хүнс, хөдөө аж ахуй, хөнгөн үйлдвэрийн яам, Байгаль орчин, уур амьсгалын өөрчлөлтийн яам, Засгийн газрын хэрэгжүүлэгч агентлаг Жижиг, дунд үйлдвэрийн газрын төлөөлөл, мөн ЮНИДО-ын Ерөнхий захирлын ажлын алба, Ази, Номхон далайн бүс хариуцсан алба, аж үйлдвэрлэлийн салбарын газар хэлтсүүдийн удирдлага, шинжээчид оролцож, түншлэлийн хөтөлбөрийн хүрээнд хэрэгжүүлэх тэргүүлэх чиглэл, хамтын ажиллагааны механизм, хэрэгжилтийн явцыг хангах зохион байгуулалтын асуудлыг хэлэлцэв. ​Өнгөрсөн оны 12 дугаар сард байгуулсан тус баримт бичиг нь тогтвортой, хүртээмжтэй аж үйлдвэрийн хөгжлийг дэмжих, нэмүү өртөг шингэсэн үйлдвэрлэлийг хөгжүүлэх, ногоон шилжилтийг эрчимжүүлэх, инновац болон технологийн дамжуулалтыг дэмжих зэрэг үндсэн зорилтуудад чиглэсэн бөгөөд манай улсын хөгжлийн бодлогын баримт бичгүүд, Монгол Улсын Ерөнхийлөгчийн санаачилсан “Цагаан алт”, “Хүнсний хангамж, аюулгүй байдал” зэрэг үндэсний хөтөлбөртэй бүрэн нийцэж, үйлдвэрлэлийн салбарыг илүү стратегийн, нэгдсэн, бодит үр дүнд чиглүүлэн хөгжүүлэхэд чухал түлхэц болж буй. ​Уулзалтын үеэр талууд хөтөлбөрийн хэрэгжилтийг үр дүнтэй зохион байгуулах, уялдаа холбоог сайжруулах, үр дүнд суурилсан хяналт-шинжилгээ, үнэлгээний тогтолцоог бэхжүүлэхэд онцгой анхаарахыг тэмдэглэв. ​Мөн цаашид төр, хувийн хэвшил, олон улсын түншүүдийн хамтын ажиллагааг өргөжүүлэх замаар түншлэлийн хөтөлбөрийн зорилтыг амжилттай хэрэгжүүлэхийн чухлыг талууд онцоллоо. *** THE FIRST MEETING OF THE JOINT COORDINATION BODY OF THE UNIDO COUNTRY PROGRAMME FOR MONGOLIA WAS HELD The first meeting of the Joint Coordination Body aimed at ensuring the implementation of the “Country Programme for 2025–2027 between the Government of Mongolia and the United Nations Industrial Development Organization (UNIDO)” was held virtually on 30 April 2026. The meeting was co-chaired by Mr. Munkhtushig Lkhanaajav, State Secretary of the Ministry of Foreign Affairs of Mongolia, and Ms. Fatou Haidara, Deputy to the Director General and Managing Director for Global Partnerships and External Relations at UNIDO. The meeting was attended by officials of the Office of the President of Mongolia, the Ministry of Foreign Affairs, the Ministry of Economy and Development, the Ministry of Food, Agriculture and Lights Industry, and the Ministry of Environment and Climate Change, as well as senior officials and experts from Office of the Director General, the Regional Bureau for the Asia and the Pacific and technical dvisions of UNIDO. Participants discussed priority areas of cooperation under the Country Programme, coordination mechanisms, and organizational arrangements to ensure its effective implementation. The document, signed in December last year, is aimed at promoting inclusive and sustainable industrial development, advancing value-added production, accelerating green transition, and supporting innovation and technology transfer. Moreover, it is fully aligned with Mongolia’s national development policy documents and national initiatives put forward by the President of Mongolia, such as “White Gold” and “Food Supply and Security” programmes, and serves as an important driver for developing the industrial sector in a more strategic, integrated, result-oriented manner. During the meeting, both sides emphasized the importance of ensuring effective implementation of the Country Programme, strengthening coordination, and enhancing a result-based monitoring and evaluation framework. The parties also highlighted the importance of further expanding cooperation among the public and private sectors, as well as international partners, to successfully achieve the objectives of the Country Programme.