Edward

TUNDU LISSU; HISTORIA HAISAHAU WANAOPIGANIA HAKI! Usiku wa leo, ni usiku mzito kwa watanzania wote wanaoamini katika demokrasia na kila mwenye dhamira ya kuona nchi yetu haki, usawa, uhuru na utu wa binadamu vinaheshimiwa. Novemba 6, 2026, Mahakama Kuu ya Tanzania itatoa hukumu katika kesi ya uhaini inayomkabili Mwenyekiti wa CHADEMA, Tundu A.M Lissu. Utakuwa ni usiku mrefu kwa familia nzima. Kwa siku 575 (mwaka 1 na miezi 7), Tundu Lissu ametengwa na familia yake, mbali na uhuru wake. TAL amebeba mzigo wa kesi ambayo matokeo yake yanaweza kubadilisha maisha yake. Bila kujali matokeo yoyote ya hukumu, hatupaswi kusahau mjadala wa haki, demokrasia, utawala wa sheria na mustakabali wa Tanzania ni mkubwa kuliko hatima ya mtu mmoja mmoja. Historia imetufundisha kwamba ukweli haupotezi thamani yake kwa sababu mtu aliyesimamia amenyamazishwa; na haki haikomi kuwa haki kwa sababu imezuiwa na watu walio na mamlaka. Tundu Lissu yupo gerezani, lakini mawazo kuhusu haki na demokrasia hayawezi kufungiwa ndani ya kuta za gereza. Gereza haliwezi kuwa gereza la mawazo ya taifa zima. Haiwezekani. Kesho, matokeo ya hukumu dhidi ya Tundu Lissu yatakuwa sehemu ya historia ya nchi yetu. Lakini historia ya mapambano ya demokrasia haitaanza au kumalizika ndani ya mahakama. Mahakama, inatakiwa kufanya jambo moja tu: KUTENDA HAKI KWA MUJIBU WA SHERIA.Haki ya mtu asiye na hatia haipaswi kuwa zawadi kutoka kwa mamlaka; ni haki inayolindwa na sheria. Kesho si siku ya kutafakari hatima ya TAL. Ni siku ya kutafakari mustakabali wa taifa letu, uimara wa taasisi zetu, uhuru wa mahakama na nafasi ya haki katika kujenga Tanzania tunayoitaka. Maisha ya mtu mmoja yanaweza kuwa na mwisho, utawala unabadilika na mifumo inaanguka, lakini thamani ya ukweli, haki na uhuru wa watu haipaswi kufa na mtu aliyeisimamia. Tundu A.M Lissu ni special creature. Ni viumbe wachache kama TAL katika siasa zetu. Wanachama wa CHADEMA tunamuunga mkono kwa kuwa siasa zake hazina mawenge na mawaa. Dola katili la CCM haliwezi kuzima ndoto za kuitafuta Tanzania inayoheshimu haki za watu, utu, usawa. Dhamira ya waliomtupa gerezani ni awapigie magoti. Amegoma kupiga magoti. Jambo moja ni hakika, TUTASHINDA. MSIOGOPE. MBORAAAAKE. MMM, Martin Maranja Masese, Mtikila.