Dashdavaa Egiimaa

Энэ хүн бол П.Цагааны төрсөн хүү Ц.Мөнхтүвшин мөн. Пунцагийн Цагаан 2009 оны зургадугаар сард Ерөнхийлөгч Ц.Элбэгдоржийн Эрдэс баялгийн асуудал эрхэлсэн ахлах зөвлөхөөр томилогдсоныхоо дараа албан тушаалын эрх мэдлээ урвуулан ашиглаж өөрийн хүүгээ Боловсролын зээлийн сангийн зээлээр Арабын нэгдсэн Эмират улсад сургахаар явуулсан байдаг. П.Цагаан нь хүү Ц.Мөнхтүвшингээ Боловсролын зээлийн сангийн нэн хөнгөлөлттэй зээлд хамруулахын тулд Сангийн яамны захиалгаар сургаж байгаа мэт албан бичиг бүрдүүлж өгч, эхнэр Д.Эрдэнэцэцэг нь уг зээлийн батлан даагчаар бүртгэгдэж гарын үсгээ зурсан байв. 2009 онд Боловсролын сайдаар Ё.Отгонбаяр ажиллаж байсан бөгөөд П.Цагааны хүүгийн сурах гэж буй “Бизнесийн удирдлага” мэргэжил нь БЗС-аас санхүүжүүлдэг тэргүүлэх 100 мэргэжилд байхгүй, өөрөөр хэлбэл зээл олгож болохгүйг мэдэхийн дээдээр мэдэж байсан хэрнээ л 16,000$-ийн санхүүжилтыг олгосон байна. Ц.Мөнхтүвшин Дубай дахь Америкийн их сургуулийг төгсөж ирснийхээ дараа “Ачит Ихт” ХХК-ийн хувьцаа эзэмшигч, ТУЗ-ийн дарга болж тамтаггүй баян болсон билээ. Гэвч тэрбээр багын “өлөн” зангаа огт гээгээгүй бөгөөд БЗС-аас авсан зээлээ ч эргүүлэн төлсөнгүй. Түүний 2009 онд авсан 16,000$-ийн зээл нь 2015 онд хүүгийн хамт 22,985$ болсон байсныг тухайн үед Боловсролын сайдаар ажиллаж байсан Л.Гантөмөрийн тушаалаар тэглүүлсэн байдаг юм. П.Цагаан нь 2015 онд Ерөнхийлөгч Ц.Элбэгдоржийн Тамгын газрын дарга болж албан тушаал дэвшсэн байсан тул албаны эрх мэдлээ урвуулан ашиглаж, хүүгийнхээ зээлийг хууль бусаар хаалгаж чаджээ. Хэрвээ Монгол Улсад хууль, шударга ёс гэгч зүйл байсан бол энэ үйлдлийнх нь төлөө П.Цагаан, Л.Гантөмөр, Ё.Отгонбаяр нарыг хамтад нь шалгаж, улсад учруулсан хохирлыг нь нөхөн төлүүлэх л байсан. Эх сурвалж: сэтгүүлч С.Будрагчаа @budragchaaser