خالد الجابر

11/11/2020 تاريخ مميز حتى بفقيده رحم الله والدي جابر مفرّح الوشاوشه وغفر له

كانت وهم ؟ والا اسمها لحاله خيال اخاف يطلع حبها كله وهم يعني كلام العشق بـ انصاف الليال مشاعرٍ صدقتها وهي عدم ؟ يعني هماج ؟ اللي تطعمته زلال يعني الفضى ؟ كان بدهاليزه زحم يعني ضلال اللي حسبت انه ظلال يعني غدر حبر القلم — راع القلم اشد من وقع الرمي بـ وقعة طلال خيبة امل جت من بعد زايد عشم

عامٍ جديد ولا على حالي جديد متشابهه في ساعتي دقّاتها هي غاليه لكنّ ماني مستفيد اعيشها مير بشعور امواتها العين ترقب بالعمر مالا تريد والروح قفت غصْب عن مشهاتها اهلًا بالـ 22

هالليل نسناسه وبدره ابلغ كثير من القصيد صراحه

يوم شفته بالوغى يضحك بوجه الممات قلت مـ ارخص روحه الا و عنده غيرها

فيك من زين الوصايف ومن زود القبول مايزهد فـ نظري غيرك من الغيد ، غيد انت لا منّك ممله و لا حولك ذبول كل صبح يزيد حسنك و كل ليله يزيد منّك تغيب الرزانه عن ثقال العقول ولـ اجلك تحضر القصايد ويزدان النشيد يامليح الوقت مالح وغادٍ في نحول من خذا حظي حلاك وتنحى به بعيد انت لاجرحك يطبب ولا منّه عدول الشفى منك احتمالٍ قصر دون الاكيد ليت من ورعانكم بيني وبينك رسول يودع كتاب المحبه بصندوق البريد لك كلام بخافقي بادٍ يصول و يجول فار به دمّي عتب و اشتكى حرّه وريد ( اوله : فاض الوله فالصدر عرضٍ وطول وآخره : يمّي سق الركب و ازعج بالشديد )

حبيبي اللي بعْد ما غاب ، صدري امحل و همّال الفرح ماهطل به له ابتلاني حرّ شوقي ، بـ سِهري و للناس بادي يشكي الموق حربه قالو بسيطه جرّب تنام بدري و انا بلاي اليا رقدت آحلم به

ما عاد لي متنٍ قوي من يوم شلت خيباتي المتكرره و جروحها حاولت جاهد ما اميل // الين ملت الروح ذبْلت وانطفا بي ضوحها و لا تحقق في حياتي ما املت الامنيات ، العمر هدّ صروحها الارض لا حلّيت والا ارتحلت دايم من الضيقه تضيق فسوحها ولا عاد يفرق ان وصلت او ما وصلت للنايفه من عقب دوج سفوحها رفضت جرحي لين في جرحي قبلت مالي دروبٍ عنه لجل اروحها قالو دواك الشعر يالشاعر وقلت ( ليت الهموم تطير يوم ابوحها )

ميّة هلاااااا

الاختبار عندما يكون عند الساعه الثامنه صباحًا يكون اختبار للصبر ليس الا - خالدوفيتسكي

ومن غيابك مابقى بالقلب حيل

الليله تمر و اسهدها عن ضيقتي ماني بـ سالي و الروح مبطي ملاهدها همٍ برى حيلي وحالي دنياي انا عن مجاهدها الظاهر ان موتي اشوا لي

البارق اللي بالسما مشملٍ غرب ضوّه على سكاكا وضربه عليّه ياليت لي قدره على نقلته قرب دارٍ تجي بالبال صبح وعشيّه دار الحبيب اللي معيشني بحرب مابين قلبٍ طايع ونفس ابيّه عسى مرازيمه تلازم لها سرب ورقٍ يسوق الريح سوق المطيّه ويروي مطره الباز والصقر والخرب ويصير لمزونه على القاع فيّه ويجلى عمس من خاطره ماهو بطرب يودع زحَم صدره فجوجٍ خليّه