Moja Moja

Maiti nazo ziliandamana?? 😎

Kipenzi cha watanzania🇹🇿😊

Aliyekuwa Mkurugenzi Mkuu wa Shirika la Utangazaji Tanzania (TBC), Dkt. Ayub Rioba Chacha, amesema Waafrika hawawezi kufikia maendeleo ya kisiasa na kijamii kwa kujenga mijadala inayotawaliwa na chuki, hasira na matusi, akisisitiza umuhimu wa kuheshimu tofauti za maoni na kuthaminiana. Rioba amesema mjadala wa sasa kuhusu Katiba Mpya unapaswa kwenda zaidi ya tofauti za vyama na makundi ya kisiasa kwa kujikita katika historia ya madhila waliyopitia Waafrika na namna Katiba itakavyohakikisha hayajirudii. Ametoa msisitizo huo akieleza kuwa mjadala wa Katiba Mpya haupaswi kupoteza mwelekeo kwa sababu ya mijadala ya Simba na Yanga au CCM na CHADEMA, bali uwe nafasi ya kujiuliza maswali magumu kuhusu historia, utu na mustakabali wa Waafrika. Akitolea mfano wa historia ya Ubelgiji, amesema mwaka 1958 nchi hiyo ilikuwa na maonesho ya binadamu weusi katika mazingira ya bustani ya wanyama, akitumia mfano huo kueleza umuhimu wa Waafrika kutokusahau madhila ya kihistoria wanapojadili haki za binadamu. Amesema falsafa ya Kiafrika ya Ubuntu inapaswa kuwa msingi wa mahusiano ya wananchi, kwa kutambua kuwa utu wa mtu mmoja hauwezi kutenganishwa na utu wa mwingine, hivyo kumdhalilisha mwingine ni kujidhalilisha mwenyewe. Rioba pia amekosoa tabia ya baadhi ya watu kushindwa kuheshimu maoni yanayotofautiana na yao, akisema ni jambo la kushangaza kwa wanaosisitiza misingi ya demokrasia kushindwa kuvumilia mawazo ya wengine. Amesisitiza kuwa tofauti za kisiasa hazipaswi kuwa sababu ya kuvunjiana heshima, bali Watanzania wanapaswa kujenga utamaduni wa kusikilizana, kustahimiliana na kujadili masuala ya msingi kwa sababu, kama alivyosisitiza, “Hatutatoboa kwa chuki, hasira na matusi!”

Nyie mnasemaje?

VIDEO: Mwenyekiti wa Jukwaa la Wahariri Tanzania (TEF), Deodatus Balile ameeleza kuwa Mahakama Kuu ya Tanzania imetenda kwa mujibu wa sheria katika kumtia hatiani na kumhukumu Mwenyekiti wa Chama cha Demokrasia na Maendeleo (CHADEMA) Taifa, Tundu Antiphas Lissu, kifungo cha miaka minne jela kwa kosa la uchochezi. Balile ameyasema hayo akizungumzia uamuzi huo wa Mahakama Kuu, Masjala Ndogo ya Dar es Salaam, uliomvua Lissu mashtaka ya uhaini na kumtia hatiani kwa kosa dogo la uchochezi, huku akisisitiza kuwa njia pekee ya kuijenga nchi ni kurejea kwenye meza ya mazungumzo. “Bado ninaamini mlango wa kuzungumza upo kwamba mheshimiwa Rais anayo nafasi katika hili, hakuna kosa ambalo Rais hawezi kusamehe, hakuna hukumu ambayo rais hawezi kusamehe kwa mujibu wa sheria. Kwahiyo hapa mazungumzo yaendelee kwamba CHADEMA, CCM, Watanzania kwa ujumla tuangalie tunaijengaje nchi yetu, maana nimesema mara kadhaa hata tukipambana kwa kiwango gani mwisho wa siku tutarudi kwenye meza ya mazungumzo”, ameeleza Balile.