أ.نسرين

بعد سنوات في التصميم والتعليم
اكتشفت أن الفرق ليس في المهارة
بل في طريقة التفكير أشارك هنا ما تعلّمته وأُعلمه
بصراحة وهدوء هذا الحساب لمن يحب فهم التصميم بعمق 🌿

الأزرق والأصفر مو مجرد ألوان جميلة هي جزء من ذاكرة بصرية بنتها IKEA من خلال تكرارها على الواجهات والأكياس واللوحات الإرشادية النجاح مو في اختيار لون مميز فقط، النجاح في بناء نظام بصري يخلي اللون مرتبط بالعلامة في ذهن العميل منذ سنين حتى بعد تجديد الشعار rebranding ظلت كماهي راسخة

التحديث للعلامة صار عام 2018 لكن للآن كثير ما لاحظوا إن شعار IKEA تغير! التعديل كان بسيط بصريا لكنه مهم وظيفيا كبروا الحروف، وعدلوا المسافات والنسب داخل الشعار، عشان يحسنو وضوحه وقابليته للقراءة خصوصا على الشاشات الصغيرة يعني التغيير ما كان بهدف تقديم شكل جديد، بل تحسين أداء الشعار في مختلف أحجام وتطبيقات الهوية وهنا تظهر أهمية التفكير الوظيفي في التصميم مو كل إعادة تصميم ناجحة لازم تكون ملحوظة، أحيانًا نجاحها الحقيقي إن الشعار يؤدي وظيفته بشكل أفضل بدون ما يفقد هويته اللي ترسخت في ذاكرة الجمهور وهذا الفرق بين التغيير لمجرد التجديد والتطوير المبني على احتياج فعلي

مشاركة متأخرة لكن .. سلاف اسم عربي أصيل، يدل على الخالص والأجود والأفضل من الشيء @NOONEMBER #تحدي_نونمبر #شعار_عربي

لاحظت إن كثير من الهويات البصرية مؤخرًا تتجه للبساطة بشكل كبير لكن أحيانًا من كثر ما نبسّط الهوية نفقد شخصيتها! البساطة مو معناها نحذف كل التفاصيل البساطة الناجحة إنك تعرف أي عنصر يستحق يبقى وأي عنصر ممكن تستغني عنه بدون ما تفقد الهوية تميّزها لأن الهدف مو إن الهوية تكون بسيطة وبس الهدف إنها تكون واضحة ومميزة وسهلة التذكر برأيكم هل بعض الهويات صارت متشابهة بسبب المبالغة في البساطة؟

من مشاريع 2026

طلعة بدون تخطيط 👌🏼

من المواقع اللي تستحق تكون في مفضلة كل مصمم 👌🏻 موقع MeiGen مليان أفكار وتصاميم ملهمة في الهويات البصرية والإعلانات ….. أكثر شي عجبني فيه تنوع الأساليب وطريقة دمج الصور مع الخطوط والألوان غير انه يعطيك أمر الاوليد مفيد كمان للإلهام وتجميع أفكار للـمودبورد احفظوه عندكم أكيد بتحتاجوه

هذا التطبيق استفدت منه كثير برومت جاهز وتشوف كيف شكله و بس انت عدل عليه حسب احتياجك

الأيام اللي ما أحتاج أراقب فيها الساعة نادرة لكن بنحاول أصحى على راحتي أطوّل في قهوتي وأخلي اليوم يمشي بدون جدول احيانا أكثر شيء نحتاجه مو إجازة طويلة بس يوم ما نكون فيه مستعجلين على شيء ختام جمعة هادية وجميلة للجميع

عندي فضول أعرف هل أنتو من الناس اللي يحبو يخططو للويكند من بداية الأسبوع؟ ولا من جماعة نصحى ونشوف اليوم ايش حيصير فيه؟ أنا أشوف إن أحلى الويكندات هي اللي تجي بدون أي خطة

درس من هوية ليغو LEGO بالرغم من أن عناصر اللعبة قائمة الزوايا إلا أن تصميم الشعار بحروف منحنية وفيها مرونة لطيفة تناسب مرونة الأطفال غير اعتمادها على الألوان الأساسية اعتمدت في هويتها على أشكال وتراكيب الليغو بدون تدخل أشكال وأنماط مساعدة فألوان الليغو وأشكالها كافية انها تشكل هوية مناسبة

سبق وتكلمت عن إن مو كل لون يناسب أي مشروع لكن فيه جانب ثاني مهم يستحق نتكلم عنه احيانا المشكلة مو في اللون نفسه، بل في طريقة توظيفه داخل الهوية لون ممكن نشوفه غير مناسب لمجال معين لكن لما يدخل ضمن ((نظام بصري مدروس)) بتكوينات هندسية منضبطة وتوازن في المساحات والتباين تتغير النتيجة تماما وهذا اللي لفتني في هوية Module، الأحمر لون جريء وغير متوقع لشركة معمارية، لكن طريقة توظيفه مع الـ Grid System أعطته حضور احترافي وهنا نكتشف إن قواعد التصميم مو دايما تحدد لنا ايش نختار لكنها تساعدنا نعرف كيف نوظف اختياراتنا صح برأيكم هل فيه ألوان تستبعدونها تمامًا من مجالات معينة؟

مو كل هوية لشركة معمارية لازم تكون رمادية ومحايدة! هوية Module المعمارية مثال جميل على كيف ممكن نستعير من التخصص نفسه لغة بصرية. الحروف مبنية على نظام هندسي، والألوان فيها تباين جريء بين العنابي والأحمر الساطع. الجميل إن الهوية ما اكتفت بتمثيل العمارة، بل حولت فكرة البناء والدقة إلى نظام بصري متكامل. وهنا يبان الفرق بين تصميم شكله هندسي وتصميم فكرته مبنية على الهندسة.

مو كل هوية ناجحة لازم تكون فخمة! بنبدأ سلسلة يومية نحلل فيها هويات بصرية حقيقية وأول مشروع معنا Four Squares Café الجميل في الهوية إن المصمم ما تعامل مع الحروف كاسم فقط لكن بنى منها نظام بصري كامل استخدم حروف هندسية ثقيلة، وشخصية مرسومة بأسلوب عفوي، وألوان دافئة تعطي إحساس بالألفة والراحة ومن وجهة نظري نجاح التوجه هنا إنه ما حاول يقدم المقهى كعلامة فاخرة لكن قدمها كمكان ودود تحب تجلس فيه وتكرر زيارته وهنا الفرق بين هوية جميلة وهوية تخدم فكرة المشروع لكن عندي ملاحظة تستحق النقاش هل كثرة العناصر والشخصيات البصرية تعزز تميز الهوية أو ممكن تضعف حضور الشعار؟

الهوية الفخمة ممكن تعطي انطباع بأسعار مرتفعة أو تخلي العميل المستهدف يحس إن العلامة مو موجهة له هنا يحي دور المصمم في فهم السوق والجمهور قبل اختيار التوجه البصري الهوية الناجحة مو بالضرورة اللي تبهر صاحب المشروع لكن هيا الي تعبر عن مشروعه وتوصل للجمهور الصحيح

في اجتماعي الأخير مع صاحب مشروع قال لي إنه يبغى شعاره وهويته تكون (مميزة وفخمة) وهذا طلب طبيعي ومن حق كل صاحب مشروع ✋🏼لكن الفخامة والتميز في نظر المصمم لها أبعاد مختلفة مو كل مشروع يحتاج هوية فخمة عشان ينجح واحيانا المبالغة في الفخامة ممكن تضر المشروع أكثر مما تخدمه

تخيل إنك تبني هوية بصرية من الصوت نفسه! هذا بالضبط اللي صار في هوية Apple Music الجديدة استخدموا اهتزازات الصوت عشان يصنعون تموجات حقيقية في سائل، وصوروها وصارت جزء من شكل وهوية العلامة المفارقة فين ؟ اني جالسة اسوي دراسة عن هذا الموضوع من ٤ أسابيع🧐