Pamarthi RamaKrishna (RK)

పవిత్ర గోదావరిని కాపాడుకుందాం ఆరోగ్యకరమైన కుంభమేళాకు స్వాగతం పలుకుదాం! ​గోదావరి, కపిల, నందినీ నదుల పరిరక్షణ, కాలుష్య నివారణ, పునరుజ్జీవనానికి తక్షణ చర్యలు చేపట్టాలని మహారాష్ట్ర ప్రభుత్వంతో పాటు గోదావరి పరివాహక ప్రాంత రాష్ట్రాలన్నింటికీ వినమ్ర విజ్ఞప్తి. ​రామాయణ ప్రాశస్త్యం ఉన్న నాసిక్ లోని తపోవన్, కపిల తీర్థం, త్రివేణి సంగమాలు మన సంస్కృతిలో అత్యంత పవిత్రమైనవి. కానీ, నేడు ఈ పుణ్య నదులు మురుగునీరు, పారిశ్రామిక వ్యర్థాలతో కలుషితం అవుతుండడం అత్యంత మనోవేదన కలిగిస్తోంది, నా నాసిక్ పర్యటనలో నేను స్వయంగా తీసిన దృశ్యాలే దీనికి సాక్ష్యం. ​కాలుష్యానికి నాలుగు ప్రధాన కారణాలు: 1. ​శుద్ధి చేయని మురుగునీరు నేరుగా నదుల్లో కలవడం. 2. పారిశ్రామిక వ్యర్థాలు నేరుగా నదుల్లో కలవడం. 3. అనవసర ​అవాస్తవిక సుందరీకరణ, కాంక్రీట్ నిర్మాణాల వల్ల నదులు తమ సహజ శుద్ధి ప్రక్రియకు దూరం అవ్వడం పర్యావరణ సమతుల్యత దెబ్బతీస్తుంది. 4. ​నదీ పరివాహక ప్రాంతాల ఆక్రమణలు. ​కుంభమేళా సమయంలో ఎగువున ఉన్న రిజర్వాయర్ల నుండి నీటిని వదిలి నది "స్వచ్ఛంగా ఉందనే భ్రమ" కల్పించడం శాశ్వత పరిష్కారం కాదు! కలుషిత నీరు భూగర్భ జలాలను, ఆహారాన్ని, ప్రజారోగ్యాన్ని తీవ్రంగా దెబ్బతీస్తోంది. ప్రజలను పశువులను పక్షులను రోగాలకు గురిచేస్తుంది. ​పరిష్కార మార్గాలు - పౌర బాధ్యత. ప్రభుత్వాల కోసం ఎదురుచూడకుండా కాలుష్య నివారణలో ప్రజలు, ముఖ్యంగా యువత భాగస్వాములు కావాలి. ​గోదావరి ఉపనదులు ప్రవహించే ప్రతి పంచాయతీలో మురుగునీటి నిర్వహణ, శుద్ధి వ్యవస్థలు ఏర్పాటు చేయాలి. ఈ విషయంలో ​ఆంధ్రప్రదేశ్ రాష్టం తీసుకున్న చొరవ అభినందనీయం. ఆంధ్రప్రదేశ్ రాష్ట్రంలో గోదావరి ప్రవహిస్తున్న 262 గ్రామ పంచాయతీలను ఎంపిక చేసి వాటి నుండి మురుగు నీరు చేరకుండా చూసే భాద్యతను వారికి అప్పజెప్పాడంతో పాటు, 'మ్యాజిక్ డ్రైన్స్' వంటి వినూత్న పద్ధతుల ద్వారా కాలుష్యాన్ని అరికడుతున్న ఉప ముఖ్యమంత్రి శ్రీ పవన్ కళ్యాణ్ గారికి ప్రత్యేక అభినందనలు. ఇతర రాష్ట్రాలు కూడా ఈ విధానాన్ని అనుసరించాలి. ​'నమామి గంగే' తరహాలోనే 'దక్షిణ గంగ' గోదావరి పునరుజ్జీవనానికి ప్రత్యేక జాతీయ కార్యక్రమాన్ని రూపొందించి నిధులు కేటాయించాలని గౌరవ ప్రధాని శ్రీ నరేంద్ర మోదీ గారిని కోరుతున్నాం. ఆ నిధులను కాంక్రీట్ నిర్మాణాలకు కాకుండా, మురుగునీటి శుద్ధి మరియు సహజ ప్రవాహ పునరుద్ధరణకే ఉపయోగించాలి. 'వాటర్‌మ్యాన్ ఆఫ్ ఇండియా' డాక్టర్ రాజేంద్ర సింగ్ గారితో కలిసి 2 రోజులుగా నాసిక్‌లో క్షేత్రస్థాయి పరిశీలన, విద్యార్థులు, స్థానిక ప్రముఖులతో సమావేశాలు నిర్వహించాము. జల బిరాదరి కార్యకర్తల సమావేశం అనంతరం నేను విశాఖపట్నానికి, రాజేంద్ర సింగ్ గారు దిబ్రూగఢ్‌కు వెళుతున్నాం. ​నదులను కాపాడటం అంటే మన సంస్కృతిని, ప్రకృతిని, భావితరాల భవిష్యత్తును కాపాడుకోవడమే! facebook.com/share/p/1E2LMWz… #పర్యావరణాన్ని_పరిరక్షించే_అభివృద్ధి_ప్రస్థానం ​#SaveGodavari #SaveOurRivers #JalBiradari #GodavariKumbhMela @watermanofindia @SanghTarun @cleanganganmcg @PMOIndia @narendramodi @CMOMaharashtra @TelanganaCMO @APDeputyCMO @AndhraPradeshCM @mvrsastry