மார்கழி பனி (S.Palani) 🇮🇳

அயோத்திதாசப் பண்டிதருக்கு 2023 ஆம் ஆண்டு மணி மண்டபம் திறக்கப்பட்டது, அதையொட்டி ஒரு சிறு நூலகமும் அமைக்கப்பட்டது. திறப்பு விழாவுக்கு பின் மணி மண்டபத்தையும் நூலகத்தையும் பார்வையிட சென்றேன். அப்போது நான் பார்த்த நூல்கள் சிலவற்றை தான் தற்போது பதிவேற்றி இருக்கிறேன். பண்டிதருக்காக அமைக்கப்பட்ட நூலகத்தில் 100 வகை முட்டை சமையல், இளைஞர் மஹாபாரதம், வியாசர் பாரதம், ஜெகத்குரு பதிலளிக்கிறார் உள்ளிட்ட நூல்கள் இருந்தன. இதை புகைப்படம் எடுத்து அப்போது நான் பதிவேற்றி சுட்டிக் காட்டி இருந்தேன், அரசு தரப்பிலிருந்து அழைத்து அவசரத்தில் தவறு நிகழ்ந்து விட்டது, அதை மாற்ற நடவடிக்கை எடுப்பதாக சொன்னதை அடுத்து அந்த பதிவை நீக்கினேன், அந்த தகவலையும் பதிவிட்டேன். எழுத்தாளர் பெருமாள் முருகன் பதிவிட்ட நூல்கள் மட்டுமல்ல, இது போல கிலோவுக்கு வாங்கப்பட்ட புத்தகங்கள் இல்லாத நூலகங்களே தமிழ்நாட்டில் இல்லை.